大角嘴天主教小學 (海帆道)

Bowiema

pizzahut,

hello, 我係海帆道果間既家長, 當年我小朋友係叩門入到呢間學校既. 呢間既前身其實係舊校以前既下午班變成全日制. 係2000年獲得政府派予千禧新校舍.

我小朋友讀咗2年, 校長, 老師以至職員都係好nice, 佢地係好有heart去教小朋友, 佢地仲係以品德教育行先既. 亦因為佢地校園係好歡迎家長進入, 睇佢地早會, 早操, 基本上家教係溝通得好好, 老師真係會有心同家長一起去教好小朋友.

我都覺得每個家長對學校既期望, 要求, 睇法都會唔同. 睇下你想要d mud野而果間學校又比唔比到你.

Bowiema

小孩子的天空,

係啦, 真係甘啱既. 又係差唔多時間tim.  

please also check PM.

Bowiema

法子,

比我再揀, 我都會揀大天海帆道. 因為校舍, 全日制問題, 同埋呢幾年大天海帆道既成績係前咗好多 (唔想太過賣花讚花香).

我都有睇下你地學校既topic, 見到你地一直worry既問題, 都終於有明確既答案, 都替你們開心.

初初我仲以為你地隔離係瑪利諾神父既新校舍tim, 原來唔係.

Bowiema

法子,

大天海帆道係一間比較open既學校, 校長好nice, 要搵佢, 真係好容易. 最緊要係2年來, 我覺得d老師跟小朋友真係跟得好好(可以媲美幼稚園). 家長打電話比老師, 老師都會即日覆, 我試過晚上9:30pm仍收到老師電話, 再唔係第2朝一早都會打來. 因為校長講過: 今日既事要今日解決, 唔好留待明天, 因為明天又會有明天既問題. 同埋學校係好接納家長既意見, 我好記得一年級第一次test時, test week功課都好多, 我就同老師反映, 結果test 2時真係改善咗好多.

我自己係會好著重小朋友既成長, 所以好希望家校溝通得好好, 佢地真係比到我想要既野, 宜家辦教育, 最緊要有heart.  

另外, 學校比學生有多元化既發展, 課外活動, 基本上monday-saturday都有, monday-firday 佢地亦有尾班校車, 等小朋友唔會因接送問題而唔可以參加課外活動. 學校亦定時舉辦唔同既活動, 表演. 我阿仔好鍾意返學, lunch time佢係好唔得閒, 都唔知去邊樹先好.   你話叫佢唔好返學, 佢仲慘過mud甘.

Bowiema

pizzahut,

我本身係40區(sham shui po), 當年派咗去旅港開平, 老公就係覺我校舍舊, 細, 所以去試下叩門. 當年, 有朋友話呢間學校唔錯, 校長好好, 好nice加上校舍新, 又大. 所以我都即管去考下, 去到學校, 佢真係好nice, 我好記得我係帶埋阿仔去, 佢地唔會話我係外人, 係甘問我做mud....佢仲同我阿仔傾咗一輪tim...最難忘係走時, 有個校工auntie仲攞把傘, 遮我地出去學校門口(因為果時好曬), 講真, 我真係好難忘, 無諗過校工職員都會甘好.

最後, 荔天, 同佢都收咗我阿仔ga, 不過我都係choose咗海帆道 (其實荔天校長仲係我小學時既班主任), 我都決定海帆道. 因為中學網, 對男仔黎講油尖旺區的確比sham shui po好, 有九華, qe, 聖芳濟書院.

Bowiema

yeah~mom,

基本上, monday-friday(放學後) & saturday早上都有課外活動可以參加. 各色各樣, 真係好多. monday-friday仲有2班尾班校車. 比較特別既有: 圍棋, 小型網球, 書晝, 劍擊....

你可以上學校web site睇下....CLICK HERE

Bowiema

derah,

據我所知, 舊校既成績好似無我地新校甘好. 同埋學校環境, 設施, 校舍大細真係好好多. 希望你叩門成功啦~~

Bowiema

yeah~mom,

是呀....書畫就是中國書法加水墨畫.

你得閒就入去我地家長會果度chat下啦.

yeah~mom 寫道:
好啊! 小兒正嚷著要學圍棋, 咁不如留待到時開學先學啦.
書畫是否中國書法加水墨畫?
先多謝Bowiema資料.   

Bowiema

yeah~mom,

Please check PM.

Bowiema

derah,

我阿仔果年都係叩門考入既, 當年阿仔就話老師用中, 英, 普通話問佢問題. 入去見老師時, 最緊要有禮貌啦. 唔駛同阿仔著得太隆重, polo 恤, 長褲就ok. 唔好著涼鞋, 短褲 or牛仔褲會較好. 同埋interview當日, 最好父,母都出席.

希望小小info. 可以幫到你.

Good Luck....

Bowiema

pizzahut,

係呀, 中學網, 同小學網係唔同ga. 中學網係大好多好多ga.

因為我當年係40區(sham shui po), 我甲, 乙都無填佢ga. 咪話一心諗住抽番自己果區lor (都要扮下唔知, 唔識先得ga). 不過我知今年even40區都有大天海帆道可選. 甘你係32網, 你第一志願係choose邊間?

Bowiema

寶貝豬豬媽咪,

我睇過今年40網好得意, 教統局撥咗小小32區學校既位比40區, 唔知係咪太多學生. 所以今年40區有得choose, 大天海帆道, 協和.....有8-10個位.

Bowiema

pizzahut,

抽英華聽聞chance仲低過喇沙, 我當年就係失敗者(我甲, 乙都係填佢). 至在必得就梗係甲, 乙都填晒大天海帆道, 但如果你想博一博, 甲部first choice都可以only填英華, 而甲部 second choice就填番大天, 到乙部first choice再填大天啦. 派唔到去叩門都好睇d ma....你小朋友係咪07年讀小一, 如果係, 我細仔都係07年讀小一ga, 甘當然我細仔就唔駛抽, 跟哥哥直入ga lak.

Bowiema

pizzahut,

你係32區, 乙部你唔可以填英華ga bor.....因為乙部要填本區學校ga.

Bowiema

chungchungmummy,

我唔係好記得問過阿仔mud野問題, 因為都成2年前既事lak. 不過我諗都會問一d日常生活既野, 爸爸媽媽做mud野職業, 係邊度住.....應該唔會問甘academic既野. 又或者我明早再問下我大仔, 睇下佢仲記唔記得啦.  

interview當日, 報到後, 家長會去一個課室等, 而小朋友會排隊去另一個課室等. 形式係individual 既, 我果年就無interview埋家長, 但前一年就好似校長有去同d家長傾計, 問下野, 不過都係好causual 甘傾計既形式.

Bowiema

pizzahut,

ok. 等我今晚試下問下佢, 不過唔肯定佢仲記唔記得, 因為隔咗甘耐......