校巴車費,今年你地 平 或 貴 咗

家熹媽咪

我地水圍區內平咗10蚊, 但講真, 如果因為平得果10蚊而要轉校巴隊, 咁轉嚟做咩 ! ?

另外 , 之前招標 , 又話新車商既車隊, 全部都係自己車, 以我所知... 佢地得幾架車, 其他既車都係同出面借..... 接標既人唔知又有冇問清楚呢?

家熹媽咪

原帖由 一仔媽媽 於 09-7-9 23:27 發表
車費,今年你地 平 或 貴 咗

我係藍地 舊校巴車費$590 ,今年新校巴車費 $650 貴咗.又話招標費係平咗先選lee問嗎??????

嘩~ 貴60蚊咁多???? 你可以打返學校了解一吓 , 之前有家長炸型, 話盈泳收得貴, 學校先話重新招標, 如果而家咁 , 好有問題喎!

家熹媽咪

原帖由 WW 於 09-7-11 12:24 發表


我係錦田就平左, 不過見份通告話要交 11 個月, 真係唔知點解? 學費都係交 10 個月之 MA.

WW :

我睇佢地既收費表先好笑, 咩7月份返5日就唔駛交, 多過5日少過10日就半個月.... 我唔信佢地落標果陣會唔知道我地學校幾多號放暑假囉 !

家熹媽咪

咁多位家長，唔好意思，我都想搭吓仙。。。

由於最近太多事要攪，阿仔既功課又未完成，所以真係冇時間上網，今日睇倒呢個ｔｏｐｉｃ　，我都想發表一吓。。。

今年我都會揀搭返舊校巴供應商，因為由頭到尾我講緊既都係，最緊要係家長們覺得放心，我唔係要幫某公司去賣廣告，而係，問心丫，過往３年，阿仔都坐得好開心，我曾經試過轉街車，但最後都係要坐返舊校車，因為ｄ姨姨真係好有交帶，睇見ｄ小朋友同跟車姨姨同埋司機叔叔好夾，每日見倒佢地都係開開心心上車，開開心心落車，呢點就係我揀搭返舊車既原因,當然，個別家長一定有意見，但呢ｄ都好正常。。。

當初學校話要轉車商時，我都好奇怪，無啦啦做咩要轉？聽返某執委講，話舊校車收費貴，加上有家長又投訴車上太嘈，對我呢ｄ小角色嚟講，就哽係冇聲出啦！咁學校話貴，我哽係相信佢地可以幫家長揮倒更好既價錢啦！點知新車商中標，我地嘉湖線真係平咗呀～係大拿拿１０蚊咁多，但聽識得既家長講返，話新車商收貴佢地好多，我都真係ｏｒ晒頭，咁當初接投標既定義係咩？

對我嚟講，收平１０蚊我又唔係話冇錢開飯，但又要個仔重新去比個司機叔叔同校車姨姨再認識過，有陣時真係會諗，係咪多此一舉？我之前問過舊車商，佢地會做街車，而我亦好清楚佢地係唔可以入學校，但我我知道既，就係有唔少家長都會揀搭返舊車商，所以，亦希望我地呢班家長，可以為自己掙取，希望學校可以比舊車商入校，雖然未必成事，但都叫做幫自己小朋友掙取過丫。。

有好心家長提醒我地，如果非校方安排之巴士，是沒有牌照之旅遊巴，有意外閣下自理及唔好後悔，我有少少問題，請賜教，如果旅遊巴冇牌，係咪唔可以行車架呢？有意外既意思，係指ｄ咩呢？你係咪話佢地冇買車保，所以如果有意外就係我地家長自己攪掂？最後係唔好後悔，我有ｄ驚，聽你既語氣，似恐嚇多過提醒我地。。。

不過點都好，新開年聽日就係喇！希望大家會開開心心開學，未處理好第一日開學既事，就要把扼時間快ｄ攪掂喇！如遇上任何問題，大家可以再睇返　【李宗德】新學期 , 新形象 ... 準備須知 ，希望新一年大家都有新希望啦！　

祝願每位小朋友學業進步。。。。

＊ｐ.s : 差d唔記得講. 我喺盈泳係冇股份架! 以上內容,只屬我個人感想,不喜勿插/咒/罵... ^^

家熹媽咪

原帖由 09Civic 於 09-8-31 11:57 發表


回覆版主如下：
1.當初學校話要轉車商時，我都好奇怪，無啦啦做咩要轉？聽返某執委講，話舊校車收費貴，加上有家長又投訴車上太嘈-根據教育局指引，校巴/飯商等必須3年招標，詳情如下：http://www.edb.gov.hk/FileManager/TC/Content ...

