宣小vs油天

rookiemom

我就覺得油天好些，油天唔多功課，比較活動，地區的確宣小好些，如果用金錢去衡量家長的質素，宣小一定贏，但有錢有學歷唔等於質素好！所以我唔會評論邊間學校的家長質素好！油天係一間好有heart的學校，不會只顧拔尖，亦會補底。

派位問題，女仔的派位是差一點，但男仔派得很好，頭90名都派到Band 1，唔使俾學費而有這樣的派位，真係好好！

原帖由 moyan 於 10-3-4 13:53 發表
兩間都比較多功課,
唔理$$, 一定宣小好d,
地區, 学生家長質素都好d,
派位又好！

如對音樂冇興趣,
又唔想比学費就揀油天啦！

rookiemom

其實大家發表意見是好的，不過肯定貴公子或千金唔係讀油天，你又點知我地學校工課多呢？ 我個仔讀咗咁耐，每日都係4 至 5樣功課，平均半個鐘至45分鐘一定做完！除咗考試外，平時默書都係一課默課文，一課默詞語，課文仲講埋默邊段，咁有幾慘？

至於附近環境係不理想，不過揀油天的人都明白，學校自己都知輸硬件，所以努力於軟件， 哉培一班好老師，提高教學質素，當然，學生比較參差是真的，但能夠教到大部份Band 1 成績，證明是學校教得有辦法！

我唔係想sell 油天，因為唔sell都不愁無人讀，當然其中一個原因係唔使錢，但我自己唔係因為慳學費而揀佢，不過始終拿一間津校同私校的家長來比身家係多此一舉的！這又能代表些甚麼呢？

原帖由 moyan 於 10-3-6 14:44 發表
油天的學生好參差, 因学校冇得揀学生, 功課唔多點谷band1?! 中文默書一次默幾課

油天都幾多新/舊移民, 宣道就中產多。仲有舊油天学校週邊環境好惡劣。願意比學費的當然揀宣道。 ...

rookiemom

你唔信都冇辦法，每個小朋友都唔同，我都相信我個仔係算快手的，不過，第1，油天功課係冇乜抄寫，第2，每日有一堂俾佢地做功課，我個仔在學校通常已可做完80%的功課，回家佢一路完成未完的功課，我一路check有冇做錯。

其實只要大家講真話，良性討論就好，我從來冇話宣道唔好，只是好多人講油天的都不是事實，我才出來講幾句，每間學校都有支持者，請大家專重別人選擇。

原帖由 vet 於 10-3-6 22:52 發表
"每日都係4 至 5樣功課，平均半個鐘至45分鐘一定做完" very efficient
he or she can finish 1 homework in less than 10mins

rookiemom

DBS今年好早也已收了最少一個油天男仔喇，有乜咁特別？ DBS年年都收幾個油天仔，我地亦冇因咁樣叫自己做名校，唔好再扣帽子啦！

原帖由 vet 於 10-3-17 00:37 發表
DBS今年好早已收了幾個宣小男仔

唔明點解有人叫油天做名校

rookiemom

新校長很低調，是實幹型，對學生的成績同品格都有要求。其實由頭到尾，大部份油天家長連我在內，都唔覺油天是‘名校’，真正的‘名校’是小拔，喇沙 etc，油天只是一間較好的津校，很平民，用有限的資源做到最好而矣。

原帖由 bb78 於 10-3-30 13:36 發表


宜家油天換左校長, 咩境況都要拭目以待。 但九十年代, 有不少油天生派左去名校 (如皇仁、DGS) , 做哂會考狀元(上埋電視)

唔知係咪咁就叫做"名校" ?! ...

rookiemom

油天的課程唔係淺，英文係弱了一點，但中文同數都好強，冇聽過上中學跟唔上，因好多人自己都有補英文，而好成績的入勁學校，成績冇咁好的就入冇咁勁的學校，所以你說的應該唔會發生。

其實覺得好多人都係對油天不太瞭解但又要得閒冇事踏幾腳，心態好怪！

原帖由 kongkong7794 於 10-4-1 22:34 發表
其實我都唔覺得油天係"名校"唔明點解咁多人話好.. 佢地60幾%係好咩??? 佢地教D課程好似比較淺,派到好嘅中學將來又讀唔讀得上呢??

rookiemom

油天只有1.5個native英文的外藉老師（0.5個係因為他不是全日都在學校），native普通話的就大把，另長年都有一個是國內派來交流的國家級普通話教師。

油天學費=$0, 我都好奇問下，宣小每月學費幾多？在學校學樂器每月又幾多？

其實這樣問係冇意思，根本一間是津校（免費），一間是私校（$$$)，論資源，油天當然唔夠直資同私校比，比師資，比設施，以宣小的學費，應該同小拔呀，St. Paul Co-ed 比嘛。

原帖由 catcatmom 於 10-4-6 00:59 發表
每星期有一半英文堂是外籍老師教 (8堂中有4堂)

甘油天有幾多位英文外籍老師?好奇一問.

rookiemom

謝謝你的information，你唔講我又真係唔知，咁點解宣小的資源好似多過一般津校？ 私人donations？我唔係challenge你，係真係唔明而已。

原帖由 ChiChiPaPa 於 10-4-6 10:53 發表


宣小學費每月3千多元，交10個月。宣小網頁上列出的學費如下：

小一至小四：31300(全年)　小五：35200(全年) 　小六：37800(全年)

私立學校和直資學校不同，私立學校沒有政府的津貼。三千多元的學費只大約相等於津貼學校所收 ...

rookiemom

有點兒問非所答，不過有出色的樂團唔等於辦學辦得好，有些學校注重運動，有些注重音樂，當然最好各樣都照顧得到就最好。

其實，由始至終都冇人話過宣小唔好，我個人亦認同音樂對小朋友的發展是非常重要的，不過有些人一定要比，而又一定要比贏，所以我才花咁多時間去答，每間學校都有自己的長處，每個家長的選擇都不同，希望大家不要只看到自己學校的優點，就漠視人家學校的優點。

原帖由 ChiChiPaPa 於 10-4-6 12:11 發表


中華基督教會基灣小學（愛蝶灣）是津校，但他和宣小一樣有出色的樂團，一樣請知名的導師教樂器， Banding 比率也是極高的學校。

最近的校際管弦樂比賽冠軍也是由一所津校 — 協恩所取得。協恩一樣請名導師教樂器。

學校辦 ...

rookiemom

本來唔想再說下去，但你問我我就答你。我真係唔係challenge任何人，亦唔係pick on宣小，因為如果我覺得宣小差，根本就唔會有呢個問題，只是在這里才發覺真係有唔明之處，希望有人解答而矣。

因為這里說，私校在金錢上是比津校冇優勢，但native 老師又比津校多，所以才問，我覺得學校錢多資源多對學生是好事，我唔係sarcastic，係充心的，有誰不想子女在資源充足的學校讀書？

原帖由 kls12 於 10-4-8 09:17 發表


宣小的資源好似多過一般津校？
不會吧！讀過宣小的便知，沒有泳池，更沒有操場。常常被人批評的，便是沒有一般津校的應有的設施。

津校的課外活動是有津貼的，但宣小就沒有了。大部分的都要收費，未聽過有津貼。

不明資源好 ...