下午校, 已經有正式分班名單, 快d睇下啦!

yiu_mimi

原帖由 PizzaWong 於 09-8-29 12:11 發表

我女返/放學搭校車.......家住黃大仙
來日方長,見面總有機會呢

你哋就好啦, 同學仔可以互相報料, 我女 1C 班, 返學/放學都搭校車, 住土瓜灣 11:40 上車, 6:30 落車, 其實會唔會太早上車呢?

yiu_mimi

原帖由 IYYY 於 09-9-1 16:26 發表


唔同班都可以互相報料架^.^可能出年二年班會同班呢!

11:40都唔算太早啦, 我仔要11:10上車呀, 餐飯都未食完, 所以我唯有自己送返學, 放學就坐褓姆車, 6:45落車. ...

好呀, 互相報料啦, 11:10 又真係太早, 媽媽送返學都唔錯吖!

今日打算上學校 website 睇吓會唔會有新相, 點知上唔到喎, 你哋上唔上到呀?

yiu_mimi

原帖由 IYYY 於 09-9-2 00:40 發表


我都上唔到, 聽朝再試
阿仔話今日影左班相, 仲話影得好得意, 一張正經d, 一張要兩隻手遞起做勝利手勝&大笑, 聽落又幾生鬼有趣

又幾得意喎, 等我今晚問吓亞女先, thanks

yiu_mimi

原帖由 PizzaWong 於 09-9-2 12:22 發表
唉
阿女1/9發燒無返學,在家休息,無得影
原本31/8仲開開心心迎接新學年,可能開心過頭,半夜微燒
今日2/9退咗,終於上學去....
我WTS 校車11:45上車
放學6:55先返到....
咁C近都坐1個鐘:bashfu ...

女女無事可以返學就好喇! 係喎 WTS 應該好近喎, 都要一個鐘先到??!!

yiu_mimi

原帖由 IYYY 於 09-9-3 00:01 發表
另外, 想問下你地:
老師曾經講過預備一個食物袋比小朋友放水、茶點、圖書....etc, 方便帶落操場小息.
咁你地會 --> 背一個書包再拎一個食物袋返學 or 全部放晒入書包, 到放小息等佢自己遂樣執落食物袋呢?

其實食物 ...

你好細心啊, 小小的細節也想得很周到, 可不可以將食物放入食物袋內再放入書包裡? 等小息時, 小朋友拿出食物袋再放入水樽, 圖書等落操場小息? 總覺得返學時背著書包, 手又拿多個袋, 好似好 "論盡"咁.

得15分鐘小息都唔知可以做到幾多嘢...

琴晚同阿女執書包, 今日中, 英, 數, 常, 音 都有堂, 執哂d 書同作業, 個書包好重啊!!

yiu_mimi

原帖由 woodbaby 於 09-9-3 22:07 發表
囝囝用斜孭袋做食物袋,双手做甚麼也可以,十分方便,囝囝十分滿意,可以考慮吓.

Good idea, 唔該哂

yiu_mimi

原帖由 IYYY 於 09-9-4 00:27 發表


我仔都係叫晒救命話好重, 我咪話遲d加埋功課仲重呀, 小學生, 大個仔, 係時候鍛練下喇:;pppp:

都要慢慢適應, 大個仔 / 大個女, 要靠自己喇

yiu_mimi

原帖由 PizzaWong 於 09-9-5 13:12 發表
好開心呀,終於同校車爭取到,改搭另一條綫,6:10pm返到屋企啦

6:10pm 好好多!!

yiu_mimi

原帖由 IYYY 於 09-9-5 01:25 發表
學校網頁內已有班相睇喇, 快d去睇下啦

睇左喇! d 相影得唔錯喎, 個個小朋友都開心!!!

yiu_mimi

原帖由 IYYY 於 09-9-8 15:54 發表
好擔心!!學校已經有3個確診H1N1, 今日送返學, 所有學生及老師都要帶口罩.
希望大家都無事, 開開心心上學去!

唉, 琴晚睇通告都嚇左一跳, 真係要提住小朋友勤洗手同埋小心d~~

你哋會唔會經學校訂 "一年級補充練習" 同埋 "課堂中文,英語,數學提升課程" 呀? 每樣都3百幾, 又唔知阿女有無時間做咁多 exercise??

