APSKT 宣道 - Results have been released & why your child gets accepted?

luiluimama

回復 myac 的帖子

關校長係一個對教學好有熱誠既校長, 佢唔會好似其他學校咁只照顧好成績/課外活動表現好既學生

關校長同我講過, 佢好想每一個小朋友喺小學階段就浮哂所有學習/品行既問題出黎, 宣小會盡力幫助有問題既學生改善問題, 為佢地打好個底, 等佢地上到中學時可以好順利咁學習

佢以上既說話反映左2樣野, 第一, 佢真係好真心去對每一個學生, 佢唔會因為某學生成績/品行唔好而放棄, 依種態度對教育黎講好重要, 第二, 佢對自己學校好有信心, 佢有信心去改善每個學生既問題

另外, 關校長勁在佢會記得哂全校每一個學生既名同背景, 所以我好欣賞佢

luiluimama

回復 myac 的帖子

myac, 我見你喺唔同既post裡面都問有關hy同aps既比較, 我就講少少我既經驗啦

我大女選校當年我既dream school就係hy, 我當時自行有20分, 再加埋租樓去抽, 點知2樣都唔成功, 好失望同唔開心, 好在當時aps收左我女女, 心諗住等我女女喺aps讀一年之後就試下轉去hy

女女讀左一年之後, 我確實覺得aps好好, 我女女性格好慢熱同無自信, 喺學校裡面係唔出聲果種, 讀完aps一年之後, 雖然我女女既成績唔係最top果批, 但我漸漸覺得佢自信左同開朗左, 學校既老師用左好多時間去鼓勵我女女, 令到佢慢慢有自信

到暑假前我問女女好唔好轉校, 佢死都唔肯, 因為佢話讀宣小好開心, 跟住我仔仔都入埋宣小, 咁我就完全放棄轉校既念頭啦

音樂方面, 宣小確係比左一個好好既培育比小朋友, 佢既氣氛係令到小朋友唔會諗過放棄, 即使唔係個個buy學音樂, 但我同意校長所講, 培養到小朋友對音樂有興趣, 等佢地上中學時都係同番學音樂既朋友一齊玩, 令到佢地唔會學壞.......我同意小朋友學壞好多時係睇下同咩朋友玩, 所以我都想我既小朋友好似校長所估計咁中學同番有學音樂既朋友一齊

到你見到你小朋友有一日上台表演既時候, 我會深信你會感受到宣小既好

當然, 我仍然好鍾意hy, 而家小朋友喺aps讀得好, 唯有望中學入hy啦

以上只係我有關aps既意見, 我依然覺得hy係一間好學校