男仔高度問題

1998Ruby1998

我雖然係女仔，但係我仲大問題。
我阿媽 155，阿爸 165，政府醫生計算過，我應該至少有 152-157，但係我依家得 144，中二到依家都冇高過。我小學同中學都打校隊籃球，但係就係得我唔高，所以畀教練踢走。阿媽煲田七同埋飲韓國營養劑，但係都係唔高。我生長激素係正常，但係腎上腺就偏低。我已經放棄左

我唔知關唔關事，我睇政府醫生驗骨齡，我 12 歲果年骨齡得 9 歲，16 歲就去翻 14 歲骨齡。

1998Ruby1998

回覆 2jkidsfather 的帖子

我因為一直身高掂唔到最低果條線，所以 10 歲就畀私家醫生 refer 去廣華兒科。我一開始個醫生就話要排骨齡，一排就排兩年，好彩有人退出所有讓到個位畀我。

1998Ruby1998

回覆 2jkidsfather 的帖子

田七唔係可以幫助長高，但係可以幫助骨骼強健。我個大伯係中山醫院做，佢話有 d 小朋友係因為骨質本身弱，所以長高嘅空間都留黎強健骨骼。
就好似如果你血虛而手腳冰冷，可以飲湯等等黎活血促進新陳代謝，但係唔係幫你製造血。

1998Ruby1998

回覆 mshopuiyin 的帖子

打生長激素唔可以亂打，如果醫生 check 到係正常，點打都冇用。不過男仔呢個年紀應該仲有得高少少。

1998Ruby1998

回覆 teabag 的帖子

腎上線素 500 係正常，我 330-480，偏低問題係我喉嚨疼／發燒／有炎症果陣，會拖好耐先好翻，例如人地病 3-5 日好，我可能要 7-10 日先好到。我以前真係咁，阿媽以為我潺。每次有病就一日食 3 粒腎上線素藥，提高翻。
剛剛複診，醫生話有機會腦刺激分泌唔夠或者腎功能差（簡單黎講，一係就腦殘，一係腎虧），未搵到真正原因，長期食藥都唔係一件好事，腎上線素偏低影響唔大，係驚我病得耐同埋做手術發炎身體都冇信號。

已經放棄搵原因同埋增高，touch wood 唔死得就算

1998Ruby1998

回覆 teabag 的帖子

田七湯係唔 work，呢個係幫助骨骼強健，等你 d 營養唔好浪費曬去補骨骼，所以唔係用黎增高。睇醫生，話係咁高架啦，驗過曬所有指數正常（除左腎上線）。因為我阿爸阿媽都唔係高果隻，所以我矮係正常，只不過冇諗過係咁矮。
拉骨我就冇試，同埋我已經大學，所以放棄～

1998Ruby1998

回覆 AC117 的帖子

我冇減肥，不過可惜我唔係食極都唔肥果隻，容易飽，更加容易肥，醫生話過唔識高就會增肥。不過我一直都係矮開，小一 105，中一果陣大概 130 左右，之後發育高左 10 cm。醫生仲問我家族係咪有菲利賓、印尼血統。
依家有幾個中學同學同兩個外國女仔同我差唔多高，都係唔過 155，大家都唔係早產嬰，冇早發育，父母唔係遲生（40 歲前生），冇任何病，飲食正常冇減肥，父母雖然唔係高但係都正常，佢地有兄弟姊妹，高度正常。所以唯一出事嘅，應該都係基因。

1998Ruby1998

回覆 AC117 的帖子

問題好大，見工面試著西裝，畀人感覺係小學雞扮大人撐唔起，亦都好容易畀人感覺辦不起大事。出去樓下問 KFC、麥記、吉野家等請唔請人，就算出面寫住招聘，一係就話唔請童工，一係就一臉嫌棄話滿額。買衫買褲難，我依家外國想埋件大縷都冇我碼，有我碼都係小童裝，係粉紅色好卡通果隻。將來做老師，連小學生都高唔過，次次都要鬥智先可以獲得對方尊重。 前兩年剛剛開始接補習，家長一見到我都呆一呆，質疑我夠唔夠料。 我都明白身高不夠，要讀書搭救，但係有陣時諗落都覺得無奈。

1998Ruby1998

回覆 妹妹頭 的帖子

167 總好過 142。167 唔算非常高，一山還有一山高，但係 142 就一定係非常矮，而且矮過我嘅健全成年人，基本上係零。

1998Ruby1998

回覆 妹妹頭 的帖子

係咪小五開始發育？如果係的話，到中學畢業大概 175 cm。我見我班同學都係咁上下。17X 有好幾個。同我一樣矮嘅就真係冇，個個都起碼 150。我唔求生得高，我只求接近 5 尺。
我咁矮，同樣難認識異性，冇人當我係成年人，亦冇咩男仔會願意有個咁矮嘅女朋友，個個都當我 BB 仔咁湊。阿媽成日講，如果生得高，就算唔讀得書，都可以做 model、空姐，賺得未必多但係都搵到食。我之前個社工讀唔到書，但係生得夠高，都考到入 Emirates 空姐。我呢 d 唔讀書的話，就真係聽乞米。

男朋友高度我只求 160 以上。

1998Ruby1998

回覆 aquarius828 的帖子

我諗我唔跳應該仲矮，我小學打籃球校隊 同 花式跳繩。