以我所知有中文8寶箱, 英文8寶箱, 但係   "課堂中文,英語,數學提升課程" 就無聽過, 唔知係咩嚟???

yiu_mimi

原帖由 orassa 於 09-9-9 15:17 發表
我住樂富，可以親自接送，比較方便。

另外，上午班家長報料，下午校已收到政府信，明年三月底交樓。但上午校校長話：交樓後，起碼要一、兩個月內部裝修、搬運傢俬、安裝電腦等，可能要五、六月才可以搬新校舍。但，到時，碰巧考試季節，如 ...

你住樂富真係好, 返學, 去街都好方便!

我諗都係疊埋心水要讀一年下午校, 二年級才好遷往新校舍讀小二 lu!

yiu_mimi

原帖由 PizzaWong 於 09-9-9 20:40 發表

係呀,所以有病or無病最好戴口罩,大家都安心

日日簽通告簽到暈....好多嘢要交

我訂咗呀....肯定陸續有來

今日好開心呀,芷甄話做班長呀 ...

我就係怕訂咁多做唔哂!!!

芷甄做班長好叻女喎!

yiu_mimi

原帖由 orassa 於 09-9-9 22:52 發表
芷甄好叻女呀。

HIHI 你哋既小朋友有無參加學校的課外活動呀

yiu_mimi

原帖由 IYYY 於 09-9-10 16:29 發表


有部份課外活動要上午回校上, 時間好難安排, 盡量選星期六, 其餘嘅唯有等小二轉全日制先啦!

我都係咁話,  d 時間好難就, 星期6就係出面學嘢, d 時間好難夾. 等佢出年適應左先再報啦!

今日收到校車EE 通知, 星期6長週要6:40上校車, 又要梳洗, 又要食早餐, 睇怕 6點要起身, E+ 佢朝朝都瞓到9點幾, 星期6真係一大挑戰

yiu_mimi

原帖由 IYYY 於 09-9-11 01:52 發表
我地星期六都會坐埋保母車返學, 要6:20上車呀!
預計最遲要5:30起身, 慘慘慘

我真係好唔明點解星期6要咁早返學??

yiu_mimi

原帖由 PizzaWong 於 09-9-12 20:59 發表
容媽:好高興認識你呀
今日工作坊辛苦哂各mami,一定好 ,難為了我C6返完夜未瞓又走去學校,我自己就係屋企
顥然媽:阿女話自從班主任鄭重聲明後,顥然只係轉堂去咗一次咋,我估佢 ...

你哋有無去工作坊呀? 星期6工作坊真係學到嘢! 不過我就只係見到一個 1C 班家長咋.

我已經叫左阿女問幾個friend 既同學拎電話號碼, 必要時問功課!

就嚟有默書喇, 樂瑤 kinder 唔需要默書的, 請問你哋有無咩方法幫小朋友串字呢?

yiu_mimi

原帖由 orassa 於 09-9-13 00:05 發表
各位媽咪，

我在 Facebook 開了一個群組，歡迎到此留言。

http://www.facebook.com/home.php?ref=home#/group.php?gid=146742905616&ref=mf

Orassa
顥然媽

Thanks 顥然媽 ,  等我都快 d 幫 樂瑤開番個 facebook a/c 先

yiu_mimi

原帖由 fionayeung 於 09-9-14 19:27 發表
今日我5:00到學校接小朋友, 所有學生在班房等接, 自接既家長要在點名紙上簽名才叫咪叫小朋友落來禮堂接走, 而校車都係抵步既會叫校車號碼既小朋友下來點名上校車, 秩序及安排都很好.

另外, 我個仔話係課室等接時,  ...

係呀, 我C6琴日放工就去接女放學, C6 仲話校長係門口同佢哋 say goodbye 添, 阿女都話無上堂, 係學校睇電視, 呢個安排都唔錯吖, d 小朋友睇住電視無咁緊張嘛:loveliness:

yiu_mimi

原帖由 PizzaWong 於 09-9-14 16:54 發表
8號風球啦,阿女要坐校車,要照留係學校,按時回家
學校唔知會唔會混亂呢mouth:" />

其實坐校車返屋企都唔錯, 我諗如果係學校接, 又要帶住佢去巴士站搭車, 如果落大雨加埋要等車都幾 "論盡"

yiu_mimi

原帖由 fionayeung 於 09-9-14 19:27 發表
今日我5:00到學校接小朋友, 所有學生在班房等接, 自接既家長要在點名紙上簽名才叫咪叫小朋友落來禮堂接走, 而校車都係抵步既會叫校車號碼既小朋友下來點名上校車, 秩序及安排都很好.

另外, 我個仔話係課室等接時,  ...

Hi Fiona, 你小朋友讀那一班? 我女樂瑤讀1C.