有冇後悔六年前的選小學決定？

Dybala

留名學嘢, 我個女黎緊揀小學都未知應該點做
性格: 受谷, 但睇心情, 冇心機做功課/溫書時好聲好氣勉勵佢做好啲係冇用, 要鬧到佢喊之後個人先回魂同你正正經經做嘢; 但心情好果陣又做咩都好順暢, 自動波乜都搞掂哂!

所以揀學校方面我都喺度諗應該揀傳統到唔傳統, 老師冇乜愛心嘅津校畀佢磨練吓, 但又驚吓吓要靠嚇靠鬧先肯坐定定長遠會影響佢心理健康 (其實而家每次因為功課問題而鬧到佢喊都已經好驚佢會有童年陰影); 定係揀谷得黎但老師會做多啲嘢鼓勵小朋友提升學習興趣嘅私校好(前提係考得入先算)。至於新派學校就未必考慮(間間新派都咁大競爭, 都係果句人地收你先算), 因為個女個人本身都太自由奔放, 環境一太輕鬆就玩到做緊乜都唔知, 根本做唔到人地work hard play hard果種效果