聖羅撒書院

cameo

maylaumun 發表於 11-12-31 20:22
請問自行報聖羅撒書院機會大不大呢？因她有聯繫小學的，恐怕她會收大部分聯繫小學的學生。本人對此校認識不 ...

自行報聖羅撒書院機會大唔大 ? 呢點相信無人答到!
自行她會收大部份"直屬小學" ??  因為直屬關係喺大抽獎時已收85%小學部,所以自行選校時,書院之前已喺上年提過,會盡量呢part吸吓外邊學生,唔會盡收自己人 ! 亦咁講,喺小學較top的去自行選書院當然預佢收硬,但偏偏好多小學部band1A學生like 搏出面(無蝕)!

若肯定阿女係band1生,對SRL真係有興趣,我覺得機會未算太難 !

當然,我都係要重申,為小朋友6年中學著想,睇清楚學校作風,老師咩態度去教書?咩態度去教學生?

校風反而可放心,一來無得出面食lunch,二來到現時都難搵一間咁多家長/工人接送的中學,呢間中學真係幾多父母係湊女湊到初中甚至高中(現有中六生係由父母接戲返學)!

校內女仔算係斯斯文文(由小學train up),父母又貼身照顧,不少學生補幾科,乜都有人幫!

所以考慮吓風格啱唔啱個女+自己 !

啱讀就係好學生,唔啱讀就入到都無謂勉強

cameo

TINGMUM 發表於 12-1-3 11:57
回復 IMAX 的帖子

imax,

其實imax又無刻意去抹黑,事實正正如此! 而事實聖羅撒由小學至中學都係呢種方式去管教班女仔,由小學至中學都無強調自己係一間愉快小學,輕鬆中學....
係呢類型的女仔,聽教,服從性高,當然入SRL係至好選擇,有band 1B成績,帶住SRL需要o既風格去自行面試,都好多機會會收/叩門收 !

以成績分banding 未係太難,上嚟BK有khmama分析,單以banding去考慮入邊間就過分簡單了! 我阿女係SRL小學,以過來人身份勸大家,要搵一間合適自己小朋友學校,唔係合適父母要求,唔係合適父母想個女係咩形象,,,,,諗清楚自己個女係咩性格,唔好幻想/奢想 你入X學校就變X學生 ! 你明明係Y,入去Y只會辛苦,只會退步....

再講,言行係有得train,但性格無得train !!!　我女喺SRL唔太適合,性格從來唔會盲目服從,主動理論/多多辯駁 ?呢D就係咩學校用咩作風 !

我都唔係要抹黑SRL ,啱性格的大有人在,最緊要講出一間學校o既事實事例,為分享而分享,先係幫到人,幫佢搵到合適學校,,,,,更幫到間學校搵到合適學生!減少錯配情況 !

cameo

借tingmum回覆一用 !!

中學部, 學生病了缺課老師幫佢補返課. 上堂唔明,落課去問老師又會解釋返, 這不是老師責任感的表現嗎? --> 唔知係咪普通班/精英班有分別??我較熟家長都係喺精英班,又唔見佢地有補課,failed都無人跟! SRL家長多數自己搵tutor
此校很注重校風, 相信乖女形的會讀得開心! --- > 一定! 乖女最適合 !

cameo

laughapple,
正因為SRL適合你女女作風及你o既理念,所以佢越讀越好,你亦可以越來越放心!

我女係SRL小學,或者我都明白小女性格,及讀書風格,喺SRL唔適合,特別喺呈分試2年多同校內家長討論升中去向,若果真係"SRL風格"的學生,當然唔好放過直屬學校!
但以我個女為例,作風唔啱只會考慮其他適合的中學,校內top 10去向太極端不宜討論,但band1生都有不少理智家長明白選校真係需要了解女女及自己要求,所以今年有人去上智,華英,OLR,等等,,,,

cameo

至於補習, 即使是其他中學(很出名的如是), 學生都會出去補習, 并不是st. rose 的標籤; 現今的子女細路, 多是有父母的支援和幫助, 亦不是st rose 的獨有。 即使在其他學校, 亦有同樣情形出現 ----> 我意思係比例偏多

現今社會的趨勢和教育制度出現了以上普遍現象, 不是st rose獨有; 除非/可能, 在非傳統學校 (e.g. 國際學校), 讀書可以輕鬆一點, 不用在港競爭大學學位吧 --- > 我女無要SRL直屬位,升去OLR讀書係自發,但唔代表輕鬆,不過亦唔洗補習,校內有足夠支援(有現讀大學的OLR old girl回校幫師妹,可申請),學生無SRL咁文靜,偏向活躍多言,,,,,,其實唔代表OLR比SRL好,但一定比較適合我女!

OLR及SRL都係好中學,但作風上有大大出入,多D 日常事例去分享可以俾現家長作為升中選校做參考 !

cameo

回復 霖霖B媽咪 的帖子

1. 高度服從性, 自發性很強, 不用老師激勵亦會努力向上, 失敗左會痛定思痛, 轉化為動力, 努力向上既小朋友.
我想補充呀,係老師鬧完唔好死要面,要認錯要努力向上

2. 家長理念要求有高度性既紀律, 校風嚴謹, 家長可以多參與或跟進學生的進度, 有需要時, 可幫學生找額外支援, 無論在經濟及時間上.


呢點100%認同,不妨喺校門拉家長做個統計,,,,

cameo

事實一定係校內支持SRL為大多數(係正常o既事.若只佔小數就真係太可怕咯),由幼稚園到小學再到書院佔不少,由小學上中學就更加多,因為每年真係由小學上書院大約都有100人咁上下!

但 ,喜不喜歡/支不支持都總有原因!

我講出自己個case係希望有同類小朋友要作決定時,可以多一個參考,因為我女女係好動/愛表達/重思考類型,特別喺五六年級時親身體會"性格不合"呢種感覺,所以升中唔會為左一個百分百的直屬英中位而做不智決定 !

當然,無論喺邊一個討論區,有幾個/幾百個人發言都好,自己要理智分析,幾個人的分享/討論/閒聊都可以有佢參考價值,更希望真正用家都多D分享吓,喺BK唔係辯論,只係大家分享o既每一句都有可能影響到一個家長作為選校條件參考!同校家長之間又可以互相閒聊分享心得!