培小轉直資 Update

彥彥媽咪

各位,

作為今年 K3 家長, 今日剛去左家長會, 內容係關於升培小問題, 亦當然會 touch on 小學中學轉直資既問題了.

關於呢點, 校長俾我地既信息係....學校最快要響 2013 年 (即阿公定既死線) 先會轉直資, 而據校長所言係指響 2013 年升小一個班先會係直資既學生, 即係 2010 年入 K1 個班先會係, 之前既都係按依家既方法升培中 (即係聯繫關係, max 可以收唔多過 85% 既培小學生)

校長話, 因為依家培小開始變成小班 (一班約 30 人左右), 而培中學額係有 240 個 (6 班 x 40 人), 理論上 even 只可以收 <85% 既學生, 都即係可以收 max 204 人, 只有 36 人唔可以直升, 情況點都會比以前培小最高可以有 9 班小學, 每班 33-35 人為好, 但校長亦強調一句, 到底最後會收幾多人會完全係培中既決定, 即係話 "可以" 收 204 人 =/= 一定會收 204 人, 佢地仍可以揀街外一d 成績較好既外來生的.

以上係今日收到既 message, 如有錯漏, 歡迎今日有參加家長會既家長指正, 亦希望籍此比埋現在所有關心培小轉直資問題既家長知道.

彥彥媽咪

yonniewong:

我想問下你地培中是否會轉英中, 因為依家學校有自主權
==> 個人認為機會不大, 因為咁多年培正最 proud of 既就係以佢一間中中, 都能培養出唔少猛人, 母語教學同一條龍式教育, 亦係佢既"賣點", 就算佢有得揀, 佢都唔會咁做, 因為咁咪即係"屈服" 係一般世人既眼中 (i.e. 英中比中中優勝") ??    

彥彥媽咪

chris_618:

請問培中轉直資既時間係咪即是 2019年(2013年 + 6 年小學階段) 開始? 定係 2013年培中都轉埋直資?
==> 據校長所言, 係2013 升小同打後個d 小一生先會係直資生, 即係 2019 先會係轉直資.

但個人覺得, 好多野仲會有變數, 暫且聽住先為佳.  感覺上培正係想拖延轉直資既時間, 因為當中仲有好多野未傾掂數.