有否認識G.T 中學之家長

dabbycheung

原帖由 ytpeople 於 08-10-7 14:28 發表
hilarywdv ，
我曾在'yahoo知識+'看到有人話呢間學校的老師流失率高，請問你知不知道實情呢？謝謝！ ...

我個仔響優才讀緊G10(F4), 老師流失率一D都唔高仲好穩定！

dabbycheung

原帖由 hilarywdv 於 08-10-6 20:09 發表
此校是否只收資優生呢?  如果不是又可否apply呢??
謝謝!  

我個仔都唔係資優生，只要成績屬Band 1便可申請。

dabbycheung

原帖由 hilarywdv 於 08-10-8 11:37 發表
Hi, dabbycheung

你仔仔是由小學升上中, 還是插班的呢??

我個仔係考入去既(F.1)

dabbycheung

原帖由 hilarywdv 於 08-10-8 11:51 發表
hi,dabbycheung

GT 的 F.1收生是否只得一次?  還是分幾輪?  謝謝!

總共會有兩次，放榜後會有另一輪招生。

dabbycheung

原帖由 ytpeople 於 08-10-8 13:02 發表
優才中學之家長：
可否分享下這學校的好與不好？

好：
1) 小班教學 (一班大既25人倒)
2) 有機會由外籍老師做班主任
3) 下午為另類課程
4) 校風好
5) 學生英語水平高，數學科成績亦佳
6) 師資好
7) 每年有幾次機會被學校選中，去外國做交流生
8) 少功課，少測驗，少考試

唔好：
1) 逢長假期要返學校補課
2) 各級學生每年必定要考一，兩個越級公開試
3) 暫時未有中學部獨立校舍

dabbycheung

原帖由 mayc 於 08-10-8 14:50 發表
請問每年會有多少優才小學的學生升上中學,對外的學位有多少!

小六學生人數總共有24X4=96人，估計約有80%學生會選擇直升中學部，即大既76人。

中學部每級學生人數約27X4=108，所以估計對外收生大既30-50人。(只係我估)

dabbycheung

1.這學校做班主任的外籍老師識唔識講廣東話ga？唔識

2.放長假，是否所有同學也要補課？係

3.「各級學生每年必定要考一至兩次越級公開試」，請問是哪些公開試？G7- Pet, G8 - IGCSE English , G9 - IGCSE Maths, Bio, G10- HKCE 中文, Chemistry (理科), 中史(文科)

4.這學校除了學費，還有甚麼費用要交？學費已包雜費

5.「中學沒有獨立樣校舍」，咁上課時，會唔會比小學生的聲浪騷擾？唔會，因中小學部係完全分開，校舍下層屬小學部，上層屬中學部。況且長遠計，小學部只有G4-G6 Total 只有288人，(而G1-G3會響另一校舍上堂)，因為學生人數少，所以發出既聲浪亦相對少。

此外，以下公開試成績可供參考：
明報專訊】優才書院120多名中二及中三學生，上學年挑戰中五程度的國際普通中學教育文憑試（IGCSE）報捷。中二生應考的英文科有87%及格率，其中四成獲優異成績（A*至C級）。中三生應考的數學科全部及格，逾九成獲優異成績，生物科則有三分之二學生及格。

dabbycheung

原帖由 hilarywdv 於 08-10-8 22:01 發表
如是這樣, 學校是否比較 push學生呢?
如學生尚未達要求考越級公開試, 那會怎
樣呢?  這是否給家長做成很大壓力??

各項公開試會安排一星期一堂嚟預備，而臨考公開試前，如成績未達標既學生，校方會安排果班學生星期六上午返校補課。如果考試成績唔及格，就要出年再考過。

由於各項公開試唔會影響校內成績，(即唔合格唔洗留班)，所以學生同家長只用平常心面對。

dabbycheung

原帖由 hilarywdv 於 08-10-8 22:06 發表
dabbycheung,

你說下午會有另類課程, 這是甚麽課程??
還有, 學校有否把每班的程度來個分班制呢?

謝謝解答

1) 有成長學、才華班、學會、Sports Thursday & Friday, Elective Day等等。

2) 學校唔會按成績嚟分班。

dabbycheung

原帖由 ytpeople 於 08-10-9 00:34 發表

「放長假都要返學校補課」，如果聖誕假期大約放兩星期，咁...有大概幾多日要補課呢？
至於剛剛過了的暑假，又補了多少日呢？

「班主任的外籍老師識唔識講廣東話 ...

