根德園vs St. Cat

vickichan

原文章由 雙子媽媽 於 07-8-29 09:25 硐表
Hi 妳好. 我囝囝2歲2個月. 我prefer St. Cat主要係因為佢會活d, 個人覺得只懂英文問題唔太大, 中文可以自己教. 至於講野, 我個囝幾好. 佢1歲幾已識講好多野, 依家我每日打電話比佢, 佢完全同我溝通到, 表達到佢自己. ...

我仔而家讀緊根德, 其實我當初選呢間學校之前都有你的疑慮, 會唔會紀律好嚴, 仔仔讀得好辛苦.......其實唔係外間講的咁嚴, 老師都係教佢地一般的規矩, 好似發問前要先舉手, 玩完玩具要自己執....都係好的。

不過英文就真係無st. cat 咁好啦(只識講簡單英文, 除非你係屋企自己教), 但係中數真係好西離, 一星期教三個中文字, 而且小朋友係記得架, 因為先生用好生動的方法教, 另佢地好有印象。

如果你話中文自己返屋企教係好難架, 教英文容易過教中文呀, 因為中文字好多筆劃, 就算你教到, 進度都無咁快, 我朋友的小朋友讀國際班, 一年教12個中文字咋, 但係英文lok lok聲, 睇你點取捨