現今私校同官津校,究道邊樣好???

virgokaren

以我的認知，以前，包括傳統名校都係官津學校，很多還是一條龍直上中學，小一收生同而家直資、私校一樣要考入的，所以，以前是官津校吃香。

經過多年變化，政府為左俾更多人可入讀心儀學校，規定小一不可考筆試，就近入學，改為統一派位。

好了，多左好多不同階層的人可入讀名校，又出現學生程度參差的問題，如一條龍中學要接收哂所有直升上來的學生，拉低整體成績，政府又容許他們脫龍，取完100%收生權。

來來回回，由以前要靠關係，睇家底，考筆試入名校，家長話將d學生谷得好慘！
到後來，統一派位，名校又多數係九龍塘、中覀區，窮人家長一樣冇份。
富貴人家又嫌同學太普通！
政府又批準學校轉直資或私校，取回收生權，家長又吾駛搬屋可選擇心儀學校。最重要係直資私校可自決教學語言，程度又深d，於是香港的家長們又重新回到從前要谷行班5歲小童去考直資、私小。

睇下今年考直資、私小，愈考愈深，愈多人考，試題愈深，門檻愈高的愈吃香，咪又回到從前？