根德園定york好呢?

cookiegg

我個仔今年O係KV讀K1,其實果時我就O係學之園,施德福同KV揀.

我就咁睇囉:都明白揀KV可能無咁多活動,功課壓力可能大D,不過如果O係香港讀既,遲D都一定要面對,所以我最終想比佢試下,若果佢讀唔上,追得好辛苦,到時咪轉校囉,我諗轉去第二間一定會易過由第二間轉返入去.

佢宜家返左學幾個月,都好開心,每晚臨瞓前都話我要返學,我要上堂,而我好佩服D老師,佢地真係TRAIN到D小朋友獨立D,佢成日同我講:'我大個仔喇,要自己試下',我真係好多謝D老師.尋日送我個仔返學後,跟住o係窗門望入去,老師一同小朋友講:'聽到鐘聲o向,即係夠鐘喇,要點做呀?'跟住佢地個個即刻坐好晒,然之後個個'僕'o係張枱度,真係好神奇,所以我好放心比個仔o係度讀書.

雖然我唔知道當初若果揀第2間會唔會仲開心d,不過到現時為止我都無覺得自己揀錯.

[ 本帖最後由 cookiegg 於 08-12-10 17:52 編輯 ]