1)其實放長假期返學校補課都只係返一兩日上午，聖誕節假期好似係返一兩日上午(唔太記得)。暑假就返最後果個星期既一、三、五上午。

2)我個仔G8時係由外籍老師做班主任，當時有另一位本地老師做副班主任。但唔清楚今年仲有無呢個安排？但如果由外籍老師做班主任，見家長時會有本地老師幫手做翻譯。

3)Pet係劍橋試其中一個英文試，程度約F.3.

[ 本帖最後由 dabbycheung 於 08-10-9 20:25 編輯 ]

dabbycheung

原帖由 hilarywdv 於 08-10-9 19:12 發表
dabbycheung,

其實學校的學生們是否多是資優呢?(以你在此校那麼多年)  你仔仔有否說他的同學之成績或有其他卓越的成就呢?

以我觀察，呀仔果級大既只有幾個學生係資優生。(估計唔多過10個?)。呀仔有幾個同學成績真係好勁！以下資料可供參考：

[2007-08-18] 兩中二生挑戰英會考奪A
陳柏言(中)及宋柱龍(右)雖就讀中二，卻「越級挑戰」英國國際會考，生物科更取得A級成績。
P.S.陳同學今年9月已經跳級讀緊F.6.

02/09/2008 東方
宋 柱 龍 今 次 取 得 四 科 全 A 成 績 ， 其 中 數 學 、 生 物 、 物 理 更 是 最 高 級 別 的 A* 。 他 升 中 時 轉 校 至 優 才 書 院 ， 全 因 該 校 功 課 不 多 、 自 由 度 大 ， 他 指 上 課 專 注 才 是 關 鍵 ， 每 星 期 只 用 半 小 時 溫 習 ， 「 打 機 多 過 溫 書 」 。

另 一 資 優 生 陳 瑞 杰 指 ， 越 級 挑 戰 「 好 輕 鬆 」 ， 像 模 擬 會 考 ， 他 用 半 年 時 間 做 往 年 試 題 ， 最 後 應 考 的 三 科 、 即 數 學 、 生 物 、 物 理 科 皆 取 得 A* 級 。

星島日報

今 年 升 中 四 的 宋 柱 龍 （ 左 起 ） 、 區 敖 欣 和 陳 瑞 杰 ， 去 年 越 級 挑 戰 IGCSE 考 試 ， 結 果 取 得 兩 優 至 四 優 的 佳 績 。

dabbycheung

原帖由 hilarywdv 於 08-10-9 19:35 發表
不好意思!

P.S.  功課少, Test 少, Exam 又少,  其他活
          動就很多, 又很活, 那麽學校是否      
        類似 Int'l School 的教學法呢?  
          這樣學生們才能 容易涵接到, 畢業後可
           ...

我認為優才既教學法，係介乎傳統同國際學校之間，但偏向傳統多D.

G12學生可選讀IB課程。

[ 本帖最後由 dabbycheung 於 08-10-9 21:22 編輯 ]

dabbycheung

原帖由 hilarywdv 於 08-10-9 20:32 發表
dabbycheung,

學校是否有一些特別course for 他們的額外需要呢?  (因他們實在太厲害了, 而且又是在
G.T.College)

咦! 如果太普通的學生入讀此校, 豈不是會有更大的錯敗感, 相反就越戰越勇喎! ...

學校設有數學、英文、科學同音樂加速班。另外，陳同學同宋同學G8考IS同數學IGCSE時,校方係有老師尊人幫佢地補課既(呢兩科)。

另外，我可以比另一個例子你參考：

呀仔有個同學，佢小學時讀新界區某政府小學，由於佢數學科總成績唔合格，於是唔可以直升該校中學部(Band 1英中)，呢位學生後來叩門入左優中，(優中第一年有收少量Band 2學生)。之後佢數學科雖然亦經常唔合格，但今年佢去考數學IGCSE,竟然可以攞C!

所以我覺得，如果學生既質數一般，但經過優才既培訓，成績唔多唔少都應該會有所改善。

dabbycheung

原帖由 hilarywdv 於 08-10-9 21:54 發表
dabbycheung,

我聽完後, 開始有些信心去 apply這學校o

但你知否 interview 會問些什麼??  分幾多部份??  家長要否 interview 呢?

唔好意思！我個仔由於係第一屆4年前考入嚟，所以當時考D乜呀仔已經唔記得？但只知道近年除左要學生面試(考英文同普通話)之外，仲要考埋筆試。

另外亦要家長面試，而家長面試主要係睇下對方認唔認同學校既教學理念？同點解揀優才之類？

dabbycheung

原帖由 hilarywdv 於 08-10-9 22:13 發表
dabbycheung,

吓!  會唔會有英文數呢?  因我仔讀中數o

學校除了兩文三語外, 還有沒有其它語言必修呀?

