補習像一種風氣？！

little_yolky

jswailam928 發表於 14-12-5 10:17
非常認同！ 課程深又教得快！ 幾專心上課都吃不消

雙職父母但無補習在此報到


所以呢, 唔想小朋友咁可憐, 係要由小一選校開始, 揀間啱程度既 (就算學校教得快, 都有啱程度既小朋友的), 功課少既, 測考多既 (衰咗一次都仲可以補鑊), 再將自己標準降底, 唔好set太高, 咁就跟都唔駛跟, 教都唔駛教了。


至於標準高DD的, 也只係需要提下佢溫咗未呀, 幫手預默一下呀, 抽佢乘數表問吓呀, 作下pass paper俾佢試下做咁就得。我都係識但唔識教型, 因為唔知佢點解唔明, 小一時教到阿囡兩行眼淚咁同我講：媽咪, 我自己諗得喇, 唔駛麻煩你教喇。所以, 阿囡一般好少煩我。


但每對父母價值觀唔一樣, 所以都有唔同既做法。唔可以話邊個一定啱唔啱, 小朋友唔辛苦就得了。

little_yolky

dorothywing 發表於 14-12-6 13:44
不太認同小學課程顯淺"。我是自己跟功課，小朋友讀小一，D中文閱讀理解很深，我有時都唔識。我覺得普遍課 ...

又係果句, 好彩, 學校課程淺(其實係程度適中, 唔快唔慢), 至於中文深嗎? 阿囡最拿手係閱讀理解, 佢見到就眉開眼笑, 因為唔駛溫書。至於深過我們當年嗎? 但睇吓依家小朋友屋企啲書, 如果佢哋咁都學唔好, 真係無辦法了, 當年我除教科書以外, 只有阿爸日日買果份報紙, 同埋間唔中買既老夫子而已, 依家小朋友睇書多, 當然相對中文係較當年深一啲了, 最深係要用普通話學而已。但其他科我就覺得同當年差唔多。英文都深少少, 但唔係深好多, 最慘係數學唔覺深, 但阿囡最差居然係科無深咗既數學, 教到嘔血。

little_yolky

dorothywing 發表於 14-12-5 17:58
你囡囡好乖，又自動波，自行處理自己問題。可是，個個孩子氣質有別！此外，選到一間功課合理的學校都是福 ...

我都有位咁既朋友。

佢就慘, 又係沙田區, 幼稚園K1時開始睇學校, 全沙田區都睇云, 最後揀一間以為啱既, 點知小朋友入讀果年轉校長, 變晒 佢小朋友仲要有少少專注力不足, 真係教到嘔血

little_yolky

fc926 發表於 14-12-15 15:56
我地都係雙職, 無補習, 每天放工返屋企只係簽手冊,小二開始連功課有無做都唔check, 呢樣野我對小朋友講明唔 ...

唔狠唔狠, 我都係咁, 我覺得自己都不知幾咁溫柔

小朋友好依賴架, 好似囡囡, 升咗小二, 功課係吃力咗, 咁我咪好心英、數測驗前出份pass paper佢嘆下囉, 點知測中文前, 佢同我講：媽咪, 我想做下卷。

佢一向中文OK, 無理由仲要阿媽我咁辛苦, 於是, 我答：你儍架? 自己讀啦。

little_yolky

scyauchris 發表於 15-1-6 10:15
回覆 little_yolky 的帖子

你好勤力！我是FT mom 懶你好多，通常數我便找份練習佢做。最近才抽問佢常識科 ...

好失望, 噚日阿囡派番份英測卷, 得87。分數我覺得好好, 但入面錯既全部係我作份pass paper有既嘢, 即係做既時候唔小心, 無帶眼仔啦 枉我咁辛苦都作份pass paper佢做, 唉！份卷其實只有1分佢係應該錯的, 應該攞99分。