教數心得

little_yolky

eviepa 發表於 14-12-9 19:08
我開了一個網名叫「數學中心」，不用作交流討論，只載著與數學學習有關的資料，現在只有兩篇。以下是舊帖， ...

你個用禁棉胎背乘數表方法已經徹底失敗咗, 阿囡諗咗好耐都仲未出到牌, 我忍唔住發咗颷了。

little_yolky

1234ats 發表於 14-12-9 12:22
Ryan_baba

如果單看分數，我兒子小四下學期剛合格，到小五上學期六十幾分，下學期考試有八十分，之後小六 ...

我阿囡今年小二, 數學係由幼稚園開始就衰到無朋友, 我已經成功地用兩年小學時間令佢最討厭數學科了 。


真係每次教佢數, 都唔可能控制到自己情緒, 真係完全唔明白, 佢最大既問題係, 幼稚園唔明白老師教乜, 到小一時明白幼稚園嘢, 但唔明白小一嘢, 到小二明白小一嘢, 但又唔明白小二嘢！永遠係遲人一年先至明白, 但考試要考當年嘢呀唔該 。所以, 好失茖, 完全無從入手。

little_yolky

mimi1102 發表於 14-12-10 16:17
我諗我囡同你囡有同樣問題, 就係數感差, 而且可能一年班時, 我地控制唔到自己, 鬧得佢太勁, 佢對計數係完 ...

唔係, 應用題第一次測驗時全部錯晒, 教完第二次測驗只扣了兩分, 係寫錯果幾粒中文字。佢係計錯數, 加減數都計錯 , 尤其係進錯位, 借錯位, 總之係錯錯錯, 唔應該錯既地方錯。佢依家計緊乘數, 毫無改善跡象, 3 X 7可以係28, 4 X 6可以係32, 列式啱都可以計錯, 橫式啱, 直式都可以計錯, 無得救, 完全無得救。

little_yolky

1234ats 發表於 14-12-10 14:25
兒子初小時我教他計數，試過很多方法，怎麼教也不行，無法知道他究竟識還是不識，於是暫時擱置教他數學。
...

咁即係如果我囡囡係你既囡囡, 你就一定會袖手旁觀? 佢無SEN, 中英都好, 唱歌跳舞畫畫乜都好, 但唯獨科數真係唔知點解........我唔理佢, 佢兩次測驗都係得七十幾分, 仲一次底過一次。因為小二數學係測番小一嘢咁累積落去, 所以可以見到份卷舊年錯既佢今年終於識咗, 但啱啱教既佢都唔識, 測驗前解釋過都係唔識, 轉下頭就唔識。

little_yolky

HaYi 發表於 14-12-11 12:31
其實如果普通小朋友學數, 點解要拖到小四先解決小一開始的問題 ? 不如一見有問題就解決.

其它同意樓主,  ...

所以, 我個囡個問題先至大鑊, 佢無看漏題, 無寫少答題, 無寫少名數, 佢真係計錯數。可以計三位減數時個位仲減緊, 但到十位無端端加埋佢, 一題數又加又減, 真係唔到你唔服

佢真係只有前一年既數先可以完全掌握, 3X9可以寫37, 你話死未

little_yolky

Ryan_baba 發表於 14-12-16 13:37
約要數學好，必須從基本概念做起，乘數表係short cut，背熟之如仲需要教小朋友點解七七四十九。之後再用生 ...

佢學校係先教點解七七會係四十九, 然後至叫小朋友背乘數表的, 仲唔係一次背晒9個, 係先背易果啲, 如2, 3, 4, 5, 10。

little_yolky

MASAYA 發表於 14-12-12 10:46
我覺得智商真係唔需要睇太重，呢d數字只係方便人類將人類分類，方便觀察
就算個細路智商180，但係要父母了 ...

我成日望住阿囡, 就諗, 係唔係有人語文藝術IQ高, 但數學IQ低的！每次見佢啲中英文, 我都覺得佢係叻寶寶, 聽佢唱戲, 都覺得真係天才, 但見佢計數, 真係好難有位入到俾我讚

little_yolky

1234ats 發表於 14-12-17 11:09
lingchuling

我很重視訓練兒子的協調能力，他小學時很多簡單動作都做不到，運動能力很差，經過多年訓練及 ...

神奇的 pass paper！

我囡囡最新一次數學測驗有82分 , 而且, 錯既全部係唔小心, 唔係唔識, 即係成份卷佢都明晒, 真係小二以嚟從未如此出色過。我只係用咗兩日時間研究個syllabus, 然後出咗份pass paper俾佢做, 份pass paper仲要得60+分, 然後教番佢做錯既地方, 咁就掂咗了, 睇嚟佢仲有得救。

little_yolky

1234ats 發表於 14-12-17 11:37
little_yolky

咁以後唔好再話個女蠢。

我估唔會有人咁小氣既, 十幾年後都記得?

little_yolky

WHPH 發表於 14-12-17 23:24
回覆 little_yolky 的帖子

👍👍非常勤力的媽媽，自己出劵，真有心有力!  ...

當你見到阿囡數學測1係77分, 測2得番74分, 你都會响測3前化身成一個勤力既媽媽。


BTW, 我出份卷係深過學校的, 阿囡仲一邊做英文卷一邊投訴：媽咪, 老師呢度會供詞喎, 啲詞呢。我就話：無喎, 我係咁衰架啦, 係特登出深啲既, 你識呢份卷, 測驗老師份卷就一定識做, 有乜問題。

little_yolky

1234ats 發表於 15-1-10 16:17
今天講故事。

我已過世的祖母是文盲，但心算了得。我小學時有次功課做除數100除以6，我自己雖然識計，但當 ...

