小五呈分安排

小艾比

kw_chi 發表於 20-7-17 09:34
係, 考完先放暑假要感恩,我地要延至9月中,仲慘

大人同小朋友心理壓力好大
我仔都係考完, 但成日問, 如果呈二時都係咁點算?

我真係唔識答佢, 叫佢唔好諗太多...........

小艾比

chanwendy 發表於 20-7-17 10:48
我同我仔講, 要預咗冇呈二呈三, 所以呈一好緊要, 要比心機啲, 因為隨時係一試定生死架喇.  所以初初佢都好 ...

我仔都一樣考前在家, 成日好有壓力咁, 我見到佢咁反而同佢講, 盡左力就OK, 今次無論你考成點, 我都收貨, 因為今次情況太特別, 心理壓力係好大, 我明白的, 我仲開解佢, 呈一失手, 仲有呈二, 呈三麻, 唔係點解要有咁多次呈分呀?!!   (所以我估佢就問, 咁呈二, 呈三又係咁點算? 到時冬天及春天應該唔會好得過今次, 爸爸就話, 到時可能有疫苗呢, 唔好擔心咁多..........)

但佢考完第一日, 回來見佢無野了, 一輪咀講一考完D 同學圍埋一齊講, 頭先果題好深, 答案係咩咩咩? 有D 同學講: 好彩炸, 我幾驚我係錯.....
我自己心諗, 你睇你班學生真係幾大壓力呢.........

之後第2, 3, 4日阿仔都OK, 不過我都依然無比壓力佢.......因為之前睇到佢個壓力樣, 真係有D 眼濕濕.....

我自己心諗, 你估中學校長睇唔到今次問題咩? 出得淺, 範圍少.....學生有壓力....到時佢地會憑咩收生呢?

不過我一向都有兩手準備, P4及P5上學期時已經谷衡阿仔, 阿仔成績表係好OK, 博就博下班中學校長會點收生喇, 今年已經有師兄媽咪講, 今年疫情關係, 收S1同之前都有D 唔同 (大家都知, 所以唔講了), 我地呢年的學生, 中學校長係唔係應該要真真正正坐底想下收生方面會點?!