有冇油尖旺, 深水步既媽咪一齊傾下

fjbaby

Hi,

我仔仔3歲2個月, 都係自閉傾向, 返緊i位, 佢社交都差. 我而家搵緊星期六d興趣/遊戲社交小組比佢, 增加佢同其他小朋友玩既機會, 好高興認識係你

原帖由 January 於 08-12-22 19:03 發表
我囝囝剛好三歲, 8月時cac話佢有自閉傾向. 佢社交比較差, 吾係好識同其他小朋友一齊玩, 幾內向. 一直都好想同佢結交差吾多年紀既朋友仔, 但無耐自己朋友, 親戚又冇. 囝囝雖然已經返緊學, 但同學仔都好忙. 試過約佢地 ...

fjbaby

我仔仔之前一期都係協康返小跳豆,而家轉左另一組小咀巴friend club, 至於steps既3t, 我十一月開始無比佢再上.

我住荔枝角區, 仔仔因為平時返全日, 我諗都要係星期六日至得閒出黎玩下.

原帖由 January 於 08-12-23 18:16 發表
Hi fjbaby,

我都好高興認識你. 亦好開心有人回覆.
其實我囝囝都返緊d小組. 不過我想係小組之外再可以認識下d朋友仔, 增加多d機會一齊玩, 交流下. 因為一般情況之下, 上堂都只係完左就各自散. 小朋友好少機會可以一 ...

fjbaby

咁arm, 我都係基督徒, 係初信.

我而家係星期日都有比我仔仔返主日學, 我自己就上成人主日學.

原帖由 January 於 08-12-23 22:41 發表
Hi 12312,
你好呀. 你囝囝六歲, 出年上小學喇?
讀經班, 係吾係係教會返架?
我都係基督徒. 但我只係星期日先帶囝囝返教會.

fjbaby

January,

你係米返恩福堂 ?我初時都想返呢間, 但同樣有你既想法, 怕仔仔影響到人, 增加主日學老師既負擔, 都諗左一排. 後來我有個朋友, 佢仔仔都係自閉症, 同佢做家居訓練的PST在另一教會亦是兒童主日學啟蒙班既老師, 我見佢仔仔都返到教會, 可能老師有同我地呢d 小朋友做開training 既經驗, 於是冒昧叫我朋友請求果位PST, 問可否讓我仔仔返主日學, 佢之後同我了解我仔仔d情況, 評估返佢地果班老師(工作人員)既應付能力 (因果班連同我仔仔已有三個自閉症小朋友), 最後都比我仔仔返了, 而我就順利成張返埋呢間教會. 好感恩我仔仔係教會好聽老師話, 比我想像中好好多, 因我怕仔仔麻煩到人, 此終老師都要兼顧其他小朋友.

我諗我仔仔應該曾經同你仔仔係協康係同班同學, steps就唔知, 因有三班, 可能我地係接送放學見過面都未定!

原帖由 January 於 08-12-25 12:14 發表
Hi fjbaby,
真係好q喎, 我教會係荔枝角. 我未帶囝囝返主日學, 因為囝囝未跟到大隊.  我有小小怕會影響到其他人. 而且我教會係大教會, 返主日學好似返學咁, 放學d小朋友就趕住走, 都冇機會一齊玩下, 家長一齊傾下.... ...

fjbaby

January,

我返窩褔係旺角既第五堂. 分堂人數唔係好多. 果度兒童主日學有啟蒙班及幼稚園班.   

看了歷奇村既 website, 好似唔錯wo!

原帖由 January 於 08-12-26 09:18 發表
fjbaby,

係呀, 我返緊恩福, 都返左好多年. 未有囝囝之前都係活躍份子. 哈哈. 因為我係小組入第一個生小朋友, 所以其他組員既小朋友而家都只係BB, 有D仲吾生. 所以係小組入面都冇呢一方面既支持. 教會太大, 有時都感 ...

fjbaby

我聽日問下先.

原帖由 January 於 08-12-27 10:18 發表
fjbaby,
哦, 原來係窩褔堂. 我會下星期去, 咁囝囝係吾係直接帶過去主日學果邊?

fjbaby

恩恩daddy,

很高興認識你!

你可以看:
http://www.whc.org.hk/displayContent.aspx?contentID=318&currCharSet=big5


我及仔仔返緊窩褔第五堂優才志潔於9:30-10:45既成人 / 兒童主日學.

