葵青區中學b3排名

mini5765

Lucy316067 發表於 20-10-24 21:53
阿仔成績比較差，呈分考試平均成績先啱啱好合格線，應該就屬於b3生，葵青區邊間中學校風比較好d呢:handsome ...

本帖最後由 mini5765 於 20-10-25 20:32 編輯

進取啲可以試吓荔天，迦密，皇仁舊生會

茘天band3入到機會係低少少，但未至於冇機會。間學校自稱冇收band3，係大話，值得一試。

迦密其實近年已經收少咗好多band3，我細女同班男同學自一甲一乙一都唔中，相信都係多人揀。自行&大抽獎中嘅機會渺茫，我自己覺得有少少浪費機會。

至於皇仁，banding都幾飄忽，有人話2，有人話3，應該係b2尾附近，搏得過。但校風比茘天迦密甚至燕京差，啲學生真係比較拽

青衣梁植偉未知有冇升band，如果仍然係band2下游，呢間可以揀先過燕京。

燕京好多好評，我唔清楚。爛船都有三斤釘，基督教/天主教學校一定優勝少少。

至於最壞打算揀band3，我自己唔建議自行揀，即使成績肯定係b3，亦唔應該揀band3。揀左等於自動放棄大抽獎搏b2嘅機會！

B3而言，我會咁排（校風）
葵循>李惠利=圓玄第一>獅子會>葉紀南 =棉紡會>鍾榮光

冇列出嚟b3學校真係幾嚇人。

樓主既然住荔景，按成績同校風排優次，可考慮咁（已考慮位置同交通，已揀走同荔景區交通唔方便既學校）
茘天>迦密>梁植偉>燕京>皇仁>葵循

目前自行茘/迦/梁/燕四選二

mini5765

BabyYukYuk 發表於 20-10-25 13:17
有無人可以講下鍾榮光如何？

真係好多粗口。。。
啲學生又嘈，冇秩序，唔太掂

mini5765

gracelam 發表於 20-10-26 07:52
迦密愛禮遜band 2尾，自行可以一試，地點自成一角，雖然不太方便，但亦係優點，放學可直接回家，流連葵廣 ...

仁立寫迦密2B，近年建議b3同學去燕京多，開始少咗叫人去迦密。

呢間學校係高增值學校

我女同學b2c自一甲一乙一唔中，結果去左乙二燕京。

mini5765

Lucy316067 發表於 20-10-26 02:35
我係比較中意燕京，係青衣地鐵站行5分鐘就到嗎？

五到十分鐘，但住荔景的話，先考慮荔天迦密

mini5765

wan_sosin 發表於 20-10-26 16:57
梁植偉都算係2B,但校風麻麻。

宏觀青衣區b2b3，呢間已經叫做還可以。

mini5765

Lucy316067 發表於 20-10-26 02:39
呢間都係屬於Band 3嘅咩，我冇了解過呢一間學校

樓主小朋友其實讀嘅小學屬於幾線？

如果一線小學b3，其實可以當b2c選，自行可以揀石天，荔天等次熱b2

mini5765

wan_sosin 發表於 20-10-26 17:10
不過住附近嘅居民都唔太欣賞呢間學校學生，出面嘅評值比我哋親身接觸嘅好。
...

始終收得多青衣區小學升上去嘅學生。大多數來自長康，長青呢啲舊屋邨，參差少少在所難免。

mini5765

mianyang_99 發表於 20-10-27 09:23
燕京都OK乖啦......皇仁舊生個D就

之前坐44M，舊生會啲學生嘈都算，幾句幾句大大聲夾啲粗口。。。實在麻麻哋

同區梁植偉同燕京真係乖好多。

葵涌區都有啲中下游嘅b2校風麻麻，荔天，顧超文校風都幾一般
。石天，李賢堯，蘇浙反而校風幾好。

mini5765

wan_sosin 發表於 20-10-27 09:20
所以有時聽返嚟嘅野未必真，都係親身接觸過可信程度高啲。
其實本身青衣啲學生平均唔算好乖，所以我放棄葵 ...

葵青區好多中小學，包括b1-b3，屋邨家庭出身嘅小朋友佔大多數。尤其係青衣。

講真，若然父母唔識教嘅話。個小朋友又唔上進真係冇乎。唔係歧視，而係有部份屋邨家長都唔係好識教育小朋友。

所以其實我覺得葵涌區嘅中學係比青衣嘅中學好。起碼收生冇咁單一來自青衣。葵涌嘅中學好多有來自離島，荃灣同深水埗嘅學生，質素係比青衣好多學校高。

mini5765

wan_sosin 發表於 20-10-27 09:20
所以有時聽返嚟嘅野未必真，都係親身接觸過可信程度高啲。
其實本身青衣啲學生平均唔算好乖，所以我放棄葵 ...

主要睇個小朋友嘅家教，我三個小朋友幼稚園到中學都係葵青讀，一樣咁乖，循規蹈矩冇學壞過。

我都試過聽到有我大仔學校嘅家長話間學校有人食煙（個別例子），起初聽到都好擔心，但我相信我小朋友唔會咁，一定會好自律。

所以其實只要家庭教育好，讀再差嘅飛仔學校都冇問題。
小朋友讀得開心同都係乖仔乖女就可以啦

mini5765

wan_sosin 發表於 20-10-27 18:54
你本身教小朋友教得好好！
我只一個兒子，令我決心離開此地係因為我仔曾被針對，導致同學肆意欺凌的更是老 ...

介唔介意透露係青衣區邊間小學有呢個情況？

好多小朋友小學生涯好唔開心好似我大仔，細個讀區內龍頭聖公會小學，因為成績次第係b2-3邊緣，比人比下去比到喊，覺得自己盡咗全力都追唔到成績，永遠都係最差嗰班。
升中時好僥幸係自行階段被而家呢間b2中游學校收咗，雖然呢間學校校風好一般，但係呢個環境下，更鼓勵仔仔開始發奮讀書，勤力追成績，年年維持級二十內，英文級十內，開始重拾自信心。

係呢個討論區嘅每位父母都係用心良苦為子女籌謀未來升中嘅路無論如何都好，亦希望大家能夠為子女揀一間適合嘅中學，banding係其次，學校嘅校風同支援係首要，等佢哋可以行條開心嘅路。

mini5765

Amy12 發表於 20-10-28 06:54
迦密係高增值學校？意思係比較谷嗎？

意思係每年學校公開試成績同校風方面都有一定嘅進步。

谷吾谷就好主觀，不過聽用家講都唔係谷到好緊要

與其話呢間仍然係b2尾，荔天，梁植偉嗰啲負增值學校/退步既 都唔知去咗邊度