有沒有北角蘇浙小學的家長??

wongnysw

我女女之前在蘇浙幼稚園讀k1至k3, 於是今年九月仍決定升上蘇浙小一全日班, 雖然學費貴(近$3000), 學校有點殘 , (其實外面好多小學設備都好好, 尤其千禧校舍, 操場、圖書館、電腦室都好靚), 但我和c6覺得普通話教學有優勢, 再加上c6是校友覺得蘇浙好。
不過開學一個星期, 覺得有少少失望, 9月1日第一日, 情況好亂, 我女女同個工人在操場等了一個鐘, 才知道編班結果, 令我很驚訝。第一日唔知上咩堂, 帶晒全部書返學校, 結果全部帶回家, 沒有locker。
第二日, 我因為飯盒的事去校務處詢問, 但行到入去, 無一個老師會主動問你有咩事要幫手, 於是我用普通話(已盡力了)問最近門口的一個, 佢個樣十分不願意、沒有笑容, 比份表我叫我叫我出去填, 我填完返入去, 佢見到係我都唔主動理我, 又係我先出聲。好無禮貌。
我想問吓其他蘇浙家長, 如果撇除上述這些令人不快的原因, 蘇浙是不是真的可以令小朋友愉快學習、成績理想呢 ? 如果可以, 為了仔女的前途, 我都可以忍耐。
蘇浙口碑一向好好, 是不是依家比以前質素下降咗呢????

wongnysw

得到大家回應, 令我對學校的信心仍保持, 不過當然希望可以越做越好, 令小朋友及家長都開心放心。
其實我在8月尾, 開學前幾日回學校訂飯盒, 當面問學校的人關於分班和帶什麼書的問題, 只不過得到回覆是:
仲未分班及全部書帶番學校。
再者佢沒有提及9月1日早上在禮堂有家長會, 或者因為私工人唔識, 令我女女及工人呆等, 即使呆等, 都可以有老師在學校入口幫手指示吓。

SK1, 可否講講你仔仔之前在那裡讀幼稚園? 為何會選蘇浙小學呢?

wongnysw

你仔仔之前在明我有無學普通話? 你自己又識普通話嗎?
我本人唔識普通話, 不過自從對仔女在蘇浙返學, 我每日帶返學同老師傾幾句, 都有d進步。意外收獲呀。
我都覺得蘇浙中學派位幾好, 我心儀中學是張祝珊, 我妹妹在此校畢業, 她說不少同學由蘇浙小學來, 質素高, 基礎打得好, 中七畢業入大學比例亦高。
不過言之過早了, 小女只是剛上小一。

原帖由 SK1 於 08-9-9 17:12 發表
wongnysw
小兒之前在明我幼稚園讀.此校出名催谷.
我曾替小兒考直資學校如男拔及名津校聖若瑟,耐何他們不收.而屋村津校派位又不夠蘇小好.所以選蘇小. ...

wongnysw

作風是比較傳統, 肯聽教的小朋友會好d, 我覺得, 如果有創意、活力的學生會感覺受限制。

原帖由 ufo175 於 08-9-28 06:14 發表
蘇浙小學老師惡嘛？有人說這裡較嚴，太活潑的students不太適合，真的？

wongnysw

開始忙了, 要默書、小測、背書、上網做功課, 要日日溫書, 唔溫怕追唔上。

原帖由 wongnysw 於 08-9-29 11:43 發表
作風是比較傳統, 肯聽教的小朋友會好d, 我覺得, 如果有創意、活力的學生會感覺受限制。

wongnysw

下星期沒有小測、默書, 可以抖抖, 所以明晚會帶女女去太古溜冰和食pizza

原帖由 mimi1102 於 08-10-27 17:24 發表
嘩 ..都有好多野學喎 ~

wongnysw

哈哈, 真的頭也大了, 跟少一日都驚, 不過驚o個個唔係亞女, 係我自己。 我仲有個細仔讀蘇浙k2, 過兩年應該會更加辛苦。 我有時唔識普通話, 都要小朋友教番轉頭, 就會覺得普通話教學的確係蘇浙最大優勢。
雖然蘇浙係辛苦d, 但我覺得, 如果個底打好d, 將來上中學會輕鬆d, 況且香港教育氣氛一向都係咁"緊", 回想自己少時候都係填鴨咁填出來。 如果蘇淅都頂得住, 相信更艱辛o既環境都可以應付到。

