有感而發

joemyt

家長有家長傾，小朋友有樣學樣，可以點 ?

joemyt

如果學生唔出聲，老師又何需提醒呢？見過台上有台上講，台下有家長睇報紙，亦有太太團在 "B呢吧啦"。

就係小朋友仲未識自律，所以先至要家長教，要老師指導。而家唔教，大D就無得教。

我個人覺得現在OK，如果無個嚴格的訓導主任，太過自由，可能會失控。

大家都想個仔好，不妨提出好意見比學校，好過同學校敵對。

joemyt

返到屋企我問個仔覺唔覺得 Mr. YU 好煩，佢答我話如果D同學唔嘈，亞 sir 咪唔駛出聲囉。

亞仔亦問返我，佢話有時係家長嘈過學生；我就同佢講：人地嘈人地的事，起碼你媽咪無嘈。

其實就係咁簡單。

joemyt

古語有云： 無大教壞細 !

joemyt

所以 Mr. YU 的存在好緊要，唔係得個樣，仲要有把聲 ! 如果唔係過份，我地要信學校，交比學校啦 !

joemyt

要郁要玩要傾計，無可口非，唔通用條繩紮住佢地咩？但正如 LuckyHH講，基本禮貌係好緊要。比著你同個仔講緊話，但個仔就掛住講電話。，你會點呢？

小朋友要活潑，但禮貌及家教更為重要 !

joemyt

對! 讀唔到書都唔好做壞事! 讀唔到書，將來最多辛苦一點；但品德好，就算成就唔高，朋友以及上司都會尊重你。

當然，最好就緊係兩者兼得啦!

joemyt

呢D咪係自私的怪獸家長囉! 既然佢地唔識遵守交通條例，咁我地咪幫吓手囉，影低佢交比學校又得，寫封信去九龍城警署都得。

佢地唔諗一下，"泊"架車在界限街或喇沙利道 (任何位置)，你一架佢又一架，個個都唔郁，最後咪要巴士 / 小巴 / 校巴 塞車，塞到成條街唔郁! 不過會現眼報，因為佢地實有機會塞!

最後都係自己個仔受番晒(遲到)，何必呢？

joemyt

揸架靚車，著晒套裝，就連喇沙門口的雪糕車伯伯都不如!？唔識字唔緊要，但連圖案 "雙白線" 都唔識就真係唔多精神啦!

雙白線設立的目的，係因為路面狹窄，兼兩邊係來回線，所以用雙白線分隔開對頭車，不准超越。呢位套裝媽媽咁樣拖個仔過馬路，遲早一次 ! 到時唔好鬧人 "點揸車"  !!!!

joemyt

上一任訓導主任仲寸咀，在家長會"話"家長：

"話晒我地都係名校，但D學生著住套校服又"皺"，恤衫又唔"攝"入要條褲。如果你地屋企無燙斗，我可以借比你地；如果你地唔識燙衫，我在這方面有點心得，我可以教你地燙"............當時留心聆聽的家長發出輕微笑聲，以表同意；傾緊計的家長就靜晒 !!!

joemyt

溫sir