凡夫俗子在科大商學院生存之道

Augesttime

YolandaTam 發表於 22-9-12 21:18
長話短說，返咗七日，年輕人小體會：
1）識人好過識字！佢入咗學第一件事就係識朋友，除咗大家可以傾偈，亦 ...

乜而家咁好，有past paper 呢d source。當年讀，又係同你女同一科，無past paper呢回事，仲要連同一course但唔同lecturer教都可以唔同卷添！ 難以觸摸 。

講開早堂真係咩回憶都返晒來！我覺得早堂氣氛最好，度度都鬼咁多人迫lift迫扶手電梯迫cafe迫LG1先係大學的節奏。

如果lunch去飲茶又係開心！衰在而家max坐到8人，遲d解禁就更熱鬧了！ school of business係最有朝氣的一群， 叫女女努力享受year 1，建立多些友誼，留個美好回憶

Augesttime

Titi 發表於 22-9-14 20:32
入到大學另一回事！好中！
我仔中同 dse數考得好，入科大讀數，讀到好大壓力好唔開心。。。而我仔數亦不差 ...

係，中學數同大學數係兩回事！

當年，唉！ 為咗改晒d堂去早上，我竟然改咗原先派俾我的Introduction to statistics 去另一個lecturer的堂。上咗一堂，朋友問我讀邊個class，我答咗之後就嚇到面到青！原來有分嘅，佢地pre-reg係會睇下你有無讀過AL數，所以pre-reg嗰班係成班文科生為主。但我改咗讀成班係讀過AL數的。結果讀到眼坦坦，拎7x分都below mean。伏到一個點！但隔離班出得淺d，個mean又低d。

真係忠告嚟，讀U咩course都可以亂take，但數理為主的科目的elective或common core/soci， 真係三思！真係量力而為

Augesttime

YolandaTam 發表於 22-9-14 22:07
又成功拋磚引玉
師姐好榮幸能夠喚起你回憶
Lib 先至係座無虛席呀⋯⋯期待你分享！ ...

Libra幾時都咁虛撼，擺位擺陣（仲要擺個似真係“使用中”嘅陣）係要d時間領悟下。叫呀女得閒行多個圈望下人地點用最少嘅家當去佔領讀書的小枱面！好多好笑嘢睇到，好多人當咗第二個家。當年俾食d小食添！有d人食到卜卜聲，食糖飲coffee又好香！去親libra就好快肚餓，而家無得食啦，捱住餓讀就辛苦了。

我記得當年有次考試讀到好夜，淨好少人，隔離位有人掛咗個bra（應該係，見2面嗰2個型狀）係椅背頂，搵件外套蓋住，佢自己就伏低瞓咗覺，我果刻覺得好得意，讀到吽都醒鬼晒！最後嗰個人醒返來，拎住外套成抽嘢去咗toilet..... 整理好。後來走喇，先知原來佢同我同hall上下樓層的。住hall有樣得意，就係覺得校園融入咗生活，例如去libra個廁所同去hall個廁所無咩分別，都好relax，再無街唔街外廁所之分。

我都唔知自己講緊乜，但大學實在太多光怪綠離，乍驚乍喜嘅人生筆記本，記錄咗好難忘歲月！