2010/11 P4 家長,報到啦!^^

pizzahut

唔好嬲住, 今日好似放1230呀! (校車ee 都係叫我地1點去接, 但我100%肯定唔得囉, 結果我叫工人1:05落樓,架車就1:15先到!)

不過佢地d 服務又真係麻麻, 我架車都試過無數次係遲到2x-3x分鐘架, 舊年試過連續幾日都係咁, 我打去投訴, 個女仕唔同我講,比左我個電話個男人, 佢話交通情況佢控制唔到喎.

不過我都有challenge 佢, 話你地唔係第一日開呢條線架啦, 明知係會塞, 點解唔索性同d 家長講以後遲廿分鐘先落去接小朋友?

佢又話咁有時會早到架嘛, 計唔到架喎! (我心諗,你地一個星期遲足4日, 咁都計唔到? 係驚架車早到, 我地d工人未到, 阻住你地收工至真!)

原帖由 SUSANNA 於 10-9-1 13:31 發表
好嬲，冠忠服務一係一流一，今日12時放, 校車1:00先開車離開學校,本來交通既野我地控制吾到,但係佢地次次都吾通知家長,要我地係街暴曬呆等及擔心,點解d質吾可以改善下． ...

[ 本帖最後由 pizzahut 於 10-9-1 14:38 編輯 ]

pizzahut

我地班就好少功課, 連上星期5 都係得 2樣.......

原來今年唔派生詞表, 大家得閒請上來對下,報下料!

仲有已經出左游水表喇, from 16/9 - 15/10, 所有班都開始游喇, (除左光班)

pizzahut

想請問大家今次中文出左生詞表未呀? 係咪就係書入面詞庫圈出來個幾個呀?

同埋今年係咪唔使寫生詞架喇? 因為我地都仲未寫過生詞簿.

thanks!

pizzahut

吓? 點解我地班無架? 下星期3 默書喇喎?

你記唔記得係邊d生詞呀?

thanks!

原帖由 SUSANNA 於 10-9-9 10:51 發表
pizzahut

我地寫了兩次生詞是重九這一課．

pizzahut

唔好意思, 今次真係要麻煩哂你

原帖由 SUSANNA 於 10-9-9 11:45 發表
sorry, 我吾記得，或許，今日放學後我打上網．

pizzahut

Thank you J'smama & Susanna.

仲有想問默課文有無範圍, 定係成課要同佢溫哂呀?

原帖由 J'smama 於 10-9-9 19:19 發表
光班都係寫左以下的生詞.

pizzahut

ellensu,

我舊蕃薯係D座呀.

我覺得四年班真係SUPER大轉呀, 而家講緊果D倍數同因數,我舊蕃薯到而家都未攪得點, 夜晚同佢對功課, 對到我頭上出哂煙呀.

[ 本帖最後由 pizzahut 於 10-9-17 12:13 編輯 ]

pizzahut

我個果又係咁, 仲已經欠過功課, 同無帶書呢

原帖由 Lulu0820 於 10-9-15 07:55 發表
係咩係咩,咁真係太好喇! 佢返黎無講同邊個同班,有物事麻煩你囡囡幫吓佢!

你都見佢抄默書表都攪成咁,你就知佢幾掂...我都無寫晒真實情況,佢抄個陣1.係"Jext 1", 睇到我眼都大埋,三年級尾個陣佢真係清醒D嫁, ...

pizzahut

咁默書即係溫SG定係UNIT 1 橙色果張紙呀?

原帖由 小蕎媽媽 於 10-9-15 07:36 發表
其實SG果d字同unit 1 係一樣的，我今朝問呀女係咪unit 1 所有的字都要默，佢話唔係，係全部讀比老師聽，咁我話係讀書唔係默書。我肯定到温書時佢又會呀吱呀左。 ...

pizzahut

我不知幾羨慕你可以做小c9, 係屋企全職湊仔呀!

你點會無目標呀,你嘅目前咪就係陪全阿囡成長囉, 加油呀!

原帖由 Ellensu 於 10-9-17 16:14 發表
所以好似自己成日好忙碌咁，好多適應。 我唔洗返工都無時停，又要做家務同煮飯，仲要接送興趣/補習班。

唉，一陣4:30又出去游水，加埋學校功課我跟晒，有時覺得自己無價值。冇乜目標咁，只係照顧家庭...

...

pizzahut

你地而家係咪都無請工人幫手呀?

