2021年屯門/元朗二區B1B2生升中討論

ikenmak

彈弓狗 發表於 20-12-20 19:53
有無多d商中資料，個個都話要入到精英班先得，唔係嘅話自生自滅，真係？
...

無聽過一間中學會咁樣對學生，而且亦會降低該中學的3322率，不過每年在自行階段總有類似流言，明白既！搵食啫...

ikenmak

ilovecarcar 發表於 20-12-21 00:55
級五點解唔揀最勁嗰3間？

認同你的看法，即使級10以內都會諗頭3間，級五名內更加積極考慮添。

ikenmak

wahmaggie 發表於 20-12-21 08:05
我唔敢咁搏呀
我見話元朗唔夠band 1位
驚自行唔得 唔知派左去邊

咁快投降？
級5名內都屬B1A生（寶校除外），自行元商8成以上機會收硬，面試都慳番（講笑 ）
你都有你的道理既，只係保守啲，都無問題既

ikenmak

wahmaggie 發表於 20-12-21 08:05
我唔敢咁搏呀
我見話元朗唔夠band 1位
驚自行唔得 唔知派左去邊

不過我都可以話你知，即使唔夠位，大抽獎咁唔好彩派去B2A半英中，基本上你子女到7月中叩門，B1A生都可以叩番去B1B校，所以有實力真係唔駛咁快投降架

不過，每個家長都有自己想法，入元商都係唔錯的，可以在精英班讀書應該幾好！

ikenmak

wahmaggie 發表於 20-12-21 08:17
我都想進取，不過好驚    如果係咁。。。你覺得揀信義定白約翰好呢？
...

元朗頭3校係：鄉中、崇德、信義
之後係：趙中、元商
再之後先到：白中
之之後係：基元、盧中
最後：羅中

（以上純粹以熱門程度排列，未必與DSE相關 ）

你揀白中，咁90%收硬

ikenmak

ilovecarcar 發表於 20-12-21 08:52
對呀，其實我小朋友都係差唔多成績，我諗緊鄉+崇定係保守鄉+趙。

想請教有校長推薦表，係咪大機會好多？

推薦表唔係咁多校長肯寫，多數級3名內先有（我估咋），其實元朗鄉崇信三間都係睇次第，有無推薦信作用不大，如果加埋地區性如奧數比賽，反而好過推薦信。

你講得無錯，鄉+崇係比較進取，不過有實力又真係唔怕進取既

由於自行不計區域，家長都可以思考車程等因素，考慮屯門4大，始終屯門相比起競爭性較元朗低（我指B1A-B英中學位較多，屯門學生少過元朗），所以每年都有唔少元朗生走去屯門讀，無乜聽過屯門生去元朗讀。

屯門4大：董、百、陳、梁都係非常好的選擇，成績亦好穩定地優秀，不妨了解一下。

至於荃灣就唔建議，競爭性不比元朗低，入B1A英中可能仲難過元朗添。

ikenmak

wahmaggie 發表於 20-12-21 08:25
:hap
你有無聽人講過話商中啲老師麻麻地呀？

我聽過不少中學的好壞意見，大致係學生讀得掂家長就讚，學生唔讀唔掂跟唔上家長就批評，都無第三類家長。

所以為子女揀選合適程度中學最緊要。

以你子女B1A程度，真係唔駛咁快揀元商，不過自行不中正取，元朗大抽獎選校又真係好頭痕，祝你自行成功免煩惱

ikenmak

wahmaggie 發表於 20-12-22 09:01
其實我都好苦惱
都唔知自行兩間1A搏一搏，定1A加一間1C
元朗又無乜1B選擇

前者揀2間B1A，入到正取就安樂晒，入唔到就要參加殘酷大抽獎。

後者揀B1A+B1B，就好大機會入到B1B校，沒有參加大抽獎機會。

如覺得唔理想，2者都可以在7月叩門，不過比較穩陣當然係選後者，趙聿修是元朗惟一B1B校。（今個聖誕應該有排諗了 ）

ikenmak

CYT1207 發表於 20-12-23 01:59
元朗一缐小學，兩次呈分平均級名次33，自行揀商中系咪無乜機會？

如果係一線小學，應該有50-60個B1生，我當級名次就係呈分次第，級33都屬B1B，元商就係要吸納這些學生，所以申請元商係好有機會。

不過，今年元朗區沒有加班情況下（去年有7/8間B1C-B2B中學加班），小六學生人數差唔多，自然競爭更大。所以家長真係不宜自行一間，可能都要考慮一下白中之類英中。增加自身機會入讀英中，盡量唔好跌落殘酷大抽獎

ikenmak

denise0618 發表於 20-12-23 09:07
請教二線級十五商中或趙中有冇機會？

請家長最好睇番自己小學前年及舊年入讀B1校人數，今年都係相若人數，二線小學大約30-40人入B1校，所以級15屬B1B，申請元商或趙中都有機會的（級20後就難入趙中），加油！

ikenmak

CYT1207 發表於 20-12-23 11:12
多謝回覆，所以諗住另一間自行揀基元，基元同白中，系咪差唔多？

非常正路選擇，至於選哪一間就視乎學生特色，無話邊一間好啲差啲，最緊要適合程度就足已。

ikenmak

Chichiban 發表於 20-12-23 19:46
你好呀
我仔仔呈二唔爭氣，而家兩次呈分跌到B2中。請問自行可以選擇基朗＋元公嗎？
...

