2次呈分屬33%,有接龍學校,仲脫唔脫龍好呢?

雲妮彭

元朗區校網,剛知道呈分成績屬33%,有BAND 1尾, BAND 2頭中文接龍中學收,但囡想脫龍....我就好忐忑不安,唔知脫唔脫好.如果脫,想揀元朗BAND 1尾英中 (例如白約翰, 基元...)...唔會搏頭3大...
一條龍校風不差,但就中文中學..入U率只有30零%.....

大家俾D意見,值唔值得脫龍好嗎?

謝謝!

雲妮彭

hkpapa852 發表於 16-11-1 17:28
如果係接龍津校，選咗報自行或者報考任何直資，就等於放棄直上龍中。

另外，Banding比例間間學校唔同，唔 ...

本來我地一直都諗住直升龍校,只要係33%內就可以任揀其中一間(有兩間,一間B1尾,B2頭,另一間就唔太好),
所以禽日知道成績係33%內,囡突然提出想脫龍揀間更好的...
但..我知道,佢唔係B1 TOP,成績好可能只係35名左右...所以...問左老師,再思考過,都係決定接龍了!

今日已經幫佢填左志願表接龍!

雲妮彭

little_yolky 發表於 16-11-2 09:38
吓? 咁咪無得搏?

我地學校係升中簡介會已經講左,如果揀直資又好,私校又好..總之有去報考其他學校,就算最後唔收,
都唔可以再返轉頭接龍呀....所以..最後我地無搏....

雲妮彭

sammag 發表於 16-11-2 11:49
哩點都係我當初唔揀哩間小學既原因

揀接龍學校有好有唔好,如果小朋友係主動型,對自己有要求既,唔使接龍都得,但我小朋友比較被動,到時唔知佢成績點,有龍校就有個BACK UP...

雲妮彭

mcl203 發表於 16-11-2 11:51
呢D講法係不少有直屬中學都會咁講~~~

既然已作出決擇，就順其自然，間間好學校都有能力出好學生，仲想摶一 ...

我填完接龍通告,即刻放鬆晒!一條心~

我地個間係接龍津校小學,依家升個間中學其實不過不失,屬BAND 2頭,校風OK...入到英文班就更好!
我成日覺得係普通學校名列前茅,好過勉強去名校考包尾....無晒自信!

雲妮彭

hkpapa852 發表於 16-11-2 12:12
邊個話你知其中有間有B2A-B1水平?
坦白講，個兩間中學頂多只有B2中既水平
...

哈哈~我係睇網上資料排名參考架咋..
你知邊間中學嗎?

不過我個區真係無咩"好"學校呀! 我係天水圍!!

雲妮彭

hkpapa852 發表於 16-11-2 12:28
元朗區既一條龍津校無人乜幾多間，仲要係有兩間龍中，只有兩間舊生會

係!!你好厲害!

想請問,你對伊中中有咩評價呀?
想聽下你意見!!唔該你先!

雲妮彭

bobo98 發表於 16-11-2 13:08
不過我個區真係無咩"好"學校呀! 我係天水圍!!

天水圍信義咪係band1英中囉！

係,只有呢間津中...不過太催谷了,我唔會考慮報呀!!

雲妮彭

hkpapa852 發表於 16-11-2 15:27
以成績計,

基元, 基朗, 羅桂祥甚至天水圍官立都還要比佢好.....

唉~其實我禽日想脫龍時想到既就係呢一批學校!!

但..我又擔心統一派位機制下會有意外發生,而自己又控制唔到唔敢搏...
所以,都係揀左入龍!!

雲妮彭

hkpapa852 發表於 16-11-2 16:07
如果你女兒係B1, 放我講個堆學校係乙部頭3, 基本上必入其中一間.

如果係B2, 放天官, 羅桂祥係乙1同乙2, 再 ...

多謝你既分析!

不過今朝已經簽左接龍通告了!聽日係最後交通告...

唯有順其自然,如果佢有心讀既,普通學校都會有出色...

雲妮彭

王家爸爸 發表於 16-11-2 16:18
如果係講緊伍冕端小學，其實頭三分一未必係B1，所以如果只係33%前後，揀返翁祐中學（如果收既話），可能更 ...

翁佑呢幾年都幾出名,如果升佢都唔錯.
不過我囡讀緊舊生會分校,所以接龍係中中及湯中..

