2010年K1 上幼望

pamelaywy

原帖由 NICOLE123 於 10-8-30 10:34 發表
我仔剛打電話比我
話好好玩
好鍾意鄧老師
今日有2個小朋友喊...
我仔衰到叫佢地喊細聲d

等我都報到下先....
我囝係朗翹, 大家多多指教.
佢今日被分配到 "車車組" (好似係, 聽到老師講)
我大囝都係之前讀培幼的, 如果有o的咩問題, 可能我會幫得上忙, 盡量解答大家

pamelaywy

原帖由 NICOLE123 於 10-8-30 12:32 發表


hi 朗朗媽, 我係熙哲媽呀
我無問到我仔係咩組. 見佢係坐係近窗既後排坐位
我想問下 果日老師派既既延展習作有咩用架 ? 係唔係我地自己係屋企同佢玩架 ?

thanks! ...

熙哲媽, 真係好開心認識你呀 !!
o個本延展習作, 係要o黎follow up 學校教o既課題, 有o的故事, 有o的認字, 有o的延伸問題咁.
我k1 o個年都有同大囝睇下當備課, 不過k2 開始懶了, 沒有再做. 不過有時間, o個套習作都唔錯o既親子活動o架 !!

pamelaywy

原帖由 NICOLE123 於 10-9-8 09:58 發表
有無家長知道而家佢地番學個流程係點 ?
有咩玩 ?
我仔十問九唔答

根據朗朗這幾天的描述
九月一日: 開始食茶點後, 老師教小朋友諗感謝文
"感謝主, 賜我食, 求祝福, 保我力, 逢主名求, 阿門"
九月二日: 有看大電視, 內容不肯定, 應該看一些與主題書有關的卡通
九月三日: 老師講了一個有關小鴨子找媽媽的故事
九月六日: 第一天運動, 學習排隊, 同埋有教跑同跳 (朗朗仲示範動作, "跳跳, 拍拍拍 (拍手三下))
九月七日: 都有落地下操場, 不過小朋友排隊仲未得, 所以都係練習集隊為主 (朗朗仲不停問老師點解仲未可以玩體育玩具, 搞到老師一放學就向我解釋話小朋友未排好隊, 所以無得玩, 要先訓練常規才開始玩和學習)
昨天還有自選時間, 朗朗用一些美勞用品做了一張類似書簽的東西

培幼很著重常規訓練的, 所以這星期我想都是以訓練課室常規, 秩序, 聽指令, 排隊等為主. 不是說笑, 我係大仔K1 那年曾經靜靜在門口看過他們自己交手冊, 交功課等程序, 非常有條理, 相信就是老師早期花的時間和功夫

pamelaywy

原帖由 aloymom 於 10-8-31 15:15 發表
sugarcream
唔該哂你!
我知培幼係比較輕鬆既幼稚園
但印象中培小要求比較高同嚴
所以先問問!

我仲有個大仔讀P3, 不過唔係培小, 黎緊仲有個細出世
真係分身不暇... 冇咩時間理細仔
有d擔心依家幼稚園唔打好個底 上 ...

aloymon,

如果無記錯, 我係咪同你係1101 媽媽會傾過計那個呀 ?
真有緣呀, 你第二個小朋友都讀上幼望....
大家多o的交流下

pamelaywy

原帖由 NICOLE123 於 10-9-8 10:32 發表


嘩朗朗交代得好清楚呀! thanks!
我仔同以前n1 一樣 次次問學校野就唔答我...

其實佢都唔係交待得好清楚, 只係我不停套料, 佢少少咁講番俾我聽, 我再自己重組故事. 再加上哥哥會不時問下佢有無自選呀, 有無做乜, 做乜, recall 番佢先話有

pamelaywy

原帖由 aloymom 於 10-9-10 01:33 發表
hi pamelaywy

係呀, 我細女應該係1101 or 1012出世 :)
我細仔讀隔離班, 上幼愛

朗朗好叻仔, 識得講返哂d 程序出黎, 連感謝文都識!
(我聽過佢唸一次..不過係響細仔發開口夢個陣!)
就算我套我細仔,佢都唔肯講
...

呢個星期佢地應該學咗唱早晨歌, 放學歌
早晨歌大概係:
"早晨呀, 早晨呀, 我歡喜見你,
早晨呀, 早晨呀, 上天也歡喜" (可能歌詞有錯)
放學歌
"啦啦啦, 現在放學啦, 讀書遊戲暫時停止啦
背起書包回家去, 唱著回家xxx"
老師亦教了書後那首詩歌:
小寶寶, 咪咪笑, 背著書包上學去.
星期五老師教了數數字 (教數一)

pamelaywy

原帖由 pamelaywy 於 10-9-11 12:10 發表


呢個星期佢地應該學咗唱早晨歌, 放學歌
早晨歌大概係:
"早晨呀, 早晨呀, 我歡喜見你,
早晨呀, 早晨呀, 上天也歡喜" (可能歌詞有錯)
放學歌
"啦啦啦, 現在放學啦, 讀書遊戲暫時停止啦
背起書包回家去, 唱著回家xxx" ...

