唔捨得點算？

w_y

我常碰見下學年新校的學生和校車, 次次都叫佢地睇下人地著校服幾好睇, 大個左升K1 就要好似大哥哥大姐姐咁醒目. 佢地都好期待升班.

w_y

識架, 不過講得呢句都開左學啦.
我覺得你越將呢個問題上心, 小朋友越會緊張. 順其自然.

w_y

我會提, 佢之前有講 " 我要返XX(原校), 我要X 老師", 咁我果排就唔理佢. 後來慢慢再介紹新學校, 校名, 睇下人地校車, 介紹下套校服, 好似慢性洗腦咁, 幸運係有該校學生住樓下, 放學見面會打招呼(大哥哥仲著住校服), 所以佢而家好期待了.

至少佢對校服, 校車唔陌生, 當然如果唔係你果區就可能難少少, 之前家長會, 買校服書, 可以就一起去, 熟下個環境先.

唔...其實我意思係, 你自己唔好太憂慮, 小朋友會感受到. 心理準備係要做, 不過唔好過多咁解. 否則最壞情況連校服都唔想著上身又係好煩架.

[ 本帖最後由 w_y 於 11-6-24 09:56 編輯 ]

w_y

講開....我女升小一, 幼稚園係會有些圖書, 講下小學情況, 佢地有些工作紙, 會叫小朋友試下寫校名, 畫新校. 雖然N1尚小, 但都可以因應程度做些少野. 總之就要氣氛輕鬆.

其實相比之下, 升小一壓力肯定大過N1升K1. 幼稚園一般唔ASSUME 你讀過N1 至入學, 所以開始時都係幫助佢地適應為主, 你唔使太担心的.

w_y

坐校車的學生, 真係識好多同校生, 每日仲有咁長時間傾閒計, 學講野都叻D, 社交能力又好D. 我後來至知呢個係意外收穫.