原帖由 ysmhkg 於 08-11-6 22:42 發表
上二個禮拜日日默書測驗, 我言念蘇浙o既學生已經將考試當係食生菜, 但係 D家長就食大頭菜囉 ! 一個頭三個大呀 !

wongnysw

english story book.
不過d書同作業都响老師度, 我都未知點溫習。

原帖由 HelloSnoopy 於 08-11-17 13:04 發表
Dear Parent,

Examin. is coming soon.  Do you know what is meant by 英故?   

Thanks!

wongnysw

女兒的english story book "the new house" 已派回, 我都有同女女溫習, 不過本書d內容少又簡單, 唔知點溫先好, 上次個test 係 open book, 唔知今次呢?

原帖由 wongnysw 於 08-11-18 22:35 發表
english story book.
不過d書同作業都响老師度, 我都未知點溫習。

wongnysw

過了大半年, 還有三個星期上學期就完了。
想問問各位有小朋友讀蘇浙小一的家長, 對小朋友在蘇浙小學的學習滿意嗎? 包括學術、德行等各方面。
我有為小女想過轉校, 不過我有些不捨得蘇浙普通話教學一點, 但因為之前在學校有過不愉快經歷, 所以有轉校的想法, 心內十五十六。 之前我嬲得打電話"丙"班主任, 想起仲要比三千蚊學費, 更加嬲。
我個人覺得, 十多二十年前蘇浙是一間很好的學校, 因為比較外面一般的津校、官校, 蘇浙學生成績好、操行好, 但隨著時間過去, 蘇浙好像沒有成長, 想法依然古老傳統, 特別是我上蘇浙的網, 不是常常update, 相反其他學校, 有內聯網、每日網上check功課、通告等等, 就覺得蘇浙固步自封, 還有老師, 個個年紀有咁上下, 思想有點守舊。
總之, 我已有找其他學校的資料, 看看下半年怎樣, 如果小女成績ok, 或者不會想轉校。 現在每天和小女跟功課, 忙默書, 壓力也很大, 如果出來的成績不好, 我也會很失望。
有時我在想, 在蘇浙讀書, 大人小朋友都辛苦, 如果成績仍是中下的話, 不如出去讀一間輕鬆d, 大家又開心, 成績又在中上位置, 會不會更好? 但我c6話我自欺欺人, 五十步笑百步, 大家認為是嗎?

wongnysw

其實到現在我也不知道女女在學校的成績是怎樣, 剛十二月初的小考, 她不是全部100分, 沒有比較, 所以要到1月10日家長日, 有成績表才可以衡量。
如果是好的話(如前10名內), 相信我會讓小女繼續讀蘇浙, 因為有好的成績, 證明沒有白費我們的時間心機, 我當然以她的成績為第一考慮; 但如果是下游位置, 我真的會有點灰心呢。
令我有轉校的想法, 主要是由於那些不愉快的經歷, 令我的小女不開心, 而老師的態度和處理方法也令我失望, 不過, 如果成績好, 這因素可以將轉校的想法蓋過的。
我也明白, 即使轉校也有可能發生不開心的事情, 但只是一個學期已有兩件不快事, 實在很令人沮喪。 或者希望明年會是另一位老師做班主任, 情況會有改善。