你先了解學校去年大約多少學生派去B1&B2中學，再按人數及呈分次第推斷是B2A定係B2B, 如果係B2A自行基朗&元公，才有機會。（B2B生可能自行鄧佩琼機會大啲，視乎家長意願）

不過，大抽獎乙1擺基朗&元公是旦一間，乙2就要放鄧佩琼/其他天水圍B2校了。

ikenmak

Chichiban 發表於 20-12-24 00:53
睇番舊年同前一年，照排應該是B2B。即係自行渺茫啲了

想了解為何鍾情此2間？因為都係B2生超熱門中學，可能需要退而求其次。

基朗係半英中，替代可選天官、伊舊中、或者（屯門區）屯天、呂祥光，都是有機會入讀及有一定的成績。

元公係英中，替代只有青中，不過係直資。

如果家長真的只鍾情基朗、元公，坦白講只能寄望大抽獎。

ikenmak

denise0618 發表於 20-12-24 08:06
本帖最後由 denise0618 於 20-12-24 08:08 編輯

唔少邊緣人求穩陣自行會揀基朗做自行選擇，去到搞珠嗰 ...

你講得好啱！

不過這現實很多第一年選校的家長未必知道，在元朗B1英中學位嚴重不足情況下，B1生會以基朗做保險線（基朗甚至比元公更熱門），B2生在大抽獎入到基朗，可能仲難過B1生大抽獎入鄉中。

ikenmak

denise0618 發表於 20-12-24 08:40
以前B1學生多數放羅桂祥做保險線，依家都越放越前。

係，前2-3年都係用羅中做保險線，宜家今年無加班情況下，所有主要B1C-B2A中學都係4班（舊年好多加至5班），去年B1生都仲可以搵羅中做保險線，今年就...（家長自己諗 ）

我建議B2A生盡量選擇自行基朗、元公、天官、伊舊中吧，希望唔好跌落大抽獎同所有B2生競爭。

如不嫌交通麻煩，也可以考慮屯門區中學如：屯天、呂祥光等半英中，因他們的DSE成績都比較穩定，不比元朗同級差，但屯門英中學位多，屯門B1生沒有像元朗蠶食半英中情況，甚至有不少B2生抽入劉金龍/南屯官/屯官等英中（這些機會都不是元朗的 ）

ikenmak

Chichiban 發表於 20-12-24 08:02
Band2學校喺元朗區唔多，我target係元朗或天水圍。
青中當然好我亦唔介意俾學費，現階段只係first in完等 ...

如果家長負擔到，寧願入咗青中仲好，唔駛提心吊膽大抽獎，同時，青中係相當重視體育,相信你仔仔會好享受中學生活。
不過留意一下，入咗青中要揸緊一點學業，祝願你仔仔順利入讀心儀中學！

ikenmak

denise0618 發表於 20-12-24 11:55
我老大有個同學因為好鍾意田徑去咗鄧兆棠，喺小學中游成績，依家都讀得唔錯。
...

我贊同架！
B1B2校只要肯努力，一樣讀出好成績，B3校就比較困難，因為屬於單打獨鬥，翻身要靠超自覺及2-3倍努力。

鄧兆棠成績都在進步中，B2B-2C生值得考慮！又近西鐵站，方便！

ikenmak

Chichiban 發表於 20-12-24 11:40
謝謝你
我都想佢入到，但我諗青中都揀選啲B1生去第二輪interview 先到B2學生。唯有等下
...

唔係想像中咁多B1生肯入青中，申請只係攞個面試經驗，青中校長亦知道的，我覺得誠意比成績更重要（當然成績不能太差啦）

所以你仔絕對有機會，祝福你啊！

ikenmak

大粉豬 發表於 20-12-24 13:43
想請教下，B1c 生有聯繫中學，自行一應該會報其中一間，但應該機會唔大，如自行二選元公，可行嗎？謝謝 ...

本帖最後由 ikenmak 於 20-12-24 14:35 編輯

其實想問為何揀元公？比佢好的B1C英中如基元、盧中都可以，如果家長自行揀元公，80%收硬。

反而到了大抽獎，才在乙2揀聯繫校元公（因為B1聯繫官中入硬元公，在乙2才放元公係無問題，所以無必要咁快在自行2揀元公），多一次乙1搏入讀聯繫官中。

ikenmak

大粉豬 發表於 20-12-24 15:19
多謝你意見:) 今年元朗區沒有加班但小六學生人數又無少過，我怕競爭大，所以想穩陣啲選元公，唔敢太進取。 ...

明白你的擔憂！

如真係自行2揀元公，請一併比較一下基元、盧中等英中，覺得入元公無問題就去馬。

其實元公都係唔錯既選擇，保守有保守既優勢，努力呀！