小一開學前準備

1998Ruby1998

記得記得要訓練小朋友獨立如廁同食飯能力！
廁所未必乾淨（就算校工勤清潔，其他小朋友可能會整到），帶定兩包紙巾，手帕。就算廁板乾淨，都要鋪張紙巾。初初一定係抹得唔夠乾淨，慢慢訓練就得。
同樓上一樣，要學識小休去廁所，上堂要去一定要舉手問老師。而且記得去到廁格要關門！我真係見過有小朋友唔關門，嚇親！
零食可有可無，不過避免小朋友亂買野食，都係帶好。零食可以帶橙、藍莓、草莓，帶支益力多、豆奶都好。
食飯未必需要圍裙（可能會畀其他小朋友笑），最好依家開始訓練「一盒飯」同埋點樣避免整污糟衫褲。如果帶飯，就訓練定開飯壺。
學校可能畀香蕉做飯後果，可以依家畀佢試下搣蕉皮（認真，以前做午膳大使，真係有小朋友唔識）
不過唔係咁擔心，小朋友好快學到，從錯中學習。