原帖由 恩恩daddy 於 08-12-27 11:50 發表
Hi fjbaby / January,

咁arm, 我仔仔3歲, 都係自閉傾向, 都係住荔枝角區, 都係基督徒.
我仔仔未返主日學, 因為怕會影響到其他人, 請問窩褔堂係邊?
我仔仔返緊Step. 佢同大人社交OK, 但佢同小朋友社交比較差.
好高興 ...

fjbaby

我今日一早同個仔去左海洋公園玩呀, 阿仔玩得幾開心, 都玩到5點先走. 阿仔雖然間中有d扭計, 但都比上次十月去迪士尼進步左, 上次去迪士尼玩左唔夠兩個鐘, 佢就勁喊, 猛話要走.

今日真係好疲倦, 因阿仔去到陌生地方, 有時會驚, 之後唔肯落地行, 坐bb車都唔肯, 一味話要媽媽抱. 抱到我手軟.
想問下你地既小朋友有無呢d情況?

fjbaby

我今日都買左annual pass, 好抵, 有85折.

大棠荔枝山莊除了繩網, 仲有無其他遊樂設施如彈床, 滑梯?

fjbaby

我仔仔果班原則上係for1.5-3歲, 但我地d小朋友需多d 人看住, 同埋想比佢投入下先, 唔想一下子課程太深, 所以佢暫時讀啟蒙班, 佢地去到會先玩玩具, 之後有讀經講故事, 手工藝, 茶點時間, 唱歌, 完左係即刻走. 除頭幾堂外, 家長係唔需要陪同, 但佢地隔一段時間有家長會, 係放學後比家長黎交流.

等我搵日入大棠玩先!

原帖由 January 於 08-12-28 08:17 發表
Hi fjbaby,
我想多問一下主日學小朋友係做d咩? 完左係吾係即刻走, 家長同小朋友有冇得交流下?
我有個舊同事, 佢教會既兒童主日學係先兒童崇拜, 再按年紀分組, 之後有茶點時間比d家長傾下計小朋友玩下先走. 我幾鐘意 ...

fjbaby

January,

問了負責帶領的啟蒙班老師, 他們十分歡迎你們來參觀, 要先接觸老師看看有沒有位入讀主日學, 啟蒙班暫時可能要waiting, 而且以現時人手再收我地呢類小朋友係有困難. 但佢都好熱心, 問我你仔仔現時既情況, 佢叫你來參觀下. 我建議你先帶仔仔去見下, 看看這裡既主日學係唔係你地想要果種, arm米報名排隊先, 而且診呢果機會亦可比佢以PST既經驗, 約略了解到你仔仔易唔易handle到,  如果係易handle或有人升班或增加左人手(純粹我自己諗), 話唔定排到後補.

如你仔仔係好定既同埋能力較高, 你亦可在當日向幼稚園班既負責老師直接查詢有無位, 因啟蒙及幼稚園班是不同老師負責的. 但果位PST就完全無負責幼稚園班啦, 希望以上資料幫到你啦!

另外, 我見窩福好似有攪兒童awana club, 但就唔知詳情係點.

[ 本帖最後由 fjbaby 於 08-12-28 15:23 編輯 ]

fjbaby

January,

我入左你果blog睇呀, 我同仔仔去上小跳豆時見過你仔仔啦! 另係steps應該見過你.

你果blog記錄記錄左好多野wo! 要唔要花好多時間寫同整理?　我都唔識整blog，難唔難家?

fjbaby

你可以在課室內參觀下, 傾談下先, 因頭十幾分鐘都係玩玩具, 我有時都陪仔仔一陣或同老師傾下先離開.如果唔係小朋友可能要跟大人一齊崇拜.

我仔仔都好聽miss ho同ko姐姐話, 所以轉班都搵返miss ho有份教既小咀巴 friend club.呢班仲有一位st  一齊教, 內容主要係 社交同溝通, 成日要小朋友兩個partner一起玩遊戲e.g 一人一邊擰住呼拉圈扮司機乘客坐車, 同互相問答, 我仔仔係最細, 仲未識問問題, 通常都係答問題, 上次萬聖節就要小朋友搵其他小朋友劃花面, 我仔仔唔鐘意人地攪佢塊面,  其他小朋友知道個個都話要劃佢塊面, 結果我仔仔只肯比miss ho同ko姐姐幫佢劃, 我平日都係返工, 要靠工人姐姐話番比我聽教d mug. 我仔仔暫時上堂都唔係好pick up到, 但係就有機會比佢同其他小朋友互動玩下.

fjbaby

係啦, d時間唔係好夾, 我而家都係同學校申請晏d返學先上到協康. 我仔仔係tokwawan保護兒童會既幼稚園讀i 位, 我仔仔因為要在外training有時要晏返或早退, 佢學校都尚算配合. 係呢, 你仔仔係邊間讀?

