有發展遲緩小朋友在馬鞍山上幼稚園嗎,有好介紹嗎?

MARSTEN

小兒今年repeat k2,家住MOS,請問有邊間全日幼稚園在馬鞍山又有愛心又可以包容發展遲緩小朋友呢?,不是讀i位,讀普通位的,多謝幫忙

MARSTEN

我真係唔覺得佢地有愛心,因為我仔仔番第一日佢地已經叫我搵定學校,話無人手去睇我仔仔,我仔仔而家去左同區另一間有i位既讀普通位,2個多月已經進步左好多

原帖由 媽咪保保 於 08-10-27 12:56 發表
基督教信義會頌安幼兒學校, 裡面啲老師好有愛心, 佢本身都有設i位, 所以會較好

MARSTEN

仔仔而家係同區另一間幼稚園讀k2,因為佢之前讀過一年k2,所以學術方面無問題,只係佢當初自理同專注力唔惦,而且寫唔到字,所以先俾佢repeat,而家自理番左兩個多月已經好ok,穿外套,穿鞋,穿襪都可以自己黎,擦牙吐水都學識左,因為日日都有大肌肉運動,所以都有力左好多,只係老師話佢有時專注力弱,會攪下班房既野,同唔係好識同小朋友相處,所以呢幾點係老師比較關心既,同小朋友玩果方面,因為佢讀全日,成日係學校,的平日都無咩時候俾佢去公園,所以都唔知點train佢呢樣野好,不過我見佢班既小朋友對佢好好,成日拖住佢帶佢做野,又會好nice咁叫佢個名,仔仔而家都有少少主動去叫其他小朋友既名,派番學校既相番黎佢都叫得出所有小朋友既名,我覺得已經進步左好多,而且佢又可以係格入面寫簡單既字: "L" "T" "一" "十" "土",所以我都唔會迫佢咁多,train佢寫字都會有,寫得靚就請佢吸印仔,如果佢唔想寫就停止唔好迫佢,費時嚇親佢反感重煩,希望佢繼續有進步,升上k3都無咁驚

原帖由 someoneelse 於 08-10-25 01:11 發表
Marsten,
你知嘛，我剛先收到你8月時send比我個pm...anyway,你囝依家讀成點呀？可唔可以分享一下...我都幫我囝搵緊學校...thanks.