07/08年度升小四 – 得閑入o黎傾下啦

LULU-MAK

多謝你地關心! 睇見你地依家升中學, 中學真係一件太遠既事, 我依家仲唸緊同亞囡下學期轉小學, 我個心仲...心大心細, 唔知點好.
講返亞囡, 我真係無從入手, 我就快瘋, 我依家先知原來e家小四學生用文字來攻擊人...係可以好叻, 亞囡班同學係學校內聯綱指明道姓來話我個囡, 從這點來睇, 我都唔知呢型學生係學校會點樣對我個囡, 我依家個囡, 經常自己同自己講sorry, 又成日好驚身邊會有人睇到佢做d mug野, 總之亞囡樣樣都驚人會話比老師聽. 我已經將呢件事講佐比學校處理, 但我個囡個心理...我就唔知點處理, 個個同亞囡接觸既人都佢有問題, 有人叫我帶佢睇精神科, 又有人叫我去睇心理醫生...又心理輔導....等. 我依家都六神無主, 我剩係想個囡正正常常
唔講啦! 我依家仲要帶亞囡去睇兒料, 問醫生點睇!!!!!

LULU-MAK

上個星期四晚, 亞囡又話好驚望到對面屋, 要我地刪晒所有窗簾, 又話怕對面既人將佢d野話比老師聽, 喊都好得人驚, 瞓覺時成頭大汗, 又磨牙, 又發開口夢話好驚, 我當時真係唔知點算好, 最後...我決定帶亞囡睇精神科, 我點都無唸過帶亞囡睇呢科, 唔知會點!!! 到星期五學校又聯絡我, 我與學校商量, 我又無帶錯亞囡睇呢科既醫生, 學校都回覆...可以, 之後, 我便安心帶亞囡求診.

醫生了解後, 亞囡係有妄想証初期, 要食藥(暫時試兩星期), 份量是好少好少, 可以今個腦唔好塞住, 成因係可能係學校比人嚇親.

食佐幾日藥, 見到亞囡一日比一日好, 我既精神隨住佢既好轉, 都好好多. 依家我地係要比d時間亞囡重新投入佢係學校的社交, 輔導佢, 等佢係學校有返自信.

最後兩個星期後再覆診.

LULU-MAK

阿囡今日開始考試, 星期五考完後, 又撞arm亞囡生日, 一於帶佢去迪迪尼玩返日, 等佢開心吓.

LULU-MAK

終於考完試, 派返d卷返嚟, 都好彩科科都合格, 無拎個肥佬返嚟比我, 希望新學年更加加油!

亞囡都應該好返, 有日佢同我講, 媽咪, 我好返晒, 我反問佢, 你有病咩, 佢仲答我, 佢再唔驚係窗門望出去, 可以打開張窗紗, 又唔再怕同學...怕老師, 最後仲叫我....唔駛再早放工...去接放學, 帶去睇醫生. 我聽到佢咁講, 都覺得好似好返好多.

以上既事情我都同e生講, 話亞囡都好番, 唔駛再去覆診, e生話...精神健康都需要觀察一年半載, 要求我地年尾再睇多次, 輔導就話要開始做一d心理輔導, 提升亞囡既心理健康.

係亞囡件事上, 我真係好好彩, 我有身邊既朋友幫助, 支持我鼓勵我, 我相信唔係好多家長可以接受自己既小朋友有精神問題, 帶佢地去睇精神科e生, 我都掙扎了好耐, 無辦法接我個囡係咪short, 但當我與好多e生姑娘了解, 原來人除佐身體健康, 心理都要健康, 而我個囡就係自己不能產生一種分泌, 需要一d葯物幫佢, 如果一拖 再拖情況再嚴重, 可能就好大件事.

原文章由 肥仔媽咪 於 08-6-13 17:35 發表

我仔都剛考完試了!   你囡是否好轉好多呢? 咁考完試真係要一齊開心下喇!

LULU-MAK

近排真係好靜, 依家開始放暑假, 我同個囡都好relax, 特別係個囡, 成個人都好開心. 今個暑期, 我地都會plan去泰國, 但依家仲等耿緊我老公d朋友confirm.

[ 本文章最後由 LULU-MAK 於 08-7-24 17:24 編輯 ]

LULU-MAK

依家bk個板面, 我攪佐好耐仲未攪得掂.

我去完泰國返嚟, 泰國真係一個幾好玩既地方, 同埋我低估呢個地方既消費, 最後連我自己帶去既私己都要擰埋出嚟用. 今次我地有一個新經歷, 就係原本我地5天既行程完結, 準備食完lunch去機場, 點知收到航空公司通知, 所有飛往港澳既航班都取消, 我地要係bangkok留一晚, 做一日自由人, 班小朋友聽到不知幾開心, 又可以係酒店泳池游水, 好彩第二日都confirm到機位可以走, 我地係機場見到有d團攞唔位, 好可能要係bangkok再留多晚.

LULU-MAK

比相亞囡既近照