赤提日常開支

minnieevergreen

liverpool2023 發表於 24-3-12 16:12
本帖最後由 liverpool2023 於 24-3-12 16:13 編輯

肯定唔駛

學校樂器500??咁平???有咩樂器可學?

minnieevergreen

liverpool2023 發表於 24-3-12 16:22
佢一年一次過收幾千蚊
但我不是赤提喎！
我回應嗰位會員話讀直資要咁多錢喳！

明白﹐雖然未有OFFER﹐我都想了解多D大約使幾錢﹐

我覺得有D使費其實佢讀唔讀直資都要使既﹐
例如零用錢、補習費、車錢﹐其實讀津校都係要。

我都想了解下﹐入赤堤有咩學費以外的雜貴﹐係大部份人都要使
如果一年幾千學音樂﹐我覺得抵到喊﹐出面一個月都幾千。

minnieevergreen

HK-MAN 發表於 24-3-12 16:56
人家已有Offer, 報條數都要大約計算掛...萬一跟唔上要補習幾科而唔夠錢就唔補,轉校呀? 人地學費1年$74550呀 ...

其實我諗有得赤提咁早OFFER﹐成績都唔會太差﹐
而且我估就算佢唔讀呢間、讀既學校都係類近LEVEL﹐讀邊間要補都要會補掛?

所以我估佢係想了解﹐有咩以外既費用係要交比學校而己

minnieevergreen

liverpool2023 發表於 24-3-12 20:09
你真係有Offer
又真係唔知道
我可以幫你問

先謝謝喇，未有offer,連顏寶鈴都未有，所以赤提機會真係低。

minnieevergreen

HK-MAN 發表於 24-3-14 10:18
海外讀完大學而家四十幾歲冇做過野大有人在.....福x人, 屋企唔係話好富貴,有兩層舊樓收租., 兩老樂見佢終 ...

福x人喎~~
反而我識好多福x人﹐好似隻牛咁勤力(包括我老闆)

minnieevergreen

liverpool2023 發表於 24-3-16 14:01
我係專業嘅幼稚園老師
以前響中環聖公會教
所以教幼稚園我係專業

原來係幼稚園老師﹐
咁請教下﹐你覺得幼稚園放任唔提早學認字有冇問題?? ( 前題係小朋友智力正常﹐唔係特別叻唔係特別笨)

minnieevergreen

adriantai 發表於 24-3-16 14:20
我邊有話冇人天生上學習？係規規矩矩  

我都係想講，你嗰兩個例子都唔係訓練出嚟

我都識有d小朋友係天生對學習同溫書好有興趣﹐
朋友個仔係k2﹐鍾意做練習、計數、睇英文多過去玩玩具﹐佢係追住阿媽拎練習做
(當然﹐佢仲咁細﹐到小學都未知會點)

不過咁多年對自己小朋友同身邊朋友既小朋友作出觀察﹐覺得真係分為幾大類 :

第一大類係對學習知識有興趣既小朋友。佢地其實有求知慾﹐想學習﹐會自己睇書研究﹐亦有天資。但代唔代表佢地鍾意溫書?絕大部份都唔會enjoy溫習﹐不過爭在呢排人入面﹐有人成熟d知道不溫不溫還須溫﹐呢班人通常係級頭人士。唔想溫果班就會係頭20名浮遊。

第二類大係唔想學﹐但唔抗拒。
相信呢類人佔多數﹐唔想上課唔想聽﹐不過老師講我就聽﹐人做我就做。
呢類學生就好取決老師同家庭有冇好好監管同教育﹐有既小學成績都可以做到上遊。


第三類係天生拎住本書都想死既小朋友。
呢類阿媽最頭痕﹐教極都唔入腦﹐惟有盡力令佢跟得上。

so far我覺得﹐小朋友既溫習習慣﹐係要由細培養﹐
唔係呈分先開始﹐
我唔期望佢愛上溫習(我覺得呢件線係痴線既﹐我都唔會愛上溫書)﹐但希望佢會知道溫習同專心既重要性。

minnieevergreen

liverpool2023 發表於 24-3-17 10:31
咁我係自小兒子一歲就辭職去做ftm
所以我們沒有請工人，沒有好多興趣班，亦不覺得補習是必要
全部我一人 ...

