如何能提高小孩子的英文寫作能力?

Vanadium

其實呢D帖發生咩事? 好似有好多故事係背後......有無人可以講下。

好在我對呢D不斷追求高英文水平既內容一D興趣都無..........免疫免疫.......

奇怪EK有批人不斷出推學英文既帖，又無數學、中文、常識、宗教、健康、音樂、體育....做得好又有心得既人，出下帖寫下書分享下點樣提升小朋友至超高水平，如每星期計兩本數、伴計數學、教小朋友自己derive下D formula咁，個17歲數學教授及呀爸又唔出書分享。

可能英文先有市場價值啦....不過呢D學英文好帖，不如叫EK版主置頂，唔使出完又出咁辛苦。

Vanadium

樓主個問題本來簡單易答，寫作想高分……寫多d咪得囉，睇書唔好淨睇，同小朋友傾d好文章寫得好係邊，慢慢應會從傾談中潛而默化，倣效繼而創造更好文章。若小朋友唔太鐘意無端端去寫野，用實際需要引發小朋友去寫，如去旅行，幫手寫d行程；扮廁所漏水，要佢幫手寫信去管理處講下情況；扮忙叫佢寫d野告知自己今日學校發生咩事；同仔女講好鐘意詩，要同佢地一齊玩下作詩等。寫d野去參加比賽，萬一贏左好大機會會激勵到小朋友繼續寫。

據說閱讀對學習詞彙效果麻麻，研究過睇多次個字都未必記得，如果聽說讀都得，係寫唔得，相信就死左係閱讀較無效地方。寫係要有d野記入腦，詞彙、句子等，然後慢慢習慣寫出黎，齋睇唔記，無不斷練習同創作，未必寫到好文。

Vanadium

回覆 1998Ruby1998 的帖子

還不明白學習可從環境長時間自然吸收去學，或用智能去學，智能差不多係學習、特別高階學習之基礎。
小朋友從小學琴，不斷浸不斷學，可能5至8年才考到8級，但成年人去學，我識好幾個由零開始，2至3年就8級了。老師會講，大人懂性，學咩都會快過小朋友，我就加埋有心學動機高，有埋能力自然更快。

有人好心急小朋友識到咩程度，如咩都無純學術生活，未夠10歲就送個小朋友入大學，我個人就絕唔會buy，因其實個小朋友有potential，遲10年先做，都會追得好快，亦無損日後成就，最後只係幾年時間（如18歲定22歲做教授），人生咁長，無謂係小時生活咁極端。

Vanadium

回覆 1998Ruby1998 的帖子

我一個讀語言(碩士)的朋友同我講，critical period主要係指發咅，能否做到native之聲調，過左就好難。但文字及寫作....um....我朋友好似無點講，以下網頁內容同我朋友所講幾吻合。

https://kknews.cc/zh-hk/education/8xkamq.html

當然我唔知樓主既寫作係講咩，如香港英文考試之寫作，其實寫得靚既工具式文筆已夠爆分有突，如普通business writing、academic writing或report。但若然寫作要求係高到文學式作品，又另一個層次，香港應該好少學生去到呢個水平，甚至逹官貴人中，相信都無幾多過可以用英文寫到散文或小說。

其實見你係EK回應，睇得出你對英文特別有興趣，有機會同你屋企都算有一個英語環境有關，祝你學業有成，英文可以幫你日後搵到好既工作。

Vanadium

回覆 shadeslayer 的帖子

香港英語水平對於叻果批學生 (可能佔全港10%)，其實真係唔差，要知道英語只係我地第二語言，係同時保持高水平既中文程度下(甚至係寫到散文小說、睇古文之程度)，仍能夠用英語算流利溝通、學習同工作上寫得正常英文，真係算好唔錯。

但呢批學生，大部份都有一個背後支持佢地英語學習既環境，如家庭、學校、金錢，英文....有語境好難唔好，一個正正常常既人，係咩語境就會識果個語言。 其他學生，除學校果幾堂英文堂外，完全無用、無見英語機會，根本無可能學得好，打你10幾年又如何? 接觸英語時間唔夠係純英語環境浸泡兩三年。

我識一批英語好既FTM，日日同D小朋友用英文，係香港既環境下，英文唔win晒先奇，佢地之仔女特別叻? 唔一定會，但英文的確比普遍香港學生好，因家庭有用英文。

Vanadium

我突然諗起我幾個女性朋友，18、9歲先去美國或加拿大讀書 (有個仲成30歲先去)，去前英文叫會考C既程度，唔太差但一定唔叫好。20年了，讀書、工作，仲嫁埋比鬼佬，生兒育女，偶爾返黎香港.....見佢地都好似近唔記得廣東話點講咁濟。

佢地寫、講、聽、讀到今日相信都極流利，呢度應無人敢挑戰佢地英語能力，但當然，佢地應該都係唔可以寫英文文學作品。

語言....或英文，本質根本就係咁。