CKY vs YWPS (英華)

wcyjessica

我都有同樣問題，最後㨂左CKY. 最大原因係語境配套。

我知好多家長覺得語境係外補都得，但其實外補個d叫谷番黎，每日都接觸個d叫浸番黎。

好多人話CKY學費貴，其實學校比每日6個鐘既英文 普通話語境，60%外藉老師，仲慳番好多時間唔洗外補，可以比小朋友睇書玩玩具。中學仲加多個外語比小朋友學，咁既教育配套仲嫌貴，不如睇下IS/海外IB課程咩價位先。

YW係好抵讀，預備比男仔既課外活動都好吸引，但中文小學 傳統學術課程，90%本地教師，唔外補既話其實無咩語境配套可言，學校都盡晒力教好班仔仔，睇得出學校用心，但始終教學方向係本地中學 DSE, 所以語境配套少都正常。

其實傳統課程都出到流利英文 普通話既學生，但講緊%有幾高，以前會考純計過，英文90%既A都係排頭個10間中學拿晒，叻個班都係因為勤力，所以先操到咁勁，懶少少d英文/普通話都講到窒吓窒吓，試問出黎工作點同外資/中資老闆開會？

至於語境有幾重要？我覺得係求生技能，留向香港發展/移民去海外/北上發展都需要。所以最後揀左CKY。