我上次申請海洋公園年証時佢送左張兔免費門票, 我諗住兩個星期後再去玩.

原帖由 January 於 08-12-29 21:21 發表
Hi fjbaby,
我都想返協康其他組, 不過時間都吾係咁夾.
而家3t都係咁上下, 要佢地同小朋友一齊玩層疊疊, 掉手巾, 聽到音樂就起身等既遊戲, 有時佢地仲會同d大少少既分組一齊玩, 等d大既帶動下d細既. 我覺得都ok. 因 ...

fjbaby

咁你仔仔今年係米讀N1, 我仔仔由於兼收老師係入學前評估佢情況, 最後要佢重讀N1, 佢之前係另一間已讀左大半年N1. 不過都好, 等佢打好根基, 呢間幼稚園係第三志願, 返學都遠, 但好明顯佢返左呢間係進步好多, 特別係語言和自理能力方面, 都很感恩.
佢而家在學校一個月有3堂各30分鐘既st訓練, 至於ot方面, 社署派黎果ot話佢無大問題,我自己就覺得佢有少少觸角敏感同埋專注力較弱, 想搵一d有感統原素既course比佢.

迪士尼我暫時唔諗住去, 因唔係好多嘢玩, 同埋要排長龍, 我果仔耐性係好差. 長隆動物園就未去過.

溜冰我諗對我仔黎講係高難度動作, 佢平時行路有時都會跌倒, mug咁細年齡可以學溜冰?

原帖由 January 於 08-12-30 14:57 發表
Hi fjbaby,
係呀, 我都係呀, 之前小跳豆四點鐘, 阿囝一訓醒覺就要放學去太子上堂. 都好趕架. 來緊改左四點半就真係好好多. 佢又要出去上ot, 有時又要去醫院做物理冶療呀, 成日都好多遲到早退. 哈哈, 好采學校都好配 ...

fjbaby

January,

原來你仔仔讀k1, 咁你仔仔都算叻囉!
mug私人st都有review形式, 因好多都要求一星期上課一次, 我仔仔11月開始在耀能都有上st, 一上就要9堂, 今個星期尾堂啦, 我覺得個st經驗淺, 唔係好handle到仔仔,  周埋佢教d野大部分同學校果st重覆，所以唔打算繼續,　不過我都排緊協康同保良局，我諗佢地經驗會好d同專業d.

係呢，你仔仔係邊度做ot同物理冶療?

去長隆動物園係唔係join旅行團？

唔知links既口碑如何，anyway, 多謝你既資料！

原帖由 January 於 08-12-31 13:37 發表
Hi fjbaby,
我囝囝讀k1, 之前我都好想比佢重讀n1, 但同老師校長傾過都係比佢試下升左班先, 因為佢只係社交同語言, 其他認知都學習都跟到. 上左k1之後, 都睇到佢進步, 都有問老師好吾好重讀k1, 但老師話言之尚早, 見 ...

fjbaby

January,

Please check pm

原帖由 January 於 09-1-2 21:43 發表
hi fjbaby,
請check pm.
吾係呀, 我上次去長隆係買package咋.

fjbaby

都好wo!    

原帖由 January 於 09-1-5 18:51 發表
吾知有冇小朋友有興趣group社交班? 係太子, 如果有幾個小朋友, 我就問下我st開吾開班.

fjbaby

Sze0830,

3個月就有咁大既進步, 你仔仔好叻呀! 我仔仔之係steps上左星期六小組半年(4個月幼兒導師訓練, 2個月3t訓練), 11開始因要做st個人訓練, 所以無join啦.

原帖由 sze0830 於 09-1-6 10:12 發表
January :

我地今年9月才知道個仔有問題  ....
之後問左好多人及搵左好多其他學校 .....
最後搵到STEPS .... 咁o岩有位我地就即刻報名 ....
依家返左差唔多3個月學 ...  由佢只講單字到依家講下d句子....佢依家 ...

fjbaby

i位同s位各有長短, 我諗最重要係睇我地既小朋友既能力去到邊, 佢最需要係咩, 比一個適切同埋開心既環境比佢學習同社交, 當然遇到一間好學校同老師/治療師都係要講彩數, 所以唔好抱太大期望佢地會完全幫到我地d小朋友, 反而家長先至係自己寶寶真正既st/ot/pt,  在私人訓練中盡量學習所有既訓練技巧方法,回家自己做家居訓練, 家長既努力耕耘, 就係小朋友既進步.