看你祖母買魚一節個頭好暈, 有啲想嘔

我囡囡現小二, 一向數學唔多掂。噚晚, 話唔識時鐘, 後來教佢過程中, 明白到原來係佢老師好大問題。佢兩年來都係同一老師教數, 囡囡話, 老師成日將答案講俾同學知, 但佢仲未明白點解係呢個答案。仲有, 居然數學都有抄寫, 佢哋有一本簿, 係將書入面某幾題堂上做既題目, 回家抄寫重做一次。我完全唔明白目的係乜。只知道, 阿囡係完全唔明, 但唔敢問, 因為佢怕老師以為佢上堂唔專心, 所以唔明。我噚晚話要同老師溝通, 佢就發晒茅咁, 差D一哭二鬧三上吊。睇嚟, 可能我要揸住本教科書, 由小一第一課開始重新教佢了。唔通, 我哋返學只可以等運到, 睇下遇唔遇到好老師? 好無奈。

little_yolky

MASAYA 發表於 15-1-14 11:13
妳之前講中作有問題，而家數學又有問題，不如轉校啦

其實, 唔係身在其中, 真係無辦法知道學校既實際情況。轉, 天大地大, 又可以轉得去邊呢

所以, 見另一帖提到大池小魚定小池大魚既問題, 我就覺得, 唔理大池小池, 最緊要, 係班魚池管理人員質素要好。

little_yolky

IloveJJ 發表於 15-1-14 14:24
你講既「講答案」問題，不只你女學校有，我朋友讀既私校一向教快，我有問朋友，佢地個小朋友識唔識?阿媽話: ...

點解我哋要做埋老師果份


又要教中文, 又要教英文, 佢學古箏我又要學埋, 佢唱粵曲我平喉子喉都要唱, 點解要D媽咪好似十項全能咁? 佢真係遲一D就接收到, 不過, 係遲人一年 小一D數學佢依家好明的。因為數學考試係由小一全部課程accummulate咁考, 所以, 始終都有佢識既部份。好啦, 農曆年同佢由頭溫一次啦

little_yolky

1234ats 發表於 15-1-23 13:05
dontaskme

我訓練兒子時不會考慮分數，而是集中考慮如何改善他的能力。

見到大家咁多問題, 自己囡囡都係數學理解慢D而已, 其實我都應該要好感恩, 唔好發咁多脾四了。
今日考數學, 噚晚又同阿女開火了。連乘數表都未背好。成個學期流流長, 就係由2-9乘數表咁簡單, 一個禮拜背一個數字, 兩個月就背好了, 咁都唔做, 即係懶啦, 諗起就幾把火, 又炳一鑊。



唉！聽佢一邊背, 一邊喊到隻咩咁, 又話死啦我好驚呀。驚咩啫, 唔識咪繼續背囉, 鬼叫你之前懶咩。

little_yolky

wan_sosin 發表於 15-1-24 11:02
其實你囡囡明唔明乘數原理？唔明又要背，就係苦事！
好贊成樓主所講，分數唔重要，明白透澈先可以學落下
我 ...

唉, 老師都有教原理, 但明唔明就真係佢自己至知, 我真係無佢好氣。佢2, 3, 4, 5, 9都背得好, 但就係6, 7, 8背極都錯, 真係煩死人。考完數返屋企好開心, 話乘數都係細數目果D, 所以識計, 一定可以攞到70分, 仲問我可以攞到70分係咪好叻 我只好話：係呀, 俾咗心機就得喇, 不過都要背返大數字果D。

唉！

little_yolky

wan_sosin 發表於 15-1-27 12:45
不是差過之前，有進步都叫好了，好多女仔對數學都係差少少，一見到數字就已經怕，唔好話小朋友，大人都好多 ...

「聰明格」是什麼東東? 我自己只玩過數獨。

當然係差過之前所以先嘆晒氣啦, 由小一上學期開始90+, 到下學期80+, 到小二上學期70+, 真係唔好話唔驚。

little_yolky

wan_sosin 發表於 15-1-27 15:50
我都見有D上小二就大跌，但仲有好長嘅路可以追，加油！
聰明格
www.kenken.com

都好彩佢係慢慢地跌, 唔係一次大跌, 都有足心理準備 (自我安慰中)。而且, 都只有數學一科跌, 咁都算託賴。

little_yolky

wan_sosin 發表於 15-1-28 18:03
樣樣都叻嘅小朋友唔多，有一兩樣強已好好啦！同埋差極都仲叫合格！
我好記得細個時比個數學老師話我，唔知 ...

我都唔係想佢樣樣都叻, 係呈分果幾科叻就得, 係咪好貪心


噚日派咗卷, 唔似中英常聖經, 即刻whatsapp我, 番到屋企見佢扮到好唔開心, 話數學得71分, 今次好難, 有同學唔合格, 老師都知道佢哋儘咗力所以無鬧云云。我問佢咁有無人攞100分, 佢話無, 最高96, 我話咁即係唔係好難啦。佢真係心理狀態一流, 同我講佢乘數果part啱晒。真係無嘢可以打低佢

little_yolky

wan_sosin 發表於 15-1-29 12:27
要呈分科科都好，咁得體育唔洗好囉？
你囡囡都相當樂天，都好呀！



  ...

除咗體育, 仲有中文書法、英文書法同專題研習(即電腦)可以唔駛好

little_yolky

1234ats 發表於 15-2-4 13:09
我輔導過幾位數學成績不太理想的中學生，他們平時花很多精力在老師正在教的課題，而很少複習以往所學過的東 ...

我諗coming既暑假, 我真係要認真執吓阿女從小一開始既數學了