咁我估應該唔會考英文數呱？

學校無其他必修語言。

dabbycheung

原帖由 passon 於 08-10-9 23:58 發表
Can I ask what textbooks do they use for English and Maths subjects at Grade 7.

English : 書名：Click On(唔記得邊間出版社？因為係由英國訂返嚟)

Maths : 書名：Exploring Mathematics,  出版社：Oxford

dabbycheung

原帖由 passon 於 08-10-11 00:04 發表
Thanks!

Textbooks
-----------
I think it is useful to know what textbooks schools use to establish how progressive they are. HKUGAC uses Maths Quest Victoria, which is used in Victoria Australia. CI ...

校方話一般中學數學科每年只教12課書，但優才就一年教17課書。唔知係唔係因為呢個原因，所以優中G9學生去考數學IGCSE,結果可以攞到100%合格率？

你姪女係唔係之前報紙報導過果位歐同學？如果係佢同我個仔剛過去果個暑假，都有份去新加坡做交流生。

dabbycheung

原帖由 J_Mum 於 08-10-12 23:21 發表


Hi, Dabby,

請問 G10 是否今年才開，因在中學概覽2007/2008 內 G10 - G12 開辦課程是待定。 G10 的課程是否跟G7 差不多？
另外，請問吃飯時間是否在課室 (由供應商提供)，有沒有小食部？

Thanks
J_Mum ...

無錯！今年9月才開到G10. G10同G7既課程差唔多，只係無左視藝科(音樂同美術)，而下午另類課程就無左成長學同加速班。

G7同G8學生需要留響課室內午膳，G9學生就一星期有兩日可以出街食，G10學生就無規定。

學校無小食部。

dabbycheung

原帖由 mayc 於 08-10-14 11:03 發表
Dear G.T. Parents:
由於上星期工作的關係未能出席簡介會,想問問以下的問題.
G.T.不用多功課、測試操練學生,你們認為學校是怎樣誘發出學生的潛能?
我朋友話好成績是家長"谷"出來的,你們所見如何?
如果在G ...

G.T.不用多功課、測試操練學生,你們認為學校是怎樣誘發出學生的潛能?
你既意思係唔係：無乜功課同測試操練學生，點樣會得出好成績？個人認為學校既教學方法，可以引導學生去主動追求學問，所以唔一定要死谷學生，學生既成績先會好。

我朋友話好成績是家長"谷"出來的,你們所見如何?
絕對唔認同！照我所知，好多優中學生都係無出去補習既，學生成績好主要係靠自己同學校既教學方法教出嚟！

除左我之前提過呀仔同學既例子，(即平時數學科經常唔合格，但考數學IGCSE卻可以攞C!)。我亦都可以比我個仔既例子你參考：我個仔小學時讀大埔區政府小學，佢當時成績屬全級頭10名，但去考優中，卻只可以係後備。雖然最後優中都肯收佢，但校長坦白同我講，呀仔既英文水平同優才班學生比，仲有一段距離！之後呀仔入左優中，學校要佢地考pet, 但呀仔同一部份學生因英文水平唔夠，所以唔可以考pet只可以考ket(程度等同F.1).但到左G8, 呀仔去考英文IGCSE(程度等同F.5)已經可以攞E.所以我覺得學校既課程同教法，的確對學生既學業成績會有所幫助。

如果在GT做一個平凡無優異成績的學生會唔會好自卑的?
唔會！因為每科成績同總成績學校只會公報全級頭5名，(而且學校亦只會公報各科平均分數)。而同學之間平時亦好少會互相比較成績。況且因為學校有太多另類課程，所以同學們唔會只尊注落學業成績度, 有D學生可能學業成績方面唔突出，但運動音樂等其他方面有優秀表現都唔定。總之我所接觸既優中學生，個個都好享受學校生活的。

請問考公開試是自願性質?強迫性質?或是老師選出來的?
屬強迫性質。

我是希望兒子能從"忙功課","忙測驗",忙考試"的傳統教學模式走出來,請問G.T.可以做得到嗎?
坦白講，我相信優中唔會係你想搵既中學！

[ 本帖最後由 dabbycheung 於 08-10-14 18:02 編輯 ]

dabbycheung

原帖由 mayc 於 08-10-14 13:14 發表
dabbycheung:
多謝妳的解答!:)
是否說G.T.也是忙功課,忙測驗,忙考試的學校?

你誤會左我既意思！G.T.係少功課少測驗同少考試既學校