在各位父母心目中, 有啲咩學校你係唔會揀??

pamelaywy

1) 唔prefer 男校, 因為男校始終偏頑皮貪玩, 唔係o個o個老師管得住
2) 唔喜歡 '講就天下無敵, 做就第二套' 的校長, hard-sell 型校長勁憎，口口聲聲話了解學生，實質就．．．．
3) 成日朝令夕改的校政, 鍾意突然放早, 鍾意就突然改下假期
4) 唔善待老師的學校我最憎, 唔當老師有家庭有私人生活, 最好老師晚晚做到好夜, 個個星期六日返去做野 --> 咁樣留唔到好老師, 流失量極高
5) 鍾意成日做大龍鳳的學校，浪費大量人力物力去展示學生能力，以吸引收更好的收生，實質係無時間教好自己現在就讀的學生，老師為咗搞大ｓｈｏｗ就連書都教唔切，結果留番家長自己教
以上都係我見到某校的情況，一定唔會選！！

pamelaywy

kerkermui  之前一路唔明點解你無報，原來係咁...  發表於 2 小時前

haha, 你唔知係第幾個咁問我o既人. 好奇怪唔知點解近呢幾年呢間變咗直資不二投考之選.
早在大仔還是bb的年代, o個時仲未咁熱門, 我以同行o既身份去school visit 過. 坦白講, 校長o的hard sell 技倆對家長就有效, 對於大家同行, 好多門面工夫同marketing 技巧大家心照, 我地幾個老師都擰擰頭, 咁O既工作量, 互相笑住話 '你去做啦!?' 去過觀課, 見到上課情況, 睇埋佢o的大龍鳳video, o個時己經對呢間學校打咗X, 絕不考慮.
加上呢兩年我睇住一個讀呢間O既小朋友, 教學方式, 功課安排, 行政等都 '驚為天人'..... HAHA, 己列為絕不考慮之列, 當然我不會阻住人地趨之若鶩 !!

pamelaywy

我不會公開校名, 亦從沒有說是那一間, 大家自己對號入座, 我不評論

另外, 自己以前做呢行, 教過幾間學校, 另一半係呢行, 讀呢行出身, 身邊八成朋友亦在行內作戰. 有O的O野, 家長睇唔到, 亦唔明白. 所以唔係話因為老師覺得辛苦, 就係家長眼中的物超所值
唔係老師怕唔怕辛苦問題, 而係人就係得一個, 時間精力就係咁多, 就算O個心幾有火, 長年累月不被人顧及感受, 以及做大量教學以外的繁瑣工作, 人就會BURN OUT. 心神放在係大型活動, 落在教學上的準備及學生工作就會少咗, 呢個係必然的事實. 有能力者, 自然會流失, 留下的就算幾打拼, O個心點都心淡, 慢慢亦會放少咗個心O黎做, 做到病做到走做到睇精神科O既, 家長又見過幾多呢 ?
好多家長得一兩個仔女, 讀過O既都係一間兩間學校, 根本無從比較係咪物超所值.
最後, 同意以前有一位寫專欄的人, 寫出 '斯德歌爾摩候群症" 這種發生係學校O既現象, 家長自己選擇了, 孩子讀了, 無論出了什麼小問題 (大問題當然例外), 家長都會維護同解釋. 因為唔想証明自己選擇錯了, 更加唔想說孩子讀一間差學校, 最重要通常家長對學校不滿的都係成績低落或有問題的一群, 無人想在公開論壇表明自己孩子是低落/有問題.... (這亦解釋了點解家長總在人面前說孩子讀得很開心, PROUD OF 自己孩子間學校, 有苦你又點知呢 ?) 在BK, 更加會有些 '你唔鍾意, 個小朋友讀唔掂, 你咪唔好讀囉' 等言論, 誰又敢在這說學校的不是 ?

在此多言了, 大家不必對號入座就是了 !!

pamelaywy

在此再分享之前在BK 一位高人的節錄

我希望孩子的老師五時半前下班.
我希望孩子的老師早睡早起
我希望孩子的老師常做運動
我希望孩子的老師身心愉快.
我希望孩子的老師得到尊敬.
我希望孩子的老師是個快快樂樂的人. 這樣的人才會時刻不忘地跟我的孩子分享他的快樂和見識,時刻關懷别人, 用笑臉感染我的孩子拥抱自勉自强自愛的能力.

pamelaywy

首先, 請大家不要再PM 我問我是不是某一間學校, 我說過不會開名, 就不會回答. 是不是大家PM 的三幾間, 只是你們自己聯想到, 我從來沒有暗示過校名同地區, 至於點解某幾間學校令人未親身見過都有其印象, 我不知道.
另外, 我很奇怪原來 '為人師表' 就不可以在討論區說出自己的想法/見過及體驗過的事. 我的四段回覆, 第一段是回應樓主那一些類型學校不喜歡. 口不對心的學校校長及要求老師做到好夜的學校多得很 (包括我自己曾教過的), 我不明白會觸動那麼多人的神經. 第二段是回應我一個網絡上的老朋友, 回應他我不報某學校的原因和第一身的經歷, 沒有任何誇大和人云亦云. 第三段是我說一些家長認為老師做得好辛苦就等如物超所值的理解, 因為我眼見不少同行做得連家庭生活都沒有. 第四段是引用一段高人的話. 四段文字中我沒有發覺 '為人師表' 不能說的用詞, 全是自己親身所見及分析. 至於其他回應的測猜, 根本不是本人的想法.
文中所提及情況的小孩子, 如只計清醒時間, 在我家比在自己家長, 每天手冊我是第一個打開的, 每次測考我是第一個知的, 每個學校的改動我也一定要知. 那我不算用家, 也算半個用家. 沒有想針對任何學校, 只陳述情況及回應樓主的原因.
最後, 我己經不'為人師表'多年, 現在是一個留在家中煮飯洗衫湊仔的無知C9, 那樣可以發表自己對選校的想法或言論嗎 ?
我不想在此引起罵戰而影響了樓主起這TOPIC 的原意, 如果因為某些情況引起大家對號入座的不安, 我實在覺得抱歉.
最後, FSFORTH 說得對, 原來大家不明白大龍鳳是什麼意思，不是入學介紹會，可能是我這無知Ｃ９用詞太差，令大家誤會
我不會再回這帖，在ＢＫ這麼多年都無跟人開片，不想因說一下自己想法而破戒．