開始計劃暑期活動, 怎樣善用暑假? (升小五)

greentea000

回覆 ahnew 的帖子

升小五先問，應該目標非直私？直私好多要睇埋小四成績
個人認為非常必要趁暑假加強中英普討論練習，學校係呢方面工夫太少

greentea000

IloveJJ 發表於 17-4-24 11:13
呢樣我都有諗過，你覺得應該升小五暑期做?定升小六暑期做呢？因為小六先去interview，我諗緊今年會唔會太 ...

升小五暑假一定要做啦，無得再拖，中英普呀，時間好緊架！到返學，要呈分，趕頭趕命，更唔捨得花時間做！

先自家練習，呢樣野好花時間，報course速成唔到。

其一係內容搜集，要有針對性去搵資料，普通閱讀作用唔大。其二係內容整理、輔排，要思考自己認同咩觀點、分析其他立場優缺。睇返以往中學面試題目，常見既都一大堆，真心想爭大把有得做。雖然大部分題目都唔難，有無準備係好大分別。咪講小組討論要搶發言，個人時間叫你自由講3分鐘英文，無準備果3分鐘就一個世紀咁長，一係就講我叫咩名、幾多歲、讀咩學校。。。呢Ｄ，好唔吸引呀！

有左各類題目內容再講技巧，無內容講野無point幾好技巧都補救唔到。技巧進步快，屋企2大1細已經可以係1個小組，唔同年級仔女都可以group埋一齊練。個小組最緊要玩cosplay，有好人、壞人、小人、賤人，去到自行面試小組討論呢各種人都有！

做到以上幾點，同時參考下坊間相關工具書輔助下，就無咩需要報course了。

p.s.為節省時間，極其量父母做資料搜集、整理，思考同分析一定要仔女自己做。

greentea000

IloveJJ 發表於 17-4-24 12:47
嘩!咁都幾高難道喎!如果家長自己唔識，係咪唔駛旨意考好學校呢？

咁要睇家長點理解面試佔取錄果30%~50%比重
多唔多，重唔重要，每人盤數唔同計法

greentea000

IloveJJ 發表於 17-4-24 13:03
我覺得重要架，不過無乜信心自己做到。同埋，有個疑問「咁樣做啱唔啱呢？」
...

咁樣做啱唔啱呢？ <<< 唔明指咩


花太多時間啱唔啱？


家長幫手訓練啱唔啱？


有準備啱唔啱？

greentea000

IloveJJ 發表於 17-4-24 13:12
如果小朋友唔係咁presentable,如果佢個性格唔係咁，而家長去幫佢表現出係咁既人，咁樣做啱唔啱呢？會唔會反而害咗佢?入到間中學，會唔會唔適合佢?

改變性格咁容易咩？你仔已變身運動健將？
自行面試同相睇有咩分別？咪一樣係先交待基本資料，過濾完揀人見一、兩面，傾掂數就定終身！


你驚揀錯學校，學校亦驚揀錯學生，未取錄之前雙方風險同等。

greentea000

IloveJJ 發表於 17-4-24 14:36
即係咁，如果我6年來，做facial,護膚，打扮，睇書，聽音樂，到今日，我成為一個內外兼備既淑女。

同我一 ...

咁果6年你護膚、打扮、睇書、聽音樂同等重視？花同等多時間？投資同等多人力物力？又同等學得好？

有Ｄ學校小六就完先做幾次小組討論，可以起死回生？

greentea000

IloveJJ 發表於 17-4-24 14:40
我就係想咁，但又驚做多咗，好矛盾。

你係想太多做太少

將改變同成功想得太容易

greentea000

回覆 IloveJJ 的帖子

我一直覺得「適合」好難把握。

根本無機會同學校拍拖，就已經要決定係咪結婚。



匆匆忙忙望兩眼傾兩句，就盲婚啞嫁左。

greentea000

IloveJJ 發表於 17-4-24 16:58
唔，可以話係，但又可以話唔係。
你覺得匆匆忙忙見兩面，人哋唔知你真正係點?但其實人哋閱人無數，可能真 ...

學校自然係閱人無數既照妖鏡

望兩眼知係咪真自信

傾兩句知斤兩

係咁為咩你會擔心仔入錯學校呢？

你心儀先會報，報左又收左，唔係皆大歡喜咩？

你唔信自己眼光都要信塊照妖鏡嘛

除非你心儀仔無興趣，求其都問下新郎對新娘有無意思，一旦定左終身要舉案齊眉6年架。

greentea000

little_yolky 發表於 17-4-25 12:36
真係好多謝你, 估唔到你咁後生, 但係有咁重要既嘢點醒咗我哋班阿毛。我一直只仲諗住暑假操佢卷添。 ...

我用1個補習老師眼光去睇，自然同父母角度唔同
我無閱人無數，閱左3x個補習學生+屋企新一代，已經感覺水深火熱。

我同人補oral係貴過補中文 / 英文，因為中文 / 英文寫係好多方法短期提高成績，聽其次，講最難速成。講係所有語言能力集結，小組討論仲有對手。呢個就係我對面試點解佔30%~50%既理解，化個妝就過關既就應該好似操行咁佔5%~10%，偏偏oral一般人投放最少資源。同樣，學校唔重視練oral因為花大力氣先出成績，資源有限，寧願係其他方面落力打扮。

greentea000

IloveJJ 發表於 17-4-25 13:32
佢無問題，好有內容、合理觀點，我只係怕佢去到陌生環境，唔敢講。

你留意左佢聲音大細、聲線高低、語速快慢、表情動作、身體語言。。。未？

全部都計分架

greentea000

keep-calm 發表於 17-4-25 15:17
如果一般中文小學生，屋企又缺語境，請問可以點鍛練Eng oral and presentation ？由初小開始NET 1:1？由細 ...

鍛練Eng oral and presentation <<< 目標係中學自行面試？

前幾日我係其他地方同人討論完一大堆，結果人地話只係為左提高普通會話能力，方便同外國人交流

greentea000

yf03 發表於 17-4-26 11:45
我仔升小六, 冇補習, 成績中上(級頭20) , 真心請教各位過來人暑假除左繼續恆常興趣班之外, 仲需要報D咩好?  ...

無補習有3種，1)父母勁自己教，2)仔夠主動會問同學、老師解決，3)完全靠仔自己。
搵出成績下降原因先，自己搵唔出最好同老師傾下。