培正 2009-2010 小二家長請進 (報到啦)

lokyau

我也報到。

這個假期要照顧BB,沒有去旅行。囡囡就游水,學琴,學英文及上門補習,其餘時間就玩玩玩。不過在我逼迫下,她每日都有練琴,進步不少。我見佢成日都好無聊,功課又一早做哂,就買D二年級練習比佢,但佢就皺哂眉唔肯做。

佢好緊張19/8編班,成日問幾時到0個日。

上次去學童保健,笑死我地,醫生話囡囡的問題是......太高了(135cm)(這也算是問題?o嘴)

lokyau

我囡囡今年係望班,佢好開心咁話,有十個同學識得。

lokyau

好少功課,所以一早做哂。佢在家甚得閒,成日話好悶,想快d返學。

lokyau

我囡囡好緊張開學,又話好驚識唔到新朋友。我咪仲擔心,佢好慢熱,上年因為一開學識唔到新朋友,搞到話唔想返學,仲叫我幫佢轉校。要到上學期尾先同d同學friend。

lokyau

剛過去的暑假太悠閒,我囡囡終於捱不住返學的忙碌,病倒了,要請病假。

不過過去一星期,佢好開心,因為識到很多新朋友,她很喜歡這班,很快便融入了。她最開心的事就是如願以償做風紀員,佢發夢都想做,佢開心到死。我就話,你生得高大,成個巨人,才被老師選中。

lokyau

yuyung:我都知佢成日癲癲地周圍跑,我老公都話佢點做風紀。我日日都俾手巾仔同紙巾佢,但佢真係唔識照顧自己,好激氣。
佢今天冇返,佢星期六發燒,但當日已退燒,星期日已好番好多,但費時傳染人,所以今日都請左假。多謝關心。

lokyau

極之認同,我老公成日都好不滿，佢話唔見得教左好多野,但測驗考試又好深,分明係靠家長。我地夫婦都返工,真係好辛苦,抽唔到時間教佢。
我同老公成日都7,8點先返屋企,今年唯有叫佢留在九龍返補習班做功課,爸爸放工才接她,於是每晚都成八時許,九時才吃飯。但佢好似捱唔住,好辛苦。(上年因為我大肚,同事體恤,我才可每天接佢放學，回家教佢做功課。)
我同老公想下年小三幫佢轉校,但心大心細。最大原因係我地住粉嶺,想返沙田,大埔上學,唔想佢舟車勞頓。但培正係名校,好難入,唔捨得放棄。

lokyau

真係幾嬲，依家有present tense的工作紙，我問我個女，佢話老師冇乜教，佢唔知係乜。但有d同學根本已識，所以老師就教得好快。我女兒不嬲上學好專心，只是錯在阿媽冇預早教定佢，所以就學唔識。如果學校有英文教科書，我都可以睇住個範圍，拎教科書教定佢。依家唯有買街外練習教佢。

lokyau

功課好似比小一仲少，但有d佢根本未學識。
另外，又係考試測驗的問題。都唔覺佢學左好多,但最後份卷係比平日功課深好多好多。

lokyau

比如做comprehension的skill，如果不是老公教佢,佢係完全唔識。學校也有教phonic,但我囡囡完全唔明,暑假比佢出面再學,佢就識左好多,但依家返學後又還番哂。我那一代學校沒教phonic,我唔識,教唔到佢。另外，普通話一星期得一堂,但考的範圍甚大,連我教小學普通話的朋友也感驚訝。如果不補習的話,那追得上。我囡囡已屬於專心聽書型,只是不夠主動,踢一踢才會郁一郁。
不過,我個囡已被思想改造,深愛培正,對學校好有歸屬感,也很守規矩,很乖,這是培正的功勞。

lokyau

考完,一身鬆哂。

我囡囡0個班上星期已背乘數表,背到4,佢只背到3,上星期唔好彩比老師抽中要背,佢唔識,比老師罵,返屋企就不停喊。

佢昨天說,中文老師話佢0個班中文考得好差。我囡囡今年中文做唔哂,佢話最後有兩題冇做。話已經好博命,都唔夠時間。唔知常識出左乜野時事題?

lokyau

好彩貼中頭兩題，我囡囡都話係問奪金項目，不是問人。至於第三題，竟被佢撞中，佢0既原因係，另一答案阿根廷，佢覺得人地冇資格舉辦奧運，另一選擇佢唔太熟那國家(事後都講唔出)，佢話覺得巴西最有資格舉行奧運。都唔知佢乜野邏輯!!!!

lokyau

執番一身彩,佢中文都有80分,但創了新低。我罵她一頓,因為佢只係寫錯字,已扣了5分，仲有兩題唔夠時間做,因佢寫字太慢。激死!佢成日照抄都可以抄錯。

佢0個班最高分係92分，佢話都好多同學係7,8字頭,唔係好差。

lokyau

三科都80幾好叻。我罵我囡囡中文科，係因為佢照抄都寫錯，扣5分，我提左佢十萬次。佢英文同數學真係唔樂觀，英文不嬲都差，以往都係7字頭,唔望有突破，數學仲要今年大倒退,我好驚。

佢今日派作文，嘩!我作為中文科老師(雖然係中學)，真係睇唔過眼,都幾差。但我囡囡好開心咁問我，係咪幾好啦?我只有話，進步左好多。(得0個75分,有幾好!)

lokyau

唉!超大大大打擊，派哂所有卷了。只可以說，冇眼睇......
佢考完英文當日,話好有信心，最後只得5x。佢小一都有7x,我同老公激到呢!好多問題在家跟她溫習,她是全答對。唉!中,數8x,中作7x,雖然退步左，但我完全接受，但我老公鬧到佢無里神氣,喊哂。仲有聖經，以前次次都100分,今年98分,佢自己都喊,話要殺死自己,嚇得我。反而最驚喜是無乜點溫過的常識,預左佢衰,但有9x分。

lokyau

激死!我個女今日仲要好開心咁講,原來有同學30幾分,也有人40幾分,以為自己好勁!我冷冷說句:你係咪覺得自己5x分好威?佢先即刻收聲。

lokyau

都係，好似我囡囡咁懶0既學生，揭揭下覺得煩，就變左hea做;仲有佢粗心大意,這樣揭法令她寫漏了字及寫錯字，被扣了不少分數。

依家我地中學，會分開閱讀材料及答題紙兩份，公開試亦然。