^_^創價 2007 ~ K1 家長 (PART 4)入黎傾下啦

bb2

我果時見醫生收$120,問左幾個醫生呢個收得最平, 諗住都係填d例牌野睇邊個都冇乜所謂啦!平時睇開果個兒科要收成$200-$250視乎多唔多野填喎.....

我都要帶月餅呀, 不過點解星期一就要帶呢?可唔可以遲一日先比學校呢?因為我未換月餅呀, 學校又唔早d講, 我d美心月餅啱啱(今日:-| )先送左比人,我而家手上d餅咭只得冰皮月餅(好似唔多適合帶番學), 另外兩張月餅券又要特登出尖沙咀攞架, 但係呢兩日都唔得閒出去囉, 唔通要另外再買....

係呢, 你地有冇跟住個學習報告同小朋友係屋企溫習呀?我仲未呀...好懶!

係呢, 你地會唔會參加果個英文班?唔知有冇用既呢?

bb2

Oscar媽

唔係喎, 上個禮拜份通告無提食物架喎, 係琴日先有通告叫小朋友帶食物架咋....講真, 如果佢要我帶生果真係無乜所謂, 月餅就要花多d時間嘞(一盒月餅成百幾蚊...一個都幾十蚊, 如果我一盒月餅都無我反而可以去買,但係我明明係有好多月餅券架ma), 如果老師早少少通知我我可以調節到囉:cry:

原文章由 Oscar媽 於 07-9-15 09:03 硐表
bb2,

學校已經係上星期五 7/9 通知家長係 17/9 帶食回校
準備 21/9 既生日會既中秋節..你都覺得唔夠時間..
其實你可以去買榮 x 一個鐵盒裝比小朋友回校.

...

[ 本文章最後由 bb2 於 07-9-15 10:36 編輯 ]

bb2

janetngan2,

我就覺得d食物未必係星期五先食, 如果唔係隻蕉實爛晒啦, 仲有d提子都未必擺到5日..........所以尋日我特登同老公揸車去尖沙咀換左嘞.....而家我反而有成兩盒月餅添

[ 本文章最後由 bb2 於 07-9-16 07:21 編輯 ]

bb2

點解我係創價學校個網頁d字同相咁細張既, 係咪同我自己電腦個setting有關定係點?點先可以整番大架?有冇人可以教下我?

bb2

哇, 乜今年咁快就有埋結果嘞!

我相信學校唔會有心留難任何一個家長, 老師咁問的原因相信係實在有太多人係選擇讀上午班, 所以佢地係點都會每個家長都問下讀下午班的意願…..上年我小朋友都係編左讀下午班, 不過最後都成功申請讀到上午班, 你如果真係鍾意間學校就認真考慮下自己的情況是否配合,如時間許何的話又或可看看其他心儀學校是否取錄再行決定!

原文章由 angelmeiyee 於 07-11-29 18:12 發表
各位，　我收到囡囡的取錄信，　但我當天話下午班的話要考慮，　因為ｂｂ要午睡，　之後老師話那麼要習慣吓啦，　原本一早就已經想我讀下午班，　唔知是否我現在全職主婦，其實下午班的話我返不到工，　是否為難我:cry:，　可有媽媽會有轉 ...

bb2

我上年都係註左冊先, 再等學校消息!不過因為好多家長都會報多過一間學校,好多人都唔介意比小小錢留位先, 之後再慢慢諗...... 所以我上年都要等到真正交學費果時先知有多少人唔讀(好似都要等到成5、6月架), 好彩最後都比我等到!

原文章由 angelmeiyee 於 07-12-1 01:33 發表
bb2,

請問妳上年是幾時才通知可以轉上午班, 因為我老公話如果要讀下午班就可能唔去註冊呀, 因為學校話要因應每個家庭的需要先行安排轉讀上午班, 而且她們認為家淇(表哥仔)有我媽媽湊, 我囡囡都可以由我媽媽湊上午,  ...

bb2

尋晚瞓覺時仔仔突然同我話老師唔錫佢?我問佢點解, 佢就話老師話佢換鞋換得慢........我已經同佢話老師好錫你, 佢只係提點你....... 我見佢好似真係好唔開心咁, 比你地會點?會唔會打電話同老師了解下?

bb2

想問下各位媽咪, 你地有冇同小朋友打水荳針?定係等佢自然咁出呢?