記錯了, 不是書後, 而是好像是課室內的短詩

pamelaywy

這兩天我帶朗朗返學, 見到桌上己經沒有玩具了. 每個小朋友要學習自己從書包取出手冊蓋印和體溫表給老師檢查. 然後自已去圖書角取圖書看.
另外, 朗朗尋日好開心同我講, 終於去到家庭角玩. (家庭角只有五個QUOTA, 手快有手慢無, 所以小朋友個個都好想排到入去玩)

pamelaywy

原帖由 NICOLE123 於 10-9-14 09:46 發表


我呢排唔舒服都無帶仔仔上學..唔知原來已經無玩具玩.
家庭角有咩玩架 ? 等我番去都問下仔仔有無入去玩先

Dear Nicole,

你要保重了. 我都O岩O岩過咗最唔舒服階段, 叫做好少少.
家庭角應該有類似煮飯仔, 洗手盤等玩具, 讓小朋友模仿家人活動.
而家佢地仲細同未熟, 遲O的會好好玩. 因為我大囝以前, 大少少會同我講XX 扮爸爸, XX 扮媽媽, 佢就扮哥哥, XX 扮妹妹, 然後幾個同學係家庭角玩一家人遊戲. 好搞笑!

pamelaywy

原帖由 NICOLE123 於 10-9-16 09:51 發表


朗朗媽,
今早送熙哲上班房時見到朗朗喊呀. 不過我見到既時候係已經喊完. 我見副校長仲係度同佢傾幾. 唔知咩事呢

Nicole

係呀, 今朝朗朗喊, 我走時佢己經喊, 不過饒老師示意叫我走. 事緣前一日朗朗收拾東西時發夢, 叫了幾次他都無收拾, 所以鄧老師叫了他名要他收拾. 他以為老師責罵他, 而且他是那一種很在意別人覺得他做不到的人, 所以就哭了起來. 昨天跟他說了好幾遍, 提示他老師說的事要快手快腳做 (他是一個 "芝油"的人), 所以今朝老師一說要拿手冊, 他覺得又好像要責備他做得慢, 所以忍不住又流眼淚.....
他可能未返過學, 很多學校的routine 他未適應, 覺得自己做慢了就是比別人差, 所以很在意.

pamelaywy

報告一下上週做過的事先:(根據朗朗的描述)

1) 有到音樂室唱歌, 唱了好朋友, 早晨歌等
2) 上星期有為大圓圈的填色.
3) 運動日有得玩滑梯同豆袋
4) 外籍老師終於上課教B, 老師叫MISS MARISA
5) 上星期老師教小朋友握筆, 教的方法是要小朋友用手指做出TICK (或數字7), 然後握筆. 老師仲話 " 支筆不要太高, 又不要太低,中間剛剛好" -- 因為朗朗係講"不要"而唔係口語的"唔好", 所以似係COPY 老師番說話.


朗朗唱晒成首<<好朋友>> 出來, 好搞笑, 歌詞大概
你是我的朋友, 分享我的喜與憂
手牽手, 一起走, XXXXXX (這句朗朗有唱, 不過是我忘記了)

pamelaywy

原帖由 yinghimmeme 於 10-11-3 10:15 發表
Hi，朗朗媽、臻臻媽、熙哲媽及各位同學媽咪：
你哋好，進謙都係上幼望，請多多指教。

我個囡在高班有家長在Facebook做咗個群組，好方面post相及互双通話，請問有無家長識set？

...

你好, 進謙媽媽,
進謙應該同朗朗同組, 因為佢開學第一個星期己經話佢個同學叫黃進謙, 係第一個講到全名o既同學仔呀 !

pamelaywy

原帖由 yinghimmeme 於 10-11-5 10:21 發表
你好, 朗朗媽,

進謙喺汽車組,多多指教。
我想問你大仔學樂器是由幾時報架？是否培正有得學？P1及K3有什么課外活動玩架？

進謙媽媽上

進謙媽媽,
我大囝係k3 開始跟學校學大提琴, k3 開學有張通告, 俾小朋友選不同的管弦樂團樂器的.
k3除了樂器外, 都有游水, 芭蕾舞等
至於p1, 多到數唔晒, 超過三十項都有, 有要錢的, 有免費旳, 有星期六, 有放學, 有午膳時間, 有些要選拔的, 有些不用選

pamelaywy

星期六朗朗突然問我, 精子同卵子有乜o野分別, 嚇我一跳
原來學校教 "弟弟出生了"的一課時, 有告訴小朋友精子同卵子, 同埋話男仔係 (有)精子, 女仔係 (有)卵子, 精子同卵子一齊就會有bb.....
想不到現在的性教育走得那麼快.....