小朋友學緊跆拳道入來傾下.

wahyanpooh

我玩了跆拳已經廿年，可以肯定講，香港的跆拳已經變了質，實在學不到什麼...

以前我地綠帶已經可以拉到大字馬、一字馬，除了拉筋外，還要鬆較，當時隨便找個人出來踢一腳，一定可以踢過頭了...

我個仔小一開始學跆拳，轉了兩間會，結果係..失望、屈水、浪費時間。

現在一開始學，先要買袍、買匣、買護手、護腳、護陰、雞肶....等等，承惠一千元啦。

以前套袍可以出邊買，其他護具、雞肶都係用公家的，唯獨護陰較私人，會自己買的。

好了，買了又極之少用，以前差不多每堂尾段都係fighting，要練好跆拳，平日練好腳功就一定要，但實際fighting係必須的，否則就變成陸上學游水了。

點解少fighting，原因好簡單，怕孭鑊，驚小朋友受傷被投訴，最好成堂都係體能、套拳、練腳....簡簡單單又收工。

以前考帶只需$50，現在就要$200-250，3個月一次，黑帶就$2000-$2500，除了考黑帶執緊少少，其他段數最緊要俾錢....

wahyanpooh

我係跆拳的熱愛者，我當然贊成小朋友學跆拳係愈早愈好啦，根底打得好D....

但在香港呢....強烈建議都係中一才學吧，如果學校有得學，就在學校學吧，因為有學校監管，無咁屈水呀....

而且小朋友太早考黑帶(16歲以下係紅黑帶)，上到中學，發覺自己條黑帶有名無實，佢會唔願意繼續落去的。

至於邊間無咁屈水.....其實間間差不多，你企硬唔買都奈你唔何。我反而不在意佢屈水，1千幾百都俾得起，但係學唔到野，成堂好似唱遊咁先至大鑊呀。

[ 本帖最後由 wahyanpooh 於 08-10-29 10:33 編輯 ]