HKUGA

iwff

我係過來人, 分享下經驗先。我仔仔一年班時因為寶林的校車站係新都城停車場(6:50AM)上車。我家要行10-12分鐘才到新都城, 所以我最初係坐單程, 去程我送仔仔, 回程坐校車。後來仔仔參加了兩個課外活動, 結果放學只坐3日校車, 又要比單程2/3價錢車費, 第一及第二年真係好唔抵 , 其實都有想過工人姐姐接埋佢放學,唔坐校車的, 但阿仔放學都累了, 又要上落地鐵及行回家, 擔心他累, 所以冇放棄坐校車。加上打風落雨坐校車真係方便好多。
今年3年班阿仔來回都坐校車, 因為寶林站早已改了在我家樓下(好方便), 阿仔大個左, 起身再冇掙扎好快可以出門口。阿仔在校車上已認識了全部不同級的同學, 佢好ENJONY坐校車的。
其實送小朋友返學又真係可以多左親子時間的, 但可能地鐵冇位坐, 全程要企(我寶林上車就會有位)。唔介意車錢, 單程都可以考慮的。
iwff

原帖由 mimi1102 於 10-12-1 17:01 發表
你會唔會考慮比佢坐單程呢 ?
我諗住朝早自己送, 放學就坐校車

iwff

mimi1102,
因為ELA的校車安排是唔同平日的安排的, 因為每天上ELA的學生都唔同, 所以ELA後的校車站會主要停大站, 唔會站站停。TKO 較少學生, 所以ELA後冇校車的, 校車只去到藍田, 我唔會叫工人姐姐去藍田接阿仔再坐MTR回寶林的, 不如直接去學校接 , ELA的校車係另外再加費的。
其實柴灣去TKO好方便, 好多學生ELA後都係坐MTR返藍田, TKO, 油塘的。
iwff

原帖由 mimi1102 於 10-12-1 17:21 發表
iwff,
我想問如果參加ELA, 就要自己安排送放學 ?

iwff

jdepp,
你聽的一定係事實，我朋友女兒係最早期入讀港同的，起初係好 free 又少功課，一，二年班又冇考試，真係讀得係好開心架。後來細女入讀港同，慢慢開始有改變，真係多了功課（但一定比津校少），學習上都嚴謹左，但得覺得係好事。轉了新校長後我都覺得行政上明顯更有系統，教學上都有改變，如英文著重了grammer,以前唔多著重，最緊要夠膽講英文。我仔仔小三，功課有時會多些但可以好快做好，因為要思考，佢會好有興趣做。港同讀書的壓力真係唔大，小朋友在愉快學習，所謂的嚴謹其實係好事。

當聽到我朋友講她小朋友讀傳統學校的功課及考試很多，壓力很大時，我就更感激自己的選擇冇錯了。
iwff

原帖由 jdepp 於 10-12-2 09:12 發表
我好想講比大家知呢....

我朝朝同個女等校車時, 都見到一個大約 14,5 歲既女仔一齊係度等港同書院既校車, 今朝我好唐突咁埋去同佢打招呼, 話左比佢知港同小學收左我女, 問佢對間學校有咩睇法~

個女仔好斯文大方,  ...

[ 本帖最後由 iwff 於 10-12-2 09:45 編輯 ]

iwff

jdepp,
放心啦。人生有好多決定的, 小學只係一個開始, 唔係一個終結。我住TKO, 當初好多人叫我比仔仔去九龍塘的幼稚園讀會好過TKO, 後來我都決定比阿仔讀區內的普通幼稚園, 結果仔仔有愉快的3年幼兒生活, 亦不用坐1小時校車返學。
到小學去考直資, 好彩考到4間, 3間係TKO, 1間係柴灣港同, 9成人都話緊係返TKO近啦, 要唔要去到柴灣返學呀? 間學校好好咩? 自己都掙扎好耐, 但好開心老公幫我分析哂D 學校邊間適合仔仔, 他好同意仔仔讀港同, 活潑思辨對仔仔好適合。當初我擔心校車太早仔仔會否適應 , 結果係就算阿仔返區內學校都要7:00起身的, 現在早D起身問題唔大, 因為唔會因為功課多夜訓, 最遲9:30已訓了(仲係要佢自己想玩多陣才訓)。
小學的選擇我都冇後悔 , 我相信到升中學時, 又要決擇, 因為又會有人同我講書院又遠又新。不過我相信334學制對直資中學係有利的。所以一點都唔膽心。
阿仔小一時同我講佢會一條龍升上書院再升埋香港大學(原來佢以為大學都係一條龍, 雖然我都想 ), 不過12年的教育可以令他有愉快的學習,不是填鴨式教育, 我冇後悔決定。反而將來升大學的選擇我會交返比佢去決定了。
iwff

原帖由 jdepp 於 10-12-2 10:01 發表
hehe, 期待 9月同你囡囡做同學喇, 請多多指教!!

[ 本帖最後由 iwff 於 10-12-2 10:30 編輯 ]

iwff

jdepp,
我老公只係支持我選港同咋, 其他3間佢唔支持架, 所以我最初都好掙扎, 佢連簡介會都唔去呀! 我要不斷祈禱才作決定 !
不如我建議你地2011-2012的新家長, 去小學一覽港同開一個新TOPIC啦, 我都會入來傾下架, 雖然阿仔已小三。
iwff

原帖由 jdepp 於 10-12-2 10:37 發表
iwff,
咁你幸福好多, 我由幾個月前, 就開始遊說我老公, 到佢最終肯一齊去簡介會, 成件事就好似我一個人決定咁, 好大壓力呀!!!

你講得岩, 人生有好多決定, 好多時都無話對與錯既~

jdepp
...

iwff

evaken,
好多TKO學生都讀區外學校的, 7:00前上校車係好普遍的了。我當然都想阿仔近返學啦, 但又唔會搬去港島區住, 不過返了3年港同, 發覺坐校車或MTR返學都好方便, 方便過返西九龍的學校好多, 所以問題不大。
祝早日收到港同的通知。
iwff

原帖由 evaken 於 10-12-2 12:02 發表
其實點解住TKO要返港島讀書? 小朋友會唔會好早返學呀? 因為我以前都係住坑口的, 而家為左個校網搬返過港島東! 我見有d住港島返九龍讀! 我同c6都主張半個鐘要返到學校! 所以都只係報左港同一間直資! 小囡都係waiting  ...

iwff

我都住寶林的 , 不過我仔仔已3年班, 下年會一起坐校車了。寶林暫時得旭輝臺一個站, 你住那兒呀?
今年好似收到好多女喎。
iwff

原帖由 CiaoEveryone 於 10-12-3 01:57 發表

We should be the 5th one. (=^.^=)

iwff

翠林又真係好煩喎(是否康盛), 校巴可能唔到的, 因為冇學生, 又唔順路 , 會否考慮送仔仔返學呀? 坐小巴7:00到寶林 MTR , 夠時間的。但仔仔可能累一點。
iwff

原帖由 nalli 於 10-12-3 13:32 發表
my son tell me he has 1 girlfriend and  a fiancee in the kindergarten, i can't imagine how many daughter-in-law i'll got in the fiture.

i'm worrying about the schoolbus as we're living in Tsui  ...

iwff

好耐冇係這個 TOPIC 發言了, 剛收到新一年度的校車收費, 過海車費又加了, $1,586, 加左$46元呀, 舊年先加完 , 今年又加 , 書部費又加左, 什麼都加。係人工冇得加。唉!

呻完。

iwff