原帖由 SK1 於 09-1-2 23:29 發表
要轉的話就只會轉去更深的學校.不要相信愉快學習的謊言了.如果可以轉去女拔,瑪利諾或瑪利曼.....就會考慮.
朋友的兒子讀小一,轉了去聖若瑟,但發覺程度太淺.再轉去聖保羅書院讀到小六,再升上男拔中一.
如果怕辛苦而轉 ...

wongnysw

我女女成績ok, 十名內, 佢同成家人知道都好開心。下學期我會比佢繼續讀蘇浙, 希望可以keep住。
其實我自己都比咗好多心機時間, 有時甚至同個女弄得不愉快, 有時太嬲、太惡, 之後都好後悔, 令自己好失望。

原帖由 十月媽咪 於 09-1-14 15:31 發表
wongnysw,
剛派了成績表, 囡囡成績如何? 滿意嗎?

心心媽咪,
喬心如何呢?

wongnysw

已pm給你, 可以比d意見我呀。

原帖由 十月媽咪 於 09-1-21 22:24 發表
咁就好喇, 辛苦&努力咗咁耐, 總算有番d回報! 恭喜晒你呀!

請問...可唔可以pm話我知, 之前響學校發生過d乜野唔愉快既事呀? 我想參考下呀!

過年後, 我女嗰班要換班主任喇, 唉 ...講真...有少少可惜!

...

wongnysw

我再試試

原帖由 十月媽咪 於 09-2-1 14:31 發表
wongnysw,
下? 你係幾時PM畀我呢? 我仲未收到喎!

wongnysw

沒有。 我覺得蘇浙是一間好傳統的學校, 唔會似其他學校, 8月下旬就開學、放學後或星期六有其他活動和興趣班等等, 佢9月1日先開學, 假期唔算多。

原帖由 patriciatu 於 09-2-2 23:32 發表
請問蘇浙小學往年有沒有辦暑期班？

wongnysw

小一共有五班

原帖由 啫喱黃 於 09-2-18 14:05 發表
唔知呀,班主任係陳秀雙老師

wongnysw

不知道其他學校程度如何。
至於蘇浙小學, 我女現讀小一, 功課不算多, 每日4-5樣功課, 不過每日要keep住溫習, 最好日日串英文字、默中文生字, 否則累積一個星期, 星期六日都搞唔掂。
另外, 我自己本身唔識普通話, 所以溫中文前要預備一下。

原帖由 teac 於 09-2-18 17:16 發表
其實好多人話蘇小程度深，但眼見蘇小d同學仔又唔係咁辛苦，咁究竟大家覺得深唔深呢？
仲有同則魚涌嘉諾撒，北角遁道 比較，邊間學校程度深d？邊間學校大家覺得好d？
謝謝！ ...

wongnysw

咁蘇浙講咗收唔收你地o既小朋友呀?

原帖由 erikalo 於 09-3-16 16:31 發表
thanks.. 都好d, 可以有間back up, 又可以抽.. 因為我點都想博下...

thank you.

wongnysw

轉眼間踏入五月了, 學年過了一大半, 各位家長有何感受?
小女上小一, 初期不太習慣多了功課, 現在好了很多, 回家花一個小時左右, 把未完成的功課做完, 然後溫習。
成績也不錯 (10名內), 我花了的時間和心機, 沒有白費。
6月就大考, 有空閒就要預備了。

原帖由 wongnysw 於 09-4-14 23:36 發表
咁蘇浙講咗收唔收你地o既小朋友呀?

wongnysw

覺唔覺得學校內開始多蚊? 我女女平時唔惹蚊, 昨日放學她雙腳共有7粒蚊賴, 心痛死我......, 我亞仔就更嚴重, 噴了蚊怕水和帶了驅蚊機都仍然被蚊叮。
想知道滅蚊工作是不是由學校負責? 抑或是食環署? 如果向學校投訴, 學校會不會有行動呢?

原帖由 teac 於 09-5-4 22:54 發表
恭喜恭喜