皇仁難入嗎?

greendotdot

原帖由 aryee 於 11-4-23 00:48 發表

唔明點解大校pre s1會stable d﹖純綷因為人多﹖ ...

各區也有不少大校水平偏低，Pre-S1整體考得差，師弟妹的成績次第點會有運行，唔係一定人多好辦事。不過，人多都有着數，起碼估Banding誤差減少。細校蝕底，好簡單就是無人吼，很少叻人肯去讀。兩間軒小，主力都是放在精英班，大校唔大校沒有甚麼關係。以我觀察兩軒小這三年來為何咁多人派到QC，聯繫學位幫到手，但主要是「有運」，學額較多的非保留位一樣抽贏不少區內小學。今年都幾邪，咁多衰嘢發生，唔知軒小啲運行完未...

greendotdot

原帖由 aryee 於 11-5-5 13:52 發表


如果真係心儀qc，轉去軒小插班，大家點睇﹖本身係油尖旺band 1頭(但又未到全級top 3)，有冇機會插到軒小呢﹖油尖旺個網其實都好利band 1男，可攻(九華)可守(聖芳濟/銘基)，而且又係居住區域，但又好鬼心儀qc，如果靠自行同甲部去摶，無特異功能，猶如中六合彩，但轉去軒小其實都幾遠，但機會會好好多。大家點睇﹖

[ 本帖最後由 aryee 於 11-5-5 13:53 編輯 ]

我估你都係呻吓啫，軒小都收小六，小朋友讀得好好地，成績前列，家長會攪攪震同佢六年級轉校去軒小？第一，軒小插班男仔果條龍唔短，第二，QC學位今年縮咗咁多，兩間軒小秤先幾多？仲有無之前咁着數？要睇埋今年派成點，第三，如果小朋友短時間內未能適應學校、同學老師又陌生，成績可以微跌，也可以大跌，大吉利是到時成績連抽都無份抽。我諗乾脆努力啲原校追上top3-5，博自行有得in更實際。你睇吓隔離中學交流區皇仁仔啲家長幾忙、幾團結，QC的魅力不是學生、家長、老師、學校辛苦賺番嚟嗎？呢度個標題如果我係樓主我會加埋「皇仁難讀嗎？」

greendotdot

原帖由 aryee 於 11-5-6 13:18 發表


haha....每年呢個時候，大概又係考慮申請轉校既季節，我就開始pat pat痕，年年都止到，今年就特別痕，唔知係咪因為縮班但聯繫位不減原故(而且原屬油尖旺又話band 1生多過band 1位)，呢d數字實在挑起左條神經線。其實我仔再細d時我叩過一次軒門，收左，但最終無去註冊，諗住等佢大d再睇下點，自始，每年都再諗呢個問題，有時又後悔當年無accept offer，有時又慶幸自己揀左原區安置，總之，一諗起呢個問題就顛顛喪喪……

其實大家講既亦係我所顧慮，轉校成績會執位，而且我仔仲係初小，其實成績都未定形，如果真係玩破釜"尋"舟，我怕萬一最後唔得，到時陪了夫人又折兵！

不過可能我已被軒小black list左

啊，原來唔係小六轉校，講到Band1頭仲以為小五添，初小又無乜問題噃，如果插到班囝囝又讀得開心，起碼秤先街外人抽多14個位，不過真係睇你習唔習慣，校舍迫滿學生上午放學又下午返學，當然全日制會較受歡迎，軒尼詩道又人多車多，返學放學活動又要過江，舟車勞頓...咁辛苦，有時你諗吓都唔知為乜...，男仔為皇仁，女仔為庇理羅士，小五插班捱少幾年但又難入啲，兼且驚唔適應...

blacklist?似氹氹轉菊花園多啲，如果上次你turn down上午校offer，今次咪報下午校囉，我估佢哋無咁得閒過隔離check你，同一個校舍，我以前試過下午去問上午校嘅嘢，佢哋請我上午再來問過。唔知現在有無改變？

greendotdot

原帖由 cow 於 11-5-12 10:39 發表

皇仁2011年收共14位軒小聯繫生., 2010年收21位.
皇仁2010年收約60軒小生, 自行+抽獎收約40人,
2011年軒小入皇仁應小於45人.

自行就話溝通啫，统一派位點樣溝通。咁高興，我又估，我估軒小上下午今年2011合共44位入皇仁啦。

	2007	2008	2009	2010	2011
QC 灣仔校網				DP54 65(21)	DP54 43(14)
軒小 AM	30	33	33	32	？
軒小 PM	21	28	27	31	？
軒小Total	51	61	60	63	？？

greendotdot

順便也幫軒小女仔睇吓入庇理羅士的趨勢：
我估今年2011合共大約13人左右。

	2007	2008	2009	2010	2011
BPS灣仔校網				DP54 3(12)	DP54 3(9)
軒小AM	7	14	12	10	?
軒小PM	14	10	11	7	?
軒小Total	21	24	23	17	??

greendotdot

講句公道話，我自己幾年前開始便留意兩間軒小，雖然不及這裹咁多軒小及皇仁專家的意見咁pro，但我覺得軒小下午校這兩年多咗學生入皇仁可能是因為收多咗小五插班生，咁當然下午校的校長都有功勞，我見過佢，我都覺得她很有心機和關心學生。上午校的校長我不清楚，不過能夠保持到咁嘅成績都肯定是稱職，而且除咗校長，我相信軒小上下午校的老師都有很大貢獻，家長總不能只是認同軒小的聯繫機制對入皇仁有優勢，而抹殺軒小教職員對學生的幫助吧！

greendotdot

原帖由 cow 於 11-5-14 14:16 發表
插班軒上應比軒下難, 要很好成績才有機會考軒上插班試. 知有人成績一般也能成功插班軒下; 又知有一學生原校成績幾好, 但無機會考軒上插班考, 插班去了軒下, 考過全級第一. ...

有朋友兒子舊年升中，佢話當年囝囝小四學期尾考過軒小插班，上午校根本無位連報名都無得報，所以考下午校，當時也有不少人一齊考，最後offer佢小五插入兩班精英班中其一，但朋友始終唔慣返下午班，所以留番原校，佢囝囝舊年仍然升去皇仁，不過是自行考入，睇番舊年軒小下午校多咗人入皇仁，令我覺得我這個推斷不無道理。

今年情況就真係無乜依據啦，大家也毋須對放榜前的猜想過份認真！