bb2

你地會唔會去9/3果個親子遊戲日呀?

bb2

我都好感動呀, 特別係睇到Ms. Vicky個comment ‘ XX is always the first to volunteer – excellent work!’差d喊左出嚟添, i am proud of my son

原文章由 patBmom 於 08-2-3 01:56 發表
今日輪到我見家長,
未入班房前老師就俾咗個file我哋睇,
一路睇一路好感動,
因為知道好多關於個仔學習既野,
知道佢一路一路進步緊,
見到佢畫同爸爸一齊玩火箭既畫,
仲爭啲想喊添呀!
証明我哋冇幫個仔揀錯學校 ...

bb2

我仔仔都讀左成112本架嘞, 點知你地睇得仲多, 我都要同仔仔再努力d先,開卷有益ma

話時話, 我都好似唔多覺仔仔有假期功課喎

bb2

嘻, 原來咁多人係度討論緊夏穗?佢之前係同我仔仔一齊搭校車架, 不過而家轉左下午班囉, 唔可以朝朝見面囉!

bb2

你地有冇收到家教會通知有關家長也敬師的表演的抽籤結果呢?

bb2

我都未呀. 唔係話4/5要rehersal咩, 咁都應該係時候要通知啦!


[quote]原文章由 janetngan2 於 08-4-28 19:10 發表
我就未,你收到嗎??

bb2

佢地點通知你架?電話?冇收到通知係咪即係唔得?

原文章由 DOROTHYFAN 於 08-4-30 14:24 發表
抽到啦.星期日係旺角排舞

bb2

我都想知係咪即係著便服? 定係下身要著番學校的短褲呢?

原文章由 ballball411 於 08-4-30 20:00 發表
蔚蔚返黎話星期五要著紅色衫, 咁即係星期五著便服?

bb2

elysemama,我想問下你點解會選擇做全職媽媽?

[quote]原文章由 elysemama 於 08-5-31 18:42 發表
Hi, Janet,

聽落政慧同巧妤個case都幾相似, 同埋我3月份開始做全職媽媽, 唔知係咪呢個原因, 佢成日想痴住我, 希望情況快D有改善; 不過

bb2

Hi elysemama ,


啊, 原來係咁….我最近都成日諗緊呢個問題, 我係而家呢間公司做左10年, 人工同工作時間都算唔錯, 但係近呢兩年工作好唔開心, 超多是非(唔係同事之間的是非, 係老細間, 當然involve 埋我….)D PROJECT全部由我’咩飛’工作壓力又大…….成日搞到自己好唔開心,所以都諗住QUIT 左份工, 同兩個小朋友係屋企玩下先。其實我都無咩事業心, 但係就好鍾意做野, 我都知道如果QUIT左份工就好難再搵得番, 最慘就係就算你自己肯屈就, 人地都唔敢請你…… .

原文章由 elysemama 於 08-6-2 09:45 發表
Hi, bb2,

我之前份工做左13年, 日藉boss一向係大陸, 佢好信任我, 我又覺得好free, 不過工作日覆日, 完全無変化, 好悶!!  可謂"食之無味, 棄之可惜", 但又可說安穩, 我都唸住做多2年到囡囡升小學就quit左份工, 番去 ...

bb2

係呀, 我有時覺得就係坐係度睇住兩個小朋友玩已經好幸福囉, 相反係公司就係見到d老細的咀臉已經想死.....雖然就真係少左, 但係好彩我老公個人都好豁達, 同埋我地一向唔係好重視物質, 所以應該無咩問題的, 況且世事真係好難料, 邊個知道將來會係點呢?一於車封信比老細, 同佢地say goodbye!講真, 小朋友而家咁既age真係最得意, 可以日日同佢地一齊玩, 真係多多錢都值!其實我老公都唔知幾恨可以好似我咁話唔做就唔做, 日日接阿仔放學

原文章由 ballball411 於 08-6-2 16:55 發表
其實如果做得唔開心, 而屋企環境又許可既, 咪抖下湊下對小朋友先囉, 小朋友呢個時期最好玩, 最得意, 可埋好快就大過, 到時你想再陪番佢地都唔得架啦..... 等佢地上小學既時候先再搵工都咪遲, 到時或者比你搵到份開心 ...

bb2

係喎, 你地係咪會買晒全套書簿呢?我見書包都要買, 點解呢?其實個書包仲用得點解一定要買過呢?會唔會好浪費