體藝中學--學生開心學習生活實況

彤媽媽

請問各位知唔知道,
讀體藝的學生,是咪唔容易升大學呢?
又有人講,入面讀得書的,
只係藝術系的學生,體育的唔係咁得

是咪同普通中學一樣，
都係睇你中七考得好唔好來決定能否升大學呢

有無人的仔女讀緊，會唔會做完運動，
返到屋企無力溫書呢？？
Tks a lot

彤媽媽

唔該晒!!
你女女果年考咩呀??
有一年人地話考小朋友跑八百米,
唔係 要你快,係要考你耐力,有無心去跑完

你女女係咩體育科呀??
學校有無家政科呀,
其它的係咪同文化中學一樣的??

彤媽媽

好多謝你答得咁詳細,
我女女好鐘意運動,
佢上網見到體藝校舍又大又有泳池,
好鐘意，而且知道可以日日上體育堂，
就更開心，但作為家長的，
對這學校好似咩都唔知咁，
就會好擔心佢以後的前途

你女女係咪放左學先訓練羽毛球呀，
係咪４－６呀，咁之後返到屋企咪好夜，
做唔做得到功課呀？
夏天係咪學生會學游水架？？

Tks a lot

彤媽媽

多謝你地的意見,
聴完你地咁講,都好安心,
其實我都好支持個女做運動,
但有個朋友話 : 體藝比其它芵中的學科成績無咁好喎!
所以就想係度收下風

其實我係網上睇學校的環境真係好靚,
好大,有又個咁正的泳池

如果再有好料，係度分享下，
會唔會有開放日呢？？

彤媽媽

fitceo :

學校係咪好似其它中學咁，
到中四要分文，理科架，
如果係，有幾多班文�理，
定係中四時，除主科，
比學生自選科目讀呀？

希望以後你地可以有多些學校的消息，
可以放上來分亨，
讓其它學生及家長對體藝多了解，
令小朋友們多一條活潑開心的出路
Million thanks

彤媽媽

各位家長,有無新料講比其它家長知呀??
每年都有喜歡做運動的小朋友想入體藝,
講多些給大家分享下

有個朋友話,佢個朋友以前教過體藝,
話入去的學生,初時成績都幾好,
但讀耐左就跌,所以學校會考成績都唔係咁好,
你地知唔知道學校的會考成績呢??

彤媽媽

咁要睇下你點評成績痳痳,
間小學係band幾，小朋友全級考第幾，
好似我女女小學咁，
因為banding高，考得深，
小三時校長話考機評有成１２０人係第一組別

如果你小朋友係體育好，
都要睇下係那一種運動，
如果係好多人都識的，如游泳，
我想你小朋友要有多些奬才會入選
咪去考下，睇下學校有無得in,

其實好多區的中學，都會有一些是會注重體育的，
你可以上你區內的學校網，睇下佢係咪有好多體育奬

彤媽媽

Nymph :

游水年年都好多人去考，
因為好多人都識游水，
如果你用游水去考，除非有幾多奬，
唔係就可能無得in,
其實用體育入左去，校隊都操得好緊要，
幾辛苦喎（有朋友的女兒說的）
如果你女女身體唔係咁好，
要小心考慮下

如果你真係十分想用體育入的話，
你可以試下用女子足球，
每年都少人用這去考，機會大些，
可以先去報暑假足總的訓練班，
先有些踢波的基本技巧
反正唔會影響中央派位，一試無妨，

但有人話，如果佢收左你，
學校巳經收起小朋友的位，
其實你係無得中央派位的