宣小好差？

iwff

宣道不是一間差的小學，我有兩個事實可給參考。我阿嫂的姪仔宣小畢業，現在係皇仁讀中三，鋼琴及小提琴八級，係宣小讀書一直冇問題，我阿嫂就覺得宣小唔錯，姪仔品學兼優，又升皇仁。後來到阿嫂個仔（即係我姪仔）考到入宣小，點知惡夢開始了，小一開學不久已不斷中英默書，默的範圍係越來越多。寫漏手冊，以致欠交功課，一個月五次會記缺點，家長會有壓力。學樂器係學校安排的，結果姪仔安排學中音號，要買一個不便宜的中音號及額外上堂的學費。每星期要應乎默書，練習時間少。另外，姪仔有濕疹，上堂忍到會“R”，但老師並不體量，打電話比我阿嫂，話姪仔上堂唔專心，阿嫂好無奈。學校其實平時及假期功課不多，最辛苦是應乎默書、測驗、考試。姪仔考到八十幾分已算班中差的了。現在姪仔小三，課程亦愈來愈深，姪仔成績退步了，阿嫂擔心升上高小更大壓力，現考慮暑假轉校的機會好大。我想帶出的訊息是，宣小係好學校，問題係是否合適自己的小朋友，家長能否承受壓力。宣小讀得好的學生很多，中途離場的學生亦有不少，家長决定入讀前要考慮得好清楚。