只得四年學費預算，讀中學好還是留翻讀大學

TTEE1819

只有140萬，我會預留比孩子出國讀大學課程，這個安排會比較穩陣。

TTEE1819

在英讀中學，付學費和宿費外，仲有監護人費，每年幾套機票，加上活動費，分分鐘又要比English enrichment的費用，一般都要3x 至50萬。

讀大學，學費以學科來計的，由£15000 至 £2xxxx 都有，另計住宿費和生活費，一般係平過讀中學。

上星期我探朋友孩子，以佢為例，學費£15xxx，大學宿舍一年£5800，食方面，佢好乖巧，替父母慳錢，大部份時間自己煮食，所以平好多。

洗幾多，會因應孩子不同的性格。

TTEE1819

我孩子來英讀書的那年，我已睇定大學學費。我睇普通大學的電腦科，我記憶中當年學費大概萬二萬三鎊左右。現在再睇，多左幾千鎊。

所以，一定要預備多一點的金錢。

TTEE1819

ChapmanMa 發表於 19-11-3 15:41
想請教：
小兒中五，估計 DSE 成績大約 best 5 20 - 25分。我想佢在英國讀大學， 應如何選擇：
1. 讀完中五 ...

我會選擇「3」，既然已經讀緊中5，離考DSE的日期，仲有一年多少少，考埋先諗。但如果你對本港現況甚憂慮，則另計。

去年，我朋友又問我同一問題，朋友孩子現讀中六，準備考DSE。如果是讀緊中四，我會提議讀完中四，即跳去英國讀Year 12，如果已讀緊中五，考埋DSE才決定。

TTEE1819

ChapmanMa 發表於 19-11-3 16:51
謝謝你，我心目中也是這十五十六的想法。請問是否現在可以先考上一些大學的conditional Offer，如果有Offe ...

這幾個月，香港的情況真的令家長諗左多要孩子出國的可行性。上星期又有一朋友向我們打聽到英國升學的資料。我完全明家長的擔憂和出現1516的情況。請不要打亂陣腳，第一要睇孩子意願，要跟孩子好好去傾，第二要計下袋中有幾多錢可以動用。

Agent方面，用左兩間，一間超大，一間超細。大的一間，就是這裡常提的AA，但AA好full, 唔易book。細的，是一個老板和一兩個職員的細agent, 你搵大的比較好。你睇返其他post, 有提過好幾個agent的名。

TTEE1819

TTEE1819 發表於 19-11-3 17:05
這幾個月，香港的情況真的令家長諗左多要孩子出國的可行性。上星期又有一朋友向我們打聽到英國升學的資料 ...

另外，就算你決定孩子考DSE先諗方向，最好明年中六時，經UCAS報左5間英國大學先，有conditional offer在手再詳細考慮。我幾個朋友的仔，就係做好哂所有功夫，經UCAS報大學，現在順利在英讀Year 1。Preparation 好重要。

TTEE1819

mikeka 發表於 19-11-12 20:14
請問你朋友小朋友大學在哪裏？學費和生活費相對不是太貴

朋友的孩子在英國東南部讀大學。

TTEE1819

^O^ 發表於 19-12-2 13:46
如果在香港讀完4年U，再去外國讀Master又如何呢？對在外國搵工有幫助嗎？

我相信在英國搵到工作，一點也不容易。但新聞已講，英國方面考慮緊給留學生在畢業後有兩年時間逗留在英（是建議，未實行），如真的實施，可能會好少少。