請大家分享或訴說一些旁人地眼光及言語的傷害經歷

mckm2007

Hi xixi1218,
我小朋友以前都有似你小朋友嘅行為，可能比你的更激，不過，我好少理會別人的批評或眼光，因為響當時的環境下，根本冇時間去在意其他人.有時我都會同其他人解釋，佢地聽得明慨就當我教識佢地一樣，唔明我就當佢地都有問題。好彩嘅係我好小遇到街上比人話/串，其中有一次係響評估中心比人話我小朋友。事原我地去評估中心見doctor, 等待中，我小朋友走入一個玩具屋入面玩而地上又鋪了膠地墊，所以一定要除鞋，我小朋友除左鞋向墊上面玩，玩到走來走去，跟著評估中心個嬸嬸叫佢唔好走來走去，要響墊上面玩，嬸嬸叫了好幾次都唔聽，跟住佢講左句：睇你(我小朋友)個樣斯斯文文，點解噤樣？唔聽人講。我99聽到好嬲，話佢講左幾次，99話佢冇啲愛心，再講就鬧返佢。我叫99唔洗閙，只係同佢講，小朋友有問題先會來評估中心，你知唔知評估中心做乜㗎！