KV失敗的家長別失望，不收更好！

CarmenK

原帖由 kin1181015 於 09-12-7 23:47 發表
我個女ｋｖ　收左，　仲要係ａｍ，　佢ｉｎ　個時好細聲，　又唔唱歌，　又唔講ｔｈａｎｋ　ｙｏｕ，　又唔推ｃｈａｉｒ，　不過老師話佢好斯文，　我以為佢都唔得，　　我覺得ｋｖ　都好看家長既職業，（我只想到這個原因佢收我個女）　我個女ｉｎ　３　間九龍塘，　５間ｌｏｃａｌ　都收

我就真係一ｄ　都無寫求情信，　又或者我同老師既問答流暢，我既答案令佢覺得滿意，　我想ｋｖ　係想要一ｄ　唔須要好叻，　但係要聽話既小朋友，　因為佢地既課程都須要小朋友好大既服從性

我都同意呢位mami嘅睇法。
我個女，佢好斯文，好怕醜，去親interview，十次有九次都係唔出聲，又或者係細細聲。

我記得KV interview，in第一part果陣，小朋友入左個房玩玩具，大概５－１０分鐘，我阿女全情坐定定，隔離有兩個小朋友，因爭玩具，有個大叫有個係度嘈，但我阿女只係望左佢地幾眼，就繼續自己手上嘅玩具，仲問旁邊mark緊分嘅老師點教，想叫老師教佢玩。（老師忙住觀察小朋友，但都有教我個女玩一次，之後就叫我個女自己玩。）
呢一part，我唔知老師想考／睇啲乜嘢，但我就睇到我個女嘅專注力好好。

第二part，埋枱對老師，一個老師問我，一個老師問阿女，我唔知阿女答成點，但我有聽見阿女唱歌（係超細聲）
我亦見老師教阿女玩陀螺，但阿女玩極都玩唔到。
老師話送個陀螺比佢，話係送比小朋友嘅，佢仲誤會話係黎送比其他小朋友，阿女回答：『好吖，送比小朋友啦！』跟手比返個陀螺比老師。我要係隔離再解釋，佢先明個陀螺係送比佢。

第三part，門口攞糖，最後把關果個老師比糖阿女，阿女諗左好耐（隻手又想攞紅色，又想攞橙色，最後攞左一粒）然後都係我叫佢先識講多謝（都係超細聲）。

我同我husband都唔係名校生，我係fulltime housewife.

我認同上面那位MAMI嘅講法：
『我想ｋｖ　係想要一ｄ　唔須要好叻，　但係要聽話既小朋友，　因為佢地既課程都須要小朋友好大既服從性』

FYI，我幫阿女幫左St Cat (Waiting), 聖心(Rejected), 就只有KV肯收阿女。阿女話大唔大，話細唔細，８月尾出世。

[ 本帖最後由 CarmenK 於 10-2-2 23:37 編輯 ]

CarmenK

原帖由 bobomm 於 09-12-7 01:13 發表
收成600學生的學校不去也罷！我都收到REJ.信說不收，非常失望，因為的確不明白KV的面試果真是考運氣。

我女06年11月大仔，現在已經返幼稚園差不多一年，可以自己食飯和如廁，早已戒片。考試那日，她都答塞問題（雖然蚊之聲），而且唱了 ...

樓主唔好唔開心，你阿女已經好叻，in８間就只得１間唔收！

我個女，Nursery果陣我幫阿女in HKPS/KM，全部都waiting.
最後，好好彩係屋企附近讀學之園(PM session)。
家陣K1，報左３間就只有１間收。
黎緊２月６日in聖保祿，但都唔敢有咩期望。

我諗，你個女咁叻，就算in聖保祿都應該好有希望，所以唔好唔開心。