2021年屯門/元朗二區B1B2生升中討論

ikenmak

CFL23 發表於 21-4-2 17:01
本帖最後由 CFL23 於 21-4-2 17:01 編輯

那麼屯官是否較南屯官好？

我覺得2間官中都差唔多成績，風格就要問用家，可以按地理近家選擇，住碼頭區選南屯官，其他區咪選屯官，純粹個人意見 （正如保記選董中定百周，地理位置都好關鍵，始終6年中學生涯）

ikenmak

Kawing0429 發表於 21-4-2 17:04
一路學校都同佢講係band 2, 無聽佢話佢係邊緣！
咁係咪照理都係band 2!?

以下純粹個人意見：
乙1選鄧兆棠,都有八、九成入讀，乙2、3唔好揀天官、伊舊中就得，選其他B2B校。

ikenmak

hkc3 發表於 21-4-2 21:04
呢種就係我哋學校老師一貫嘅建議，總知如band1 學生乙一報四大，乙二馬中或田中，乙三屯天/屯官或南官，我 ...

可能我想法比較主觀，乙2放田中機會非常渺茫，因為田中實力長期穩定，成績透明度高。

馬中成績透明度低，選擇性披露，加上後起之秀。而4大、譚中、田中的長期實力保證，所以成為屯門頭6間最熱門中學，乙1都基本收晒，相反馬中未必乙1收盡，乙2還有機。

所以家長進取的話，乙2都以馬中為先。

ikenmak

CFL23 發表於 21-4-2 22:09
你們的意見真的好有用！

其實隨機號碼靚，我們b1b生有機會派得好過...隨機no.麻麻的b1a生...

或者可以用另一角度睇，大抽獎係將全個屯門區劃成3批學生，B1A、B、C都統稱B1，號碼最靚20%揀乜都入到，餘下80%就要視乎選校策略。

號碼無得控制，但選校策略由家長決定進取定保守。

用這個角度睇統一階段又有2成彩數，8成策略既，唔係純抽獎。

ikenmak

hkc3 發表於 21-4-3 07:34
我同意呢個都係比較正路嘅諗法，但我有啲擔心今年馬中真係好誇張，自行應該有500人申請（純粹計編號），田 ...

你搵到自行數目真係叻！馬中有500, 田中有300, 睇來馬中都好多家長喜歡。

不過除咗數字，其實你睇梁中都係300左右（2年前印象中），和田中差唔多。

我個人諗法係：B1C-B2A邊沿人其實為數唔少架（假設B1B有400人，咁邊沿人都有400人，亦係最難選校的家長），這班家長自行唔會選梁中/田中，佢哋可以選擇的其實不多，自行進取只有馬中一校，否則就係保守選屯官/南屯官/劉金龍。

一般到咗統一派位，家長就開始盤算勝數及最值得投資的學校。我個人認為自行數目值得參考，但亦要睇番該校實際Banding. 實力超強就越多B1家長放乙1。
而邊沿家長就會修訂由進取變保守，因為探取進策略乙1放馬中，佢哋唔好彩跌落B2真係可以派去B2C校。所以這批家長未必如自行階段，乙1放馬中。

歡迎你和其他家長也可發表意見，大家互相討論，最終都係想孩子入讀心儀校，唔好派去大西洋。

ikenmak

ryoulam 發表於 21-4-3 03:41
請問屯門band2生，想入英中或半英中，大抽獎有什麼意見，感謝

想先了解你子女屬B2A、B、C?始於比較建議家長選擇適合程度的學校，以及你自行的選項。大家互相分享心得。

ikenmak

pandangus 發表於 21-4-3 02:00
你好，屯門band1生無聯繫心儀：陳瑞芝/譚伯羽
請問如放譚乙2有無機？
譚/田/馬，乙2放邊間有機仲有位？

譚中和陳中比較下，熱門程度一定係陳中。
乙2放譚中機會近乎零，唔好搏。
乙2可以放馬中
乙3、4放劉中（女仔），屯官/南屯官
乙5開始半英中。

以上純粹個人意見，歡迎家長指教

ikenmak

ryoulam 發表於 21-4-3 16:20
呈一二係band 2中上,呈三成績有明顯上升估計band 2 a, 自行兩間官中，入唔到
...