多謝09 Civic 提供資料, 第1條link 開唔倒, 第2條link 我睇咗 , 但都冇講到盈泳冇牌呀?

原帖由 09Civic 於 09-8-9 17:51 發表
非校方安排之巴士，是沒有牌照之旅遊巴，有意外閣下自理，該旅遊巴亦不獲校方管理，不可進校，家長們注意！

我見你之前個post 係咁打? 唔知我有冇理解錯呢?  第3條link , 我成日都睇學校既網站, 但我真係唔知你想我睇邊度? ^^

Sorry ! 其實我之前搭仙都不過係無聊, 大家唔好誤會, 我冇諗過就呢件事好掙論任何事, 只係在座每位家長都愛鍚自己小朋友, 好自然都會對有關佢地既事而多加關注! 就以校車為例... 不過點都好, 新校車又新校車既好, 舊校車亦有佢引人之處.. 講到尾, 我地都不過希望小朋友開心同健康啫!

家熹媽咪

原帖由 09Civic 於 09-9-1 22:45 發表


回應版主如下：
1.3年雖招標之事，可看以下：(page 1,2)
http://www.edb.gov.hk/FileManager/TC/Content_1977/salient%20points-c.pdf
2.學校指定小巴為-學校私家小巴服務，並領有"客運營
業證證明書"，
非學校指定小巴為-旅 ...

09Civic :

多謝你咁有心機去幫大家搵資料, 解釋得亦非常十分之清楚... 第2樣我唔肯定答你, 如果你指"客運營業牌" 我相信佢地一定有, 因為除李小外. 佢地有同激活合作, 如果係冇牌... 相信都好大獲!

家熹媽咪

原帖由 FatherJ 於 09-9-2 22:51 發表


客運營業證證明書 跟學校無關, 是那運輸公司自行向運輸處申請的, 不過沒有證就不可以做載客服務, 即見到車尾那紅/綠圈標誌, 就是有證.

http://www.td.gov.hk/FileManager/EN/Content_1129/td%20247a%20_rev%209-0 ...

FatherJ :

請怨我見識少, 我想問, 即係如果有果個証, 就會喺架車上見倒紅圈/綠圈??? 唔計盈泳. 即係話如果新校巴有牌既話, 應該係每架車都會有喇喎 ! 換言之... 個牌係跟車, 唔係跟公司? 我唔知有冇理解錯?

如果真係既話, 咁聽日真係要驗車先得喇!

家熹媽咪

原帖由 09Civic 於 09-9-3 00:11 發表


我由始至終，都唔希望小朋友有意外，看見舊PTA委員在校外為舊巴士商宣傳，我有點不明？我花了很多時間找有關資料，坐車去九龍運輸署問了有關事情，現在清楚知道了！金錢不是問題，平10元又如何，我想有意外後悔又如何？看看巴士意外多 ...

很抱歉，我冇見倒舊ＰＴＡ成員拉客，　所以回應唔倒你既問題。。

安全的確係問題，我都好希望呢件事快Ｄ解決，因為呢幾個Ｔopic 真係令好多人頭痛~

家熹媽咪

原帖由 家熹媽咪 於 09-9-3 17:18 發表


FatherJ :

請怨我見識少, 我想問, 即係如果有果個証, 就會喺架車上見倒紅圈/綠圈??? 唔計盈泳. 即係話如果新校巴有牌既話, 應該係每架車都會有喇喎 ! 換言之... 個牌係跟車, 唔係跟公司? 我唔知有冇理解錯?

如果 ...

補充:

各位家長請注意 , 多謝09Civic 同Father J 提供一個好好既認證方法 , 請大家聽日一定要留意你地坐既校巴 , 不論新/舊校巴 , 都要睇清楚佢地車頭同車尾有冇貼上一張紅色(供旅遊巴)或綠色(供村巴) 既貼紙 , 如果該車冇既話, 記住記住一定要打電話去運輸處/學校等有關地方投訴呀 !

千其唔好辜負09Civic 同Father J 下既一番苦心 , 因為作為家長既每個你地 , 最終都係以小朋友為先 ! 希望認證埋呢件事之後 , 唔會再有咁多事發生 , 下星期就正常上課喇! 相信大家都可以安心投入返學校啦!