請教下各位媽媽, 我的難題

木子

版主見諒, 因小學雜談那裡沒有多少回應, 所以轉到這裡,

小朋友一至四年班成績都keep到有番咁上下, 四年班時英文開始差咗, 已於暑假搵老師上門補課, 然後一直補到現在, 補課時他表現較好, 老師都說有進步,可惜小五上學期英文現六字, 下學期測驗仍然六字, 而且整體成績都出現下滑

我同英文老師傾過, 佢話小朋友似是好易放棄, 比如一份卷英文閱讀理解咁係有一啲唔識的字, 佢會在搵到一個類似的答案後不再去仔細睇番, 原來自己搵到過錯的答案填上去, 同樣的grammar也是如此, 沒有仔細看上文下理就沖動填寫答案, 以致出現每種類型題都有錯, 錯1/4或1/3, 最後失分。

此種性格, 老師說一定要讓小朋友自己明白自己去解決, 佢由小至大, 都係我在安排時間表, 安排他溫習什麼, 老師說唔應該再係咁, 而應該放手讓小朋友自己去做去安排, 昨天我試過了, 因不可能一下子放手, 所以列明了週六週日二天要做的事情, 讓他自己安排時間做, 似是不見效, 佢仲話媽咪我唔中意你話自己決定這四個字。

木子

我曾觀察過佢, 如果讓他做一篇英文閱讀理解, 他會較快做完, 但是答案有錯, 當我同他說有錯時, 他會睇一睇, 又即刻改啱, 我也有在旁鼓勵他, 你看就差這一點, 你明明係識架, 點解唔把你的能力show出來, 而一定要做錯之後才改呢?
反反覆覆出現過多次咁的情況。針對這一點有無家長可以俾啲意見我點樣去幫助他改掉呢個壞毛病呢?