好好！ 自行屯官/南屯官非常正確！
給你2項建議（純粹個人意見參考）

進取策略
乙1：屯官/南官（其中南官機會高於屯官）（斷估號碼頭20%可入）
乙2：呂/屯天/辛
乙3、4、5：B2B校

保守策略
乙1、2：呂/屯天/辛
乙3、4、5：B2B校

ikenmak

sze123 發表於 21-4-3 16:31
請問半英中系邊間呀

屯門：呂祥光/屯天/辛亥年
元朗：羅桂祥/翁祐/天官/伊舊中/基朗

ikenmak

wahmaggie 發表於 21-4-3 16:57
想問下元中而家其實係band 幾
另外如果band 2b的話，自行元，天區揀邊2間會機會比較大呢？
Thanks

元中係唔係指元朗公立？元公係英中，成績約B2B, 但唔表示收B2B生，因為英中關係，在元朗嚴重缺乏英中學位情況下，不少B1生攞元公做保險線，B2入元公主要係聯繫校學生。

至於你問自行邊2間，即係下年先選校，不如等埋7月後期教育局公佈邊啲中學升格英中及半英中才再決定吧，始終多啲資料好啲。

ikenmak

sze123 發表於 21-4-3 19:35
thanks!請問屯門區夠band one 位嗎？

屯門英中（包括埋劉金龍、屯官、南屯官）的學位，足夠滿足屯門B1生入讀。

ikenmak

wahmaggie 發表於 21-4-3 20:13
而家2c, 仲有band 1生肯揀黎做保險線嗎？

如果西英，band 2揀係咪都好大機會呢？

唔好睇少元公“英中”這個金漆招牌，有家長攞基朗做保險線，也有不少係攞元公做保險線，那管基朗B2A成績一定好過元公B2B/2C，好多家長都認為英中就係好過半英中麻。   

B2生乙1放西英係100%入硬，乙1放鄧兆棠都有8-9成入到，想最易就西英啦！（純粹個人認為）

ikenmak

tww1229 發表於 21-4-4 00:19
屯門band2生要不要set保險缐，第幾志願set?如果要放邊間？thanks

屯門B2生可以乙1、乙2選B2A英中/半英中，乙3-5就B2B校，之後盡填其他B2校。至於保險線，其實係你接受的B3A校風好的中學。

ikenmak

tww1229 發表於 21-4-4 12:39
謝謝你！另外又想問下屯門band2位夠嗎？

這方面資料不多，B2位應該足夠（其中一個原因係屯門B3校長期收生不足，即表示有小部份B3生入讀到B2校），只係B2學生究竟能否入到B2A半英中,或者B2B校啫，因為家長唔多想入B2C校。

ikenmak

hkc3 發表於 21-4-4 14:16
我都想幫朋友請教下，band 2學生，英文水平好一般其他科好好，自行永隆入唔到，統一想再揀，呢一間近年好 ...

除了成績，如果學生現階段英文程度一般，我都贊成報讀中中。

永隆俾我印象都唔錯架，校長到校介紹都好有親和力，學校刊物都有俾學生發揮的地方，有時除了DSE成績外，亦要睇學校教學方向。（永隆有時B2B定B2C都不太重要，好多時學生積極向學，自然能有好成績）

如果有B2B/2C成績學生，不妨乙1放永隆，揀間合適關愛學校，都係不錯的選擇。 （但有B2A成績學生就建議揀番相應程度中學，未需要揀永隆）

ikenmak

coffeejoeybb 發表於 21-4-6 15:17
想請問一下， band2頭中， 元朗區半英中選擇，基朗，鄧中，元中，伊中，還有其他選擇嗎？ 乙一放基朗大機會 ...

半英中餘下有天官，所有B2生（不分2A、B、C），大抽獎乙1基朗都基會均等，機會大唔大唔知（號碼頭20%應該入到）

英文數學的B2中學有不少，可參看教育局派發的元朗區中學。

ikenmak

cheunghorus1021 發表於 21-4-7 17:01
我想問派位甲一二同乙一二係咪會寫番自行㨂嗰兩間(emoji)(emoji)(emoji)(emoji)(emoji)(emoji)
...

視乎你自行2間是否都同樣熱門。

情況一, 如果同樣熱門，甲1、2都可以相同，乙1是旦1間，乙2都可以同樣熱門校（不過會浪費機會）。

情況二，1間熱、1間冷門，咁乙1、2都可以放晒2間。

情況三，2間都冷門，咁乙1、2可以放晒。

ikenmak

bananaGi 發表於 21-4-7 21:15
B2 生可否揀順譚中？

唔清楚

ikenmak

幻兒 發表於 21-4-12 21:23
你好
我想詢問一下屯門BAND１ 生， 放邊一間在第二位比較安全嗎?

純粹個人意見：乙2、乙3：放屯官/南屯官/劉金龍是旦2間英中比較安全。
（因為乙2放馬中都係睇彩數）無需要太快放呂祥光/屯天等半英中。

ikenmak

hello_mimi 發表於 21-4-14 09:13
想請教大家，屯門區，囡B2，第1 劉金龍後應揀邊間較穩陣? 謝謝

純個人意見:
大抽奬階段屯門B2生家長都會因應子女B2程度選擇合適學校...

B2A乙1會選: 屯官/南屯官/劉金龍 (英中)
B2B/2C乙1會選: 呂/屯天/辛 (半英中)

所以你乙1選咗劉金龍, 乙2仲放3間半英中的話機會很低, 穩陣啲就放其他較好的B2中中.