有能力辭職也是本事呀。如果係識教﹐ftm絕對夠哂﹐唔需要補習。

我自問無能力、亦真係唔捨得事業﹐一直都係雙職﹐

仲要係有時會9點後先返到果種﹐
我可以做既就係陪完佢先食飯、放假family day去可以唔同種類既活動比佢
所以小朋友叻﹐我覺得係佢自己自律佔左大部份﹐唔係我功勞

minnieevergreen

liverpool2023 發表於 24-3-17 17:11
語文不是靠玩
必須要多讀多寫
底子不好的話，先做一些低年級的練習，看一些低年級的圖書

Harry Potter喎﹐中一都低程度????

minnieevergreen

liverpool2023 發表於 24-3-17 17:22
本帖最後由 liverpool2023 於 24-3-17 17:25 編輯

因為我們沒有好多興趣班，孩子又沒有體藝細胞，怕羞 ...

可能我生小朋友時較年輕﹐大學畢業無耐﹐真是沒有勇力放棄工作。
好在長老配合到﹐後來小朋友大少少返學請工人﹐就一直都應付到了。
好在我工作雖忙﹐但係可以自己安排時間﹐所以幼稚園既活動、表演我都可以參與大部份﹐後黎到小學﹐就無咩再參與了。

男孩子可能難D﹐女孩子又定性D﹐而且我覺得由細到大培養自律同規矩好重要。
我長老雖然學歷唔高﹐學習上幫助唔到﹐但唔會隔代縱容﹐
由幼稚園到小學初﹐每日放學吃過點心小休就要立即做功課﹐唔會比小朋友拖到晚上。
所以小朋友就小就有左較好既自覺性﹐調返轉可能我教都未有佢教咁聽話。

minnieevergreen

liverpool2023 發表於 24-3-17 18:58
想成績好，就不是講興趣
我細的都對金庸沒興趣，只是為了成績而去看
佢甚至寧願做練習也不想看英文書

呢個我又唔太同意﹐依家新一代﹐唔係個個都好似你仔願意為成績而看﹐
好多好反叛﹐你安排佢偏唔睇既都大把。


阿女初小對閱讀興趣不大﹐不討厭﹐但唔會追書睇﹐
我也只是鼓勵佢買鍾意既書﹐
係後來學校老師有推介新雅出版既兒童文學書﹐佢就重新愛上睇書﹐慢慢睇哂全系列﹐再發掘不同的書﹐呢排開始愛上睇衛斯理同魯迅散文
英文書係呢一年佢明白真係唔睇唔得﹐才開始主動一中一英睇﹐我也唔逼佢睇得深﹐慢慢一步一步來﹐先愛上後進步吧

minnieevergreen

liverpool2023 發表於 24-3-18 13:40
我係臨急抱佛腳
冇打算咁快操
凝皓咁多人介紹，未去過就試吓

我覺得FOR個底子唔算差既學生﹐佢自己又上課專心到
大型補習中心係有效。
我女女學校較少中英作文﹐我自己一向對中文作文要求好高﹐一直都覺得佢就好似上面有人所講既乏味。最初小一二我係將一D情節公式入左佢腦﹐同佢不停作﹐作左某D情境同詞語比佢﹐咁夠佢考試用(事實上大部份初小作文黎黎去去都係果D情節)﹐但咁樣考試前谷﹐大家都辛苦。
後來我比佢去上補習社作中文﹐唔使半年佢進步得好快﹐慢慢由普普通通去到次次作文都90分以上有貼紙﹐到依家去到小五已經唔使再補都應付到。

英文又係咁﹐學校其實每1-2個月先作到一篇﹐根本唔夠練。佢最初初小都無問題﹐都係幾乎滿分。
但去到小五頭見佢開始成績下降﹐比左佢去英文作文補習﹐去到依家﹐岩岩考完試主任仲改緊卷﹐已經同佢講佢篇作文作得好好。

我覺得作文有時係真係要練習﹐作得多﹐腦內既題材、資訊就多﹐到考試就好快組織到。

以前自己考AL都係咁﹐中化好多時係做功課時﹐一早搵左資料support自己既idea﹐
做功課時已經prepare well﹐其實到考試﹐係可以好輕鬆。