係咪唔係咁易考到英國大學獎學金？

1998Ruby1998

唔難，尤其係讀二線大學，不過通常 3 個 5* 就有獎學金，我果陣去大學 Pre-departure 會議，見到好多人攞到。

再唔係就係英國打 part time，返到黎香港暑假又打工，我一個暑假可以起碼儲到一年生活費。我有好多朋友（不論國籍）都係咁，呢度一路讀書一路打工。

1998Ruby1998

回覆 rubycourt 的帖子

除非有英國居留權，家境好好，否則我唔建議去英國讀醫科，因為一來真係特別用好多錢（多多獎學金都唔夠貼補，讀醫科＋住宿一年起碼要 40 萬以上，尤其係倫敦嘅大學），二來返黎香港個合格試真係難考。醫科獎學金特別難攞，Law、Engineering 果 d 反而會容易少少。
既然有能力係香港入讀醫科，不如留返香港，起碼 internship，將來畢業聘請都唔洗煩。英國醫院 internship 等全部都係本地人優先，你要爭到一席，GPA 唔爆 4 都冇機會。

想去英國留學，不如考慮大學時期去 exchange？咁樣一來有體驗，二來冇咁重皮，再者唔洗特別考慮家庭經濟。

1998Ruby1998

回覆 rubycourt 的帖子

咁就要取捨，如果女女去英國唔讀醫科，會想讀咩科？介唔介意讀 d 比較便宜 d 嘅科目（例如 Law、Business？）要分清楚到底自己鍾唔鍾意果個科目，因為如果係鍾意留學但係唔太鍾意個科目的話，日子會過得辛苦。

作為父母，只能係經濟上幫忙，努力賺錢。我屋企都唔係經濟環境非常好，但係父母都照樣畀我去（當然唔係讀 d 貴價科目）。既然女女有時間，不如叫女女整份 proposal，立定會去邊幾間大學、咩科目，學費、生活費、獎學金、在學／暑假期間打工幫輕負擔等所有考慮。佢如果係有決心去，一定會整到份好好嘅 proposal去說服你。到時候大家攤開曬黎講，雙方顧慮都會少 d。

1998Ruby1998

回覆 IloveJJ 的帖子

英國大學出嘅獎學金，應該夠畀大半學費，除非你真係非常出色，令大學肯畀更多。香港出嘅獎學金，應該剛剛好 cover 學費／出 3000－5000 鎊資助生活。
因為好多人去外國都係中學讀起＋讀 Science／Business，呢 d 科目比較重皮，我讀埋曬 d 冷門野，唔住倫敦，又唔食中餐／shopping，3 年都需要 78 萬。

所以我咪 hur hur 聲返香港搵銀，剛剛個暑假先搵夠生活費（不包括住宿）。

1998Ruby1998

回覆 IloveJJ 的帖子

平嘅科目就可以全數，醫科就應該得一半。

1998Ruby1998

回覆 IloveJJ 的帖子

提前係你要攞到非常好嘅成績先得，唔係咁多人可以攞到，而且有 d 獎學金係有 quota，多人申請要抽籤。
暑期工同香港一樣，餐廳侍應、搬搬抬抬、Cashier。果 d 賺唔得多，除非你有英籍，可以打份長 d 工時嘅工，有或者你打 3 份 part time。不過唔洗旨意英國／香港 intern 可以賺到更多，intern 真係賺經驗，錢賺唔得多，我同學為期兩個月嘅 intern 先等於我一個月賺到嘅補習錢。

1998Ruby1998

回覆 manning2014 的帖子

有，我之前報過兩三間東部、南部嘅二線大學，係肯畀 5000-7000 鎊資助，我又讀 d 最低等學費級別嘅科目。我上網都有睇過自己間大學，有幾個 Scholarship 真係可以出到 7000、9000 咁高，不過名額得 1-2 個，係一定冇我份。上面講得唔夠清楚，抱歉！

1998Ruby1998

回覆 IloveJJ 的帖子


我意思係要三科選修科全部 5* 或以上（有 d 獎學金更要求全部 7 科 都有返咁上下先畀），獎學金額由 1000 至 9000 鎊都有，視乎讀咩科同咩大學，不過多數都係夠貼生活費／一半 or 1/3 學費。全額就應該冇咩可能，除非你係超級狀元＋特意功能＋特殊家庭（記得以前有一則新聞話有個學生好叻，英國某大學願意全資助佢過去讀書）。我個 Postgrad 朋友攞到 Nottingham U MBA 全額學費獎學金，所以都唔係冇可能，不過就個案寥寥可數。獎學金名額有限，有 d 十幾名，有 d 一兩名，所以唔係個個都攞到，我呢 d 讀冷門文科更加冇希望。所以好多人都會一邊讀書一邊打工。暑假有 d 會繼續留係英國打工，有 d 會返香港搵銀，我選擇左後者。

唔太清楚市場，不過一個星期打工足 7 日，每日 4-5 小時的話，應該至少有 200 鎊，不過 200 鎊對好多香港學生黎講，應該剛剛好夠一星期交租＋食得清淡（住 studio 就真係 200 鎊全數交租）。

1998Ruby1998

回覆 etoile 的帖子

入到你女女果間，咩都抵！我阿爸之前講過：你入到牛記／劍大，咩都畀你，我將層樓轉做你個名都得！

1998Ruby1998

回覆 noel2010 的帖子

我有咁嘅能力，要樓。車壞得快過樓，而且樓住耐左，都有機會用買入價／高 d 賣出去。

1998Ruby1998

回覆 noel2010 的帖子

所以咪話「有機會」，車就一定冇機會

1998Ruby1998

回覆 WeiSB 的帖子

我讀文科都用 Lab （當然唔係 d 咩大實驗），覺得我畀呢個學費，可以有機會用 Lab，已經萬幸，增進見識（尋日先去完 Lab，然後依家要寫千字 Lab Report ）。
文科上堂時間的確冇咁耐，一星期 10-15 小時，冇咩機會需要連續上 4－5 小時，除非好似我同學咁，3 個 2 小時 lecture 直踩。不過我依家想打機都冇時間，淨係睇報告、文獻都搞好耐，一份都 3X 頁

1998Ruby1998

回覆 etoile 的帖子

做父母唯有努力打工賺錢。本來我阿爸都係話讀香港嘅大學就退休唔做，但係依家外國讀書就點都要撐落去，如果如我所計算，畢業返黎香港讀完教育文憑的話，佢應該剛剛好夠 2 蚊搭車。

1998Ruby1998

回覆 cakecakemango 的帖子

香港同英國個教育文憑唔認證，所以一定要返黎讀一年。我打算教小學，不過父母想我教中學，話多 d 人工 wor...不過我鍾意教小朋友多 d，中學果 d 唔多聽你支笛。

1998Ruby1998

回覆 etoile 的帖子

我阿媽話「你自己賺夠洗已經 OK，唔拖累我已經還神拜佛。」