原帖由 SUSANNA 於 10-9-17 17:12 發表
其實我真係好羨慕你地住得近學校又吾吏做,我地住得遠,好難參加學活動,又要用好多時間坐車返學,真係比起得早, 回家比你遲, 連學習時間也比你們少. ...

pizzahut

其實我都覺得呢到d 媽咪好叻, susanna 你又返工,又無請工人幫手, 個女又獨立又生性, 簡直100分!

ellensu 你又全職,又無請工, 老實講你仲辛苦過我地呢d working mom, 因為要全天侯on call, 所以如果個囡d 成績ookk, 都滿足啦!

lulu 你就有2 個, 而家仲會同一時間考試默書, 比著我就肯定係屋企晚晚六國大封相,家變都有呀!

j'smam 同小kiu ma, 你地兩個好似我咁又係得一個,又係working mom,但係你地阿囡就乜都知,乜都記得, 我個就十問九唔知, 十問九唔記得 !

好似我呢d得一個小朋友, 但又要請工人(因為我放工之後已經懶得去做家務), 而個小朋友又唔算得上成績好, 又唔夠獨立, 咁你話我咪仲閉ops:" />ops:" />  !

[ 本帖最後由 pizzahut 於 10-9-20 12:13 編輯 ]

pizzahut

乜解究要星期日夜晚先來做功課? 係咪呢個weekend 出左去做節, 忙得滯呢?:)

我個果係, 手冊d 字真係佢識我唔識, 試過寫左返來, 再問返佢即係做咩呀? 佢又答唔出, 結果要打比同學仔問.

要我放左工又要煮飯又要洗熨(仲要係晚晚熨), 我就真係攪唔掂, 所以都係要比$3xxx出來請個工人.

我成日幻想, 佢升左上中一, 咁我可以唔再請工人,叫佢自己返學放學, 返到屋企就自己攪掂.........(真係諗下都開心呀):p

原帖由 小蕎媽媽 於 10-9-20 13:54 發表
pizzahut:

你過奬了，你話我女乜都知，幣在乜都唔做呢，星期五的功課做到昨晚10點幾先叫做做完，重有張心意咭未做，今日英文pre-dict又冇溫過，成日拖功課呢到已經嘔晒血，佢寫果本手冊係佢自己先識睇，想幫佢tick都好難。我都有請 ...

[ 本帖最後由 pizzahut 於 10-9-20 14:59 編輯 ]

pizzahut

小kiu 媽, 你個住家飯二人份量都要成$1xx一餐, 仲要唔包送上門, 咁又真係貴得滯.

我都明你要星期6,日比佢學幾樣野, 因為我自己都係, 我又唔放心比工人帶佢去d 要搭車嘅centre 到學.

我個人就唔讚成小四咁大個仔先來請上門補習, 因為我眼見好多fd 都係有反效果, 由其係d 屋企入面得個工人個d, 個補習老師會為左準時收工, 講埋個答案比個小朋友聽, 到有返咁上下日子, 父母先發覺原來個小朋友係唔可以自己按時做哂d功課架.

ellensu, 不如你請鍾點啦, 我而家工人都麻麻地, 我有時都要睇佢面色架,而家我要求好低,佢做其他野有75分,我都收貨架喇.

我同老公都要起碼7 點先可以入到門口(如果唔使ot), 我地都曾經搵過鍾點, 想佢日日4-7咁來湊仔兼做家務, 不過搵唔到

pizzahut

我個仔都係啱啱至做完功課, 而家佢去左沖涼, 我就上來講兩句 :p

pizzahut

LULU,

你2 個仲係9 點鍾要訓呀?

阿仔就不嬲都會係我放工前做哂d 功課嘅,如果個日得3,4樣功課, 咁我地8點開波同佢對功課+默書,都有機會可以9點幾做完, 再同佢玩一陣, 10點上床. 如果個日有5,6樣, 就真係無10:30都上唔到床呀, 陰公.

我琴日又係到諗, 聽日中秋點解學校唔可以放半日呢? 佢琴日又係無時間玩, 淨係攬住幾枝熒光捧擺係枕頭到陪佢訓, 就當玩左喇 (真係心痛!)

pizzahut

我個仔係由落車開始, 之後食tea + tv 到5:15, 工人就會熄tv, 佢就開始做功課, 6:00 就練琴45mins, 如果我地未返, 就要佢睇書(咩書都得).

而且我地夜晚都唔開tv, 直到佢上床, 我地係床到陪佢玩一陣,1030之後先開來睇新聞.

咁都唔知佢算唔算有free time 喇.

pizzahut

做左唔= 做得好, 有時衰到係成板生詞可以擦哂!

練琴又唔=練左, 因為佢中間會去左飲水呀,wee wee 呀, 呢d 我會叫工人全部講返比我知佢打蛇打左幾耐.

如果佢事實與行為都係一樣, 咁我地就唔使同佢對功課都對到9點幾啦!



[ 本帖最後由 pizzahut 於 10-9-21 12:40 編輯 ]

pizzahut

不過都唔係晚晚有時間溫書呢!:(

pizzahut

多謝你嘅美言!

你去邊個街市架? 咁大雨咪好論盡?

如果佢有日d 功課係可以半個鍾之內對完,我直頭攬住佢來錫tim 呀!