雖然佢係33%,但我覺得佢未必係B1,最多係B1尾或B2頭..
所以最後決定揀接龍伊中中...希望無揀錯吧!!

雲妮彭

王家爸爸 發表於 16-11-2 16:28
雖然學校無嘜講升中情況，但係我估舊生會小學既B1比例應該無伍冕端小學咁好，所以更加唔可以太進取。 ...

都係! 我都係比較穩妥既人,唔太鍾意冒險!

父母比較了解自己小朋友,知道佢底子有幾多,
性格又如何...因為諗到囡比較文靜內向,升中一又係青春反叛期,
揀返佢比較熟悉既環境讀書會比較容易適應! 到時面對既衝擊就可以減少..

雲妮彭

hkpapa852 發表於 16-11-2 16:41
其實就算簽咗直升, 你照樣可以再參加番派位, 無問題. 最緊要自己諗清楚.

至於翁佑..... 多數科目既成績還 ...

再次多謝你既意見!

但我簽左接龍通告,學校應該唔會再派升中派位表俾我喎...
除非我要求話想脫龍,係咪甘架?

坦白,我對本區既學校所知好皮毛...真係唔太識揀...

雲妮彭

hkpapa852 發表於 16-11-2 16:49
如果係舊生會 Top 35%內, 斷估差極都係B2A, 咁值得搏間好D既學校

多謝你既資料!

前兩間一路升緊,反而中中一路跌........唉!!!

雲妮彭

sammag 發表於 16-11-2 17:55
可唔可以打電話比老師改?

唔~我都唔知得唔得,不過如果33%之內既已交接龍確認通告,原則上係唔可以做"叛徒"了!

多謝你地甘多寶貴既意見呀....不過我覺得既然已經決定接龍了,就讀吧..如果阿囡真係有出色,
就算普通既學校都會有發揮.........只要佢讀得開心! 佢依家讀小學,好開心,唔想放假,本來好內向既性格,依家都成為田陘隊員,仲有D獎牌仔拎下,呢D對佢建立自信好有幫助.......我已經好安慰了!

接龍係因為想佢係熟悉既環境下容易適應,開學就可以短時間投入學習和參與活動...唔使花時間去調整情緒...至於學術上,我又無放係考慮既首位..

我第一次係呢到開POST,發覺好多家長好有心,好有見地...係到問野,真係獲益良多...

多謝你地呀! 大家加油!

雲妮彭

sammag 發表於 16-11-3 09:46
某程度上我係羨慕你咁快有到決定，
同埋對阿女揀學校既方向好清晰好堅定，
我仍然在大海中尋找緊目標。

你小朋友依家小五定小六呀? 只要你將重心放對了,就可以好快做決定的!

本來,我個囡既成續不嬲都係中游份子,全班都係10名上下邊緣,中間位.一開始已經以入龍校為目標.
佢呈分第一次係34%,都好忐忑佢入唔到龍校,點知前日知道成績進到33%內,而佢又好少有地想脫龍,
佢突然甘有大志,我就有D亂,所以出POST問下...之後我馬上打俾老師傾,又問下己經升中既朋友,最後都係同囡解釋,接龍比較穩妥!目標係入龍校英文班,係龍校名列前茅,都已經好夠啦...至於龍校入U率低.....唔~到時再算吧..入U係過程,唔係全部既目的...見步行步吧!

我見有家長好困擾,好努力,入小一已經要報廿幾間.......心理壓力好大呀....我頂唔住呢種壓力!我報小一只以一兩間為目標,入中學都係......好感恩,目前為止都好順利!  我仲有個細仔讀緊小二....立場都會好似大囡甘行了...

你地都加油! 早日確定目標,唔再迷網!

雲妮彭

小巫女女 發表於 16-11-4 17:46
唉~我女果間又係龍校，下星期一前要交意願表，我都十五十六呀！佢成績其實一直都係中游，但兩次呈分試又唔 ...

甘你係咪一直想升返龍校架? 如果係,我覺得你就要考慮清楚係咪值得脫龍了!
我想深一層,我地其實應該要以6年平時既表現為準則,自己最了解小朋友既實力,佢究竟適合邊類型既學校..
當然,呈分成績唔錯係可以進取D,但我整體覺得阿囡唔係太適合催谷型既學校,所以最後都係揀入龍!