全英教學既小學...係咪真係啱小朋友?

Small_Cloud

我覺得好睇個小朋友, 每年出產既狀元尖子, 好多出身草根家庭, 父母學識唔高又忙於揾錢, 但佢哋一樣可以考得好好. 當然, 如果屋企可以配合, 係好事, 但唔係必要.  我個仔好鍾意英文而抗拒中文, 睇卡通要睇英文, 有時明明有字幕都要cut 咗佢, 好多時返黎同我講英文, 我真係唔多明, 我會叫佢講番中文, 但我會同佢講因為以前媽咪唔鍾意讀書, 所以好多嘢都唔識, 叫佢要自己努力, 因為宜家d課程真係深過我哋以前好多, 黎緊我教唔到佢, 叫佢唔識問老師 ^^

Small_Cloud

marrowcream,

我絕對同意, 因為自己英文唔好(喺公司成日覺得比人差), 所以由細都著重阿仔英文而忽略咗中文, 上咗小學先知大件事, 佢中文比人差好多, 默書還可以, 到考試d閱讀理解就c得, 所以中文係佢最弱既一科.  仲有, 其實我以前讀書真係掹車邊 (我老公比我仲差), 又唔駛學普通話, 所以宜家讀書真係幫唔到佢幾多 =_=”

Small_Cloud

silvia_ng,

我覺得阿仔現時既英文水平應該高過我, 起碼詞彙方面係囉, 好多字佢識解而我就見都未見過.  有時佢唔識問我, 我都老實咁話佢知我都唔知, 然後一齊查字典, 一齊學囉, 不過我好快就唔記得.

另外, 我有朋友對孖女就讀中小, 學校有附屬英中, 今年升中一, 佢哋話小六下學期時開始轉學英數, 等佢哋早d適應中一課程, 但對孖女都話有d吃力, 因為特然間好多科都由中轉英.

Small_Cloud

我就同阿仔講中, 英, 普都咁重要, 但既然佢鍾意英文, 基本上好多科都自動波唔駛點理, 係中文方面要我”哦”佢努力d囉 ^^