應否幫小學生取得好成績?

1998Ruby1998

我都明白呢種感受。

不過「唔跌得落去」，好多小朋友會扭曲成「我唔失敗得」而唔係「我要 keep 住呢個成績來證明自己實力」。我見前者嘅學生唔少，佢地年年月月積聚嘅壓力，唔比大人少。

我覺得既然由父母決定，不如同仔女講，等佢地都有一半人生話事權。同佢地講：如果依家小學我地努力讀書，將來讀中學就會輕鬆d，因為你根基打得好過其他人，但係可能你呢幾年會讀得比較辛苦。如果我地依家輕輕鬆鬆過小學，將來中學多好多野讀，有機會因為其他同學小學已經準備好中學，你可能會追得辛苦。

咁樣黎等一家人一齊行量，我建議就劃個表出來，列出好處壞處，咁樣父母同仔女都清楚風險同回報，等埋有時間冷靜思考，公平討論，唔會「父母咩都話曬事，有佢講冇我講」。