有無人上過陸陳漢語中心?

kw_kung

上年暑假前參加過講座，個老闆親自 sell 我哋，要我哋先報過萬嘅暑假全日制課程至可以排暑假後星期六班嘅 waiting list，後來我想行埋一邊諗吓由邊個星期開始報（因唔記得學校幾時放暑期）及同老公商量吓，點知個老闆即時黑面叫我哋走，於是我解釋話要諗清楚學校幾時開始放假，但佢叫我哋：＂唔駛諗喇！你哋可以走喇，小朋友都要瞓喇，帶埋佢走喇。＂
事後有個家長安慰我話阿女個同學喺陸陳讀都係　pathway 2，我完全冇另外搵人或自己教過阿女中文佢已經係 pathway 3（3 比２高級），所以入唔到陸陳唔須要可惜。
有此經歷，就算陸陳